Ar fhiafraigh tú díot féin riamh faoi aois agus náisiúntacht eagraithe na dtionscnamh Eorpach ó na saoránaigh, i ndáil lena ndaonra freisin? Féach na sonraí agus na figiúirí is déanaí maidir le tionscnaimh Eorpacha ó na saoránaigh i ngrafaic faisnéise an Tionscnaimh Eorpaigh ó na Saoránaigh (a nuashonraíodh i mí na Bealtaine 2022) ar Fhóram an Tionscnaimh.
Tá an cúrsa ar líne maidir le Scileanna Riachtanacha d’Eagraithe an Tionscnaimh Eorpaigh ó na Saoránaigh le fáil in EU Academy.
Díríonn an cúrsa ar na gnéithe praiticiúla den Tionscnamh Eorpach ó na Saoránaigh agus tugann sé deis do dhaoine foghlaim faoin bpróiseas agus faoin gcleachtas a bhaineann le tionscnaimh Eorpacha ó na saoránaigh a fhorbairt ionas go n-éireoidh leo. Is iad saineolaithe a bhfuil taithí acu a thugann an treoir le linn an chúrsa. Gheobhaidh na rannpháirtithe teastas ar chur i gcrích an chúrsa dóibh. Cuirtear an cúrsa ar fáil saor in aisce.
An 01 Meitheamh 2022 chláraigh an Coimisiún tionscnamh Eorpach ó na saoránaigh dar teideal ‘Good Clothes, Fair Pay’ (Éadaí Maithe, Pá Cothrom). Leis an tionscnamh, iarrtar ar an gCoimisiún Eorpach reachtaíocht a mholadh lena gceanglófar ar ghnóthais atá gníomhach in earnáil an éadaigh agus an choisbhirt dícheall cuí a dhéanamh i leith pánna maireachtála ina slabhraí soláthair.
Is é seo an ceathrú tionscnamh a cláraíodh in 2022 agus an 90ú tionscnamh ó cuireadh tús leis an Tionscnamh Eorpach ó na Saoránaigh in 2012. Tá sé mhí anois ag na heagraithe an t-am a roghnú a chuirfidh siad tús le bailiú na tacaíochta.
Is é an Coiste Eacnamaíoch agus Sóisialta na hEorpa agus a chomhpháirtithe a eagróidh eagrán 2022 de Lá an Tionscnaimh ó na Saoránaigh, agus díreofar an lá sin ar an téama ‘An Tionscnamh Eorpach ó na Saoránaigh 10 mbliana ar aghaidh: réidh don todhchaí?’ Freastalóidh Leas-Uachtarán an Choimisiúin Eorpaigh um Dhaonlathas agus um Dhéimeagrafaíocht, Dubravka Šuica air.
Mar chuid den ócáid, eagróidh an Coimisiún Eorpach ceardlann maidir leis an Lárchóras Bailithe Ar Líne le tacaíocht ó Fhóram an Tionscnaimh Eorpaigh ó na Saoránaigh. Tá sé mar aidhm leis freisin aiseolas a bhailiú ó úsáideoirí agus ó pháirtithe leasmhara chun feabhas leanúnach a chur ar an gcóras.
Ócáid hibrideach a bheidh ann, agus beidh daoine rannpháirteach sa Bhruiséil nó ar líne. Is féidir clárú go dtí an 25 Bealtaine
Taking the initiative matters! Discover how to make a difference with the European Citizens’ Initiative.
Watch the recording of the webinar to find out about this unique participatory democracy tool and listen to people who have started initiatives and experts.
Staff from the European Commission and the ECI Forum gave an overview of the European Citizens’ Initiative, focusing on recent improvements and the different ways people can get involved. People who have decided to start European citizens’ initiatives shared their experience and explained why they chose to use the ECI for their cause and what impact they have reached so far.
The webinar was organised on 3 May 2022. Follow the link below to watch its recording.
An 27 Aibreán 2022 chinn an Coimisiún an tríú Tionscnamh Eorpach ó na Saoránaigh a chlárú in 2022, is é sin ‘Cuirtear Deireadh le Ré an Mharaithe’.
Iarrann an tionscnamh ar an gCoimisiún feirmeoireacht bheostoic a eisiamh ó ghníomhaíochtaí atá incháilithe le haghaidh fóirdheontais talmhaíochta agus roghanna malartacha eiticiúla éiceolaíocha a chur san áireamh, amhail feirmeoireacht cheallach agus próitéiní plandaí, sin agus dreasachtaí a thabhairt isteach chun táirgí talmhaíochta atá bunaithe ar phlandaí agus ar an feirmeoireacht cheallach a tháirgeadh agus a dhíol.
Tá sé mhí anois ag eagraithe an tionscnaimh an t-am a roghnú a chuirfidh siad tús le bailiú na tacaíochta.
In 2022 beidh an Tionscnamh Eorpach ó na Saoránaigh 10 mbliana ar an bhfód, agus san eagrán ‘TES@10: tionscnaimh nua agus cuimhní cinn’ de phodchraoladh CitizenCentral, féadfaidh tú bualadh le heagraithe ón am atá caite, ón am i láthair agus eagraithe a d’fhéadfadh a bheith ann amach anseo. I measc na n-eagraithe sin tá Simona Pronckutė, an Dr. Julia Baines and Virginia Fiume, iad ag déanamh ionadaíocht do ‘Fraternité 2020 – Mobility. Progress. Europe. [Fraternité 2020 – Soghluaisteacht. Dul chun cinn. An Eoraip]’, ‘Save Cruelty Free Cosmetics [Cosmaidí saor ó chruálacht a shábháil]’ agus ‘Stop Global Warming – a price for carbon to fight climate change [Cuir deireadh leis an téamh domhanda – praghas ar charbón chun an t-athrú aeráide a chomhrac’.
Mar chuid den eagrán faoi ‘Vacsaíní agus cóipcheart – cuir aithne ar na hEorpaigh atá ag troid chun go ndéanfar athruithe ar bheartais an Aontais’, cuirtear i dtábhacht na tionscnaimh ‘Freedom to Share [Saoirse Roinnte]’ agus ‘Right to Cure [An ceart chun leighis ar ghalar]’ agus tá speisialtóirí ar chearta maoine intleachtúla rannpháirteach ann freisin.
Éist le CitizenCentral (i mBéarla amháin) atá ar fáil ar Apple Podcasts, Spotify, Google Podcasts agus SoundCloud.
An 16 Márta 2022 chláraigh an Coimisiún tionscnamh Eorpach ó na saoránaigh dar teideal ‘Fur Free Europe’ (‘An Eoraip Saor ó Fhionnadh’). Leis an tionscnamh iarrtar ar an gCoimisiún toirmeasc a thabhairt isteach ar fud an Aontais maidir le hainmhithe a choinneáil agus a mharú chun fionnadh a tháirgeadh, sin agus chun an toirmeasc céanna a thabhairt isteach i dtaca le fionnadh agus táirgí ina bhfuil fionnadh den sórt sin a chur ar mhargadh an Aontais.
Is é seo an dara tionscnamh a cláraíodh in 2022. Tá sé mhí anois ag na heagraithe an t-am a roghnú a chuirfidh siad tús le bailiú na tacaíochta.
Le linn Bhliain Eorpach na hÓige déanfaidh Fóram an Tionscnaimh Eorpaigh ó na Saoránaigh teagmháil le daoine óga san Eoraip!
In earrach 2022 míneoidh Fóram an Tionscnaimh Eorpaigh ó na Saoránaigh bunghnéithe an Tionscnaimh Eorpaigh ó na Saoránaigh agus na deiseanna atá á gcur ar fáil ag an bhFóram. Cuirfear na chéad seisiúin ar fáil do mhic léinn in Ollscoil Babes-Bolyai (an Rómáin), in Ollscoil Wrocław (an Pholainn), in Ollscoil Leiden (an Ísiltír), agus in Ollscoil Lusófona (an Phortaingéil).
An 2 Feabhra 2022 chláraigh an Coimisiún tionscnamh Eorpach ó na saoránaigh dar teideal ‘Win It On The Pitch’ [An Bua ar Pháirc na hImeartha]. Iarrann eagraithe an tionscnaimh ar an gCoimisiún samhail Eorpach an spóirt a chosaint, ar samhail í atá bunaithe ar luachanna, ar an dlúthpháirtíocht, ar an inbhuanaitheacht agus ar an iomaíocht oscailte.
Is é sin an chéad tionscnamh a cláraíodh in 2022 agus an 17ú tionscnamh ó tháinig na rialacha nua maidir leis an tionscnamh Eorpach ó na saoránaigh i bhfeidhm an 1 Eanáir 2020. Tá sé mhí anois ag na heagraithe an t-am a roghnú a chuirfidh siad tús le bailiú na tacaíochta.
Féach na himeachtaí atá ar na bacáin a bhaineann leis an Tionscnamh Eorpach ó na Saoránaigh. Féadfaidh tú freisin féachaint ar liosta na n-imeachtaí a reáchtáladh cheana; tá taifeadtaí de chuid acu ar fáil.
