Liostáil lenár nuachtlitir mhíosúil chun bheith ar an eolas faoi na forbairtí is déanaí maidir leis an Tionscnamh Eorpach ó na Saoránaigh. Is i mBéarla a scríobhtar í agus bíonn aistriúchán uathoibríoch di ar fáil i 24 theanga oifigiúla an Aontais Eorpaigh.
Is féidir leat liostáil leis an nuachtlitir anseo agus tá na heagráin a bhí ann roimhe seo le fáil anseo.
Chinn an Coimisiún Eorpach dhá thionscnamh Eorpacha ó na saoránaigh a chlárú an 7 Meán Fómhair.
An tionscnamh dar teideal ‘Every European house equipped with 1 kW photovoltaic and 0.6 kW wind turbines using EU funding through the municipalities alone’ [Cóirítear gach teach Eorpach le grianphainéil 1 kW agus tuirbíní gaoithe 0.6 kW trí mhaoiniú an Aontais a chuirtear ar fáil trí na bardais amháin], is mian leis lorg CO2 gach teaghlaigh a laghdú agus athrú a dhéanamh ar dhearcadh an phobail maidir leis an bhfuinneamh glas.
Is é is aidhm don tionscnamh 'Protect the EU’s Rural Heritage, Food Security and Supply’ [Cosnaítear Oidhreacht Tuaithe, Slándáil Bia agus Soláthar Bia an Aontais] ceantair thuaithe agus slándáil bia an Aontais a chur chun cinn.
Tá sé mhí anois ag na heagraithe an t-am a roghnú a chuirfidh siad tús le bailiú na tacaíochta.
An 24 Lúnasa 2022 chláraigh an Coimisiún tionscnamh Eorpach ó na saoránaigh dar teideal ‘Glao ar thimpeallacht atá saor ó thobac agus an chéad ghlúin Eorpach atá saor ó thobac a bhaint amach faoi 2030’.
Leis an tionscnamh iarrtar ar an gCoimisiún gníomhartha dlíthiúla a mholadh lena gcuirfear chun cinn an chéad ghlúin Eorpach atá saor ó thobac faoi 2028 trí dheireadh a chur le díol tobac agus táirgí nicitín le saoránaigh a rugadh ó 2010 i leith. Iarrtar leis an tionscnamh freisin bearta sonracha chun tránna, bruacha aibhneacha agus páirceanna náisiúnta atá saor ó thobac agus ó bhunanna toitíní a bhaint amach, chomh maith le spásanna amuigh faoin aer atá saor ó ghal a leathnú, agus deireadh a chur le fógraíocht tobac.
Is é seo an cúigiú tionscnamh a cláraíodh in 2022. Tá sé mhí anois ag eagraithe an tionscnaimh an t-am a roghnú a chuirfidh siad tús le bailiú na tacaíochta.
I mbliana, beidh an Tionscnamh Eorpach ó na Saoránaigh i láthair ag roinnt féilte ar fud an Aontais le seastán faisnéise, gníomhaíochtaí amhail tráth na gceist nó balla tuairimíochta, rannpháirtíocht i bpléití agus tuilleadh!
Is iad seo a leanas na féilte inar féidir leat bualadh leis an Tionscnamh Eorpach ó na Saoránaigh agus tú féin a chur in aithne:
Tá gníomhaíochtaí an Tionscnaimh Eorpaigh ó na Saoránaigh beartaithe freisin sa Bheilg (Féile Level up! sa Bhruiséil ag deireadh mhí Dheireadh Fómhair), an Ghréig (Féile Scannán Thessaloniki i mí na Samhna) agus sa tSeicia.
Tá an aois íosta chun tacú le tionscnaimh Eorpacha ó na saoránaigh ag teacht anois leis an aois ag a bhfuil daoine i dteideal vóta a chaitheamh i dtoghcháin Pharlaimint na hEorpa. Tá an aois íosta vótála do na toghcháin sin laghdaithe ag an mBeilg ó 18 go 16 do gach saoránach den Aontas atá ina gcónaí sa tír. Tiocfaidh an beart sin i bhfeidhm an 1 Bealtaine 2023. Ón uair sin ar aghaidh, beidh daoine óga idir 16 agus 18 mbliana d’aois in ann tacú le tionscnaimh Eorpacha ó na saoránaigh.
Cuireadh gnéithe nua le déanaí leis an Lárchóras Bailithe ar Líne chun feabhas a chur ar a fheidhmiúlacht d’eagraithe thionscnamh Eorpach ó na Saoránaigh: anois tá níos mó roghanna formáidithe ag teachtaireachtaí do na meáin shóisialta agus is féidir lógónna na dtionscnamh a thaispeáint i dteachtaireachtaí Facebook. Féadfaidh na heagraithe na méadrachtaí is déanaí a íoslódáil go héasca, teacht ar aiseolas ó úsáideoirí sna bunteangacha mar a chuir na saoránaigh ar fáil é agus tá treoir níos fearr ann do shaoránaigh a chuireann isteach an cód poist mícheart.
Thairis sin, leis an aiseolas a chomhroinneann daoine a thacaíonn leis na tionscnaimh ar chumas an Choimisiúin feabhsuithe eile a ullmhú amach anseo. Is é an Lárchóras Bailithe ar Líne atá á úsáid ag an gcuid is mó de na tionscnaimh atá oscailte cheana, agus beidh sé de cheangal ar gach tionscnamh nua a chlárófar ón 1 Eanáir 2023 úsáid a bhaint as.
How to get heard when people’s attention is focused on something else?
Register for this webinar on 6 July (12:30 – 1:45 CET) and learn about campaigning in difficult circumstances and how to make your citizens' initiative feature when these external events deter attention from it.
Communication expert, John Holland, and ECI organiser from the "Stop Finning - Stop the Trade" European citizens' initiative, Nils Kluger, will share their expertise and experiences on the subject.
With 7 episodes released in season 1 and production for season 2 kicking off, we invite you to share your views on the 'CitizenCentral' podcast. This survey takes approximately 8-10 minutes and closes on 23 June.
Glao ar eagraíochtaí uile na sochaí sibhialta: roinn do thaithí agus do dhearcthaí maidir leis an Tionscnamh Eorpach ó na Saoránaigh! Conas a roghnaíonn tú tacú le tionscnamh nó gan tacú leis? Cuir an t-eolas sin in iúl dúinn trí pháirt a ghlacadh sa suirbhé gearr seo ag a bhfuil sprioc-am: an 31 Iúil.
Cuirfear torthaí an tsuirbhé seo san áireamh san athbhreithniú tréimhsiúil a dhéanfar ar rialacha an Tionscnaimh Eorpaigh ó na Saoránaigh a fhoilseofar faoi dheireadh 2023.
Is é Coiste Eacnamaíoch agus Sóisialta na hEorpa agus a chomhpháirtithe a d’eagraigh eagrán 2022 de Lá an Tionscnaimh ó na Saoránaigh an 2 Meitheamh 2022, agus díríodh an lá sin ar an téama ‘An Tionscnamh Eorpach ó na Saoránaigh 10 mbliana ar aghaidh: réidh don todhchaí?’
A bhuí leis an gceardlann maidir leis an Lárchóras Bailithe ar Líne (COCS), bhíothas in ann gnéithe nua COCS a chur i láthair agus aiseolas a bhailiú ó úsáideoirí agus ó pháirtithe leasmhara ar mhaithe le feabhas leanúnach a chur ar an gcóras.
An cheardlann dar teideal ‘Tionscnamh ar éirigh leo: nuair a tagann eagraíochtaí neamhrialtasacha ar fud an Aontais le chéile ar chúis chomhchoiteann’, thug sí lánléargas ar rannpháirtíocht na sochaí sibhialta leis an Tionscnamh Eorpach ó na Saoránaigh.
Léigh tuilleadh eolais sa phreaseisiúint a d’foilsigh Coiste Eacnamaíoch agus Sóisialta na hEorpa.
Féach na himeachtaí atá ar na bacáin a bhaineann leis an Tionscnamh Eorpach ó na Saoránaigh. Féadfaidh tú freisin féachaint ar liosta na n-imeachtaí a reáchtáladh cheana; tá taifeadtaí de chuid acu ar fáil.
