An scéala is déanaí

Tá 1,502,319 ráiteas tacaíochta bailíochtaithe ó shaoránaigh an Aontais bainte amach ag an tionscnamh ‘An Eoraip Saor ó Fhionnadh’. Is ionann an méid sin agus an líon is mó ráiteas tacaíochta bailíochtaithe a bailíodh riamh cheana. Baineadh an tairseach amach in 18 dtír. Is éard is brí leis sin gurb é an tionscnamh sin an 10ú tionscnamh ar éirigh leis a cuireadh faoi bhráid an Choimisiúin Eorpaigh. Cuireadh an tionscnamh isteach an 14 Meitheamh 2023.

Leis an tionscnamh iarrtar ar an gCoimisiún toirmeasc a thabhairt isteach ar fud an Aontais maidir le hainmhithe a choinneáil agus a mharú chun fionnadh a tháirgeadh, sin agus chun an toirmeasc céanna a thabhairt isteach i dtaca le fionnadh agus táirgí ina bhfuil fionnadh den sórt sin a chur ar mhargadh an Aontais.

Tá go dtí an 14 Nollaig 2023 ag an gCoimisiún chun a fhreagra oifigiúil a thíolacadh lena dtabharfar cur síos ar na bearta atá beartaithe aige a dhéanamh. Buailfidh an Coimisiún leis na heagraithe chun an tionscnamh a phlé go mion sna seachtainí amach romhainn. Eagróidh Parlaimint na hEorpa éisteacht phoiblí ina dhiaidh sin.

Tá na huirlisí foghlama roinnte i 4-aonad, agus cruthaíodh iad mar ghníomhaíocht roghnach seomra ranga do dhaltaí meánscoile na sraithe sinsearaí. Is é is aidhm dóibh an t-eolas agus na scileanna a thabhairt do dhaltaí a chuirfidh ar a gcumas a bheith ina saoránaigh ghníomhacha rannpháirteacha de chuid an Aontais. Mar chuid den phróiseas sin, díríonn na huirlisí ar an Tionscnamh Eorpach ó na Saoránaigh. 

Tríd an teagasc, an taighde, an díospóireacht, obair thionscadail agus rólimirt, foghlaimíonn daltaí faoin gcaoi ar tháinig forbairt ar an Aontas le himeacht ama, faoin gcaoi a gceapann institiúidí an Aontais dlíthe, faoin tionchar a mbíonn ag na dlíthe sin ar an saol laethúil, agus faoin gcaoi a gcuireann an Tionscnamh Eorpach ó na Saoránaigh ar a gcumas dul i gcomhairle le daoine eile chun beartas an Aontais a mhúnlú i dtaca le saincheisteanna ar cás leo.  

Ar fáil anois: an eipeasóid nua de phodchraoladh CitizenCentral lena gcuirtear tionscnaimh Eorpacha ó na saoránaigh i dtábhacht.

San eipeasóid seo, labhraímid faoi na hiarrachtaí leanúnacha atá á ndéanamh chun go mbeidh eolas ag gach duine san Eoraip ar an Tionscnamh Eorpach ó na Saoránaigh - agus tosnófar le daltaí meánscoile. D’fhorbair an Coimisiún Eorpach na huirlisí do scoileanna darb ainm ‘An difear a dhéanann Daonlathas an Aontais - Cuir do thuairim in iúl leis an Tionscnamh Eorpach ó na Saoránaigh’ agus rinneadh iad a phíolótú i meánscoileanna go luath in 2023.

Éist le CitizenCentral (i mBéarla amháin) atá le fáil ar Apple Podcasts, Spotify, agus SoundCloud.  

An 31 Bealtaine chláraigh an Coimisiún tionscnamh Eorpach ó na saoránaigh dar teideal ‘Coincheap an fhasaigh bhreithiúnaigh a chur chun feidhme go héifeachtach i dtíortha an Aontais Eorpaigh’.

Leis an tionscnamh, iarrtar ar an gCoimisiún sásra a thabhairt isteach lena ráthófar aitheantas frithpháirteach do chinntí breithiúnacha críochnaitheacha arna nglacadh ag cúirteanna Ballstát eile agus lena dtugtar an rogha fasaigh bhreithiúnacha náisiúnta a agairt arna gcinneadh ag cúirteanna na tíre lena mbaineann. Bheadh feidhm ag an sásra maidir le cásanna a bhaineann le ceisteanna dlíthiúla comhchosúla a raibh deis ag an gCúirt cheana na forálacha is infheidhme de dhlí an Aontais a léirmhíniú ina leith.

Is é seo an cúigiú tionscnamh a cláraíodh in 2023. Tá sé mhí ag eagraithe an tionscnaimh anois chun an t-am a roghnú a chuirfidh siad tús le bailiú na tacaíochta.

Is é Coiste Eacnamaíoch agus Sóisialta na hEorpa a eagróidh Lá an Tionscnaimh Eorpaigh ó na Saoránaigh 2023 agus díreoidh sé ar na scileanna a theastaíonn ó eagraithe chun go n-éireoidh lena dtionscnamh – i ndáil leis an mBliain Eorpach um Scileanna. Freastalóidh Leas-Uachtarán an Choimisiúin Eorpaigh atá i gceannas ar Luachanna agus ar Thrédhearcacht, Věra Jourová, ar an gcomhdháil.

Na huirlisí le haghaidh scoileanna ‘An difear a dhéanann Daonlathas an Aontais - Cuir do thuairim in iúl leis an Tionscnamh Eorpach ó na Saoránaigh’ arna bhforbairt ag an gCoimisiún, is ag an ócáid a sheolfar iad.

Ócáid hibrideach a bheidh ann, agus beidh daoine rannpháirteach sa Bhruiséil nó ar líne. Is féidir clárú go dtí an 4 Meitheamh.

Reáchtálfaidh Parlaimint na hEorpa éisteacht phoiblí maidir leis an naoú tionscnamh Eorpach ó na saoránaigh ar éirigh leis, is é sin ‘Sábháiltear cosmaidí neamhchruálacha – Tugtar gealltanas go mbeidh an Eoraip saor ó thástáil ar ainmhithe’, an 25 Bealtaine 2023 idir 9.00 a.m. agus 12.00 p.m. Cuirfidh na heagraithe cuspóirí an tionscnaimh i láthair agus rachaidh siad i mbun plé le Feisirí de Pharlaimint na hEorpa. Glacfaidh ionadaithe ón gCoimisiún Eorpach páirt freisin.

Beidh an cruinniú á shruthú ar an ngréasán agus á thaifeadadh.

Thanks to an amendment to the national provisions on European citizens’ initiative, applying as of 1 May 2023, Belgian citizens can support European citizens’ initiatives from age 16.

There are altogether six countries where it is possible to support ECIs below age 18.

An 18 Aibreán chláraigh an Coimisiún tionscnamh Eorpach ó na saoránaigh dar teideal ‘Príomhchathracha agus muintir na hEorpa go léir a nascadh trí líonra traenach ardluais’.  

Iarrtar sa tionscnamh go nascfaí príomhchathracha uile na hEorpa le línte iarnróid ardluais trí na líonraí iarnróid ardluais atá ann cheana a nascadh le chéile agus trí línte ardluais a thógáil i gcás nach ann dóibh go fóill.

Is é seo an ceathrú tionscnamh ó na saoránaigh a cláraíodh in 2023, agus an 100ú ceann ar an iomlán, rud ar cloch mhíle thábhachtach é ó tugadh an uirlis isteach in 2012.

Inniu, d’fhoilsigh an Coimisiún Eorpach a fhreagra ar an tionscnamh Eorpach ó na saoránaigh dar teideal ‘Sábhálaimis na beacha agus na feirmeoirí! I dtreo talmhaíocht neamhdhíobhálach do bheacha i gcomhair comhshaol folláin’, arb é an seachtú tionscnamh rathúil a fuair tacaíocht ó níos mó ná 1 mhilliún saoránach ar fud an Aontais.

Léigh an teachtaireacht ón gCoimisiún. 

Reáchtálfaidh Parlaimint na hEorpa éisteacht phoiblí maidir leis an ochtú Tionscnamh Eorpach ó na Saoránaigh ar éirigh leis, is é sin Cuir deireadh le teascadh eití – Cuir deireadh leis an trádáil, an 27 Márta ó 3:00 go 6:00 p.m. Cuirfidh na heagraithe cuspóirí an tionscnaimh i láthair agus rachaidh siad i mbun plé le Feisirí de Pharlaimint na hEorpa. Glacfaidh ionadaithe ón gCoimisiún Eorpach páirt freisin.

Beidh an cruinniú á shruthú ar an ngréasán agus á thaifeadadh.