Eisíodh leagan nua d’fheidhmchlár an Lárchórais Bailithe ar Líne de chuid an Tionscnaimh Eorpaigh ó na Saoránaigh le déanaí. Tá leagan úrnua den mhodúl slándála EU Captcha ann (lena seiceáiltear an duine daonna é an t-úsáideoir). Is modúl foinse-oscailte ilteangach é sin atá go hiomlán i gcomhréir le RGCS.
Ina theannta sin cuireann an Lárchóras Bailithe ar Líne nua staitisticí mionsonraithe ar fáil d’eagraithe na dtionscnamh maidir leis an úsáid a bhaintear as an gcóras chun sínithe a bhailiú. Is é an Lárchóras Bailithe ar Líne atá á úsáid ag an gcuid is mó de na tionscnaimh atá oscailte cheana, agus beidh sé de cheangal ar gach tionscnamh nua a chlárófar ón 1 Eanáir 2023 úsáid a bhaint as.

Tá an cúigiú heagrán den tsraith nua podchraoltaí faoin Tionscnamh Eorpach ó na Saoránaigh, CitizenCentral, díreach eisithe agus is féidir éisteacht leis ar Apple Podcasts, Spotify, Google Podcasts agus SoundCloud.

Is é teideal an eagráin seo ‘Tomhaltóirí cúramacha – cuir aithne ar Eorpaigh a bhfuil bealaí cruthaitheacha acu chun an t-athrú aeráide a chomhrac’, agus is iad na tionscnaimh Eorpacha ó na saoránaigh Cuir Cosc ar Fhógraíocht Breoslaí Iontaise (Ban Fossil Fuel Ads) agus Éiceascór Eorpach (European EcoScore) atá faoi chaibidil ann. San eagrán sin freisin, cloisfidh tú ó shaineolaithe agus ó ghníomhaithe sna réimsí ábhartha.

Inniu rinne an Coimisiún cinneadh Tionscnamh Eorpach ó na Saoránaigh a chlárú dar teideal ‘The Green VAT – CBL Glas an Aontais darb aidhm táirgí agus seirbhísí inbhuanaithe atá neamhdhíobhálach don chomhshaol a spreagadh’. Iarrann eagraithe an tionscnaimh ar an gCoimisiún gníomh dlí a mholadh agus é mar aidhm aige ‘an ráta CBL ar tháirgí agus ar sheirbhísí glasa a laghdú’.

Inniu freisin, bhí ar an gCoimisiún diúltú do chlárú tionscnaimh eile dar teideal ‘tionscnamh EVE chun an ceart a chruthú chun cinneadh a dhéanamh’. An diúltú sin, arb é an chéad diúltú é ó cuireadh na rialacha nua i bhfeidhm i mí Eanáir 2020, tháinig sé tar éis nós imeachta dhá chéim. Ag an gcéad chéim, iarradh ar na heagraithe a gcéad tionscnamh a leasú agus an chéad mheasúnú ón gCoimisiún á chur san áireamh.

Tá an ceathrú heagrán den tsraith podchraoltaí faoin Tionscnamh Eorpach ó na Saoránaigh, CitizenCentral, díreach eisithe agus is féidir éisteacht leis ar Apple Podcasts, Spotify, Google Podcasts agus SoundCloud.

San eagrán seo, a bhaineann le cearta bunúsacha agus sóisialta, is iad na Tionscnaimh leantacha Eorpacha ó na Saoránaigh a ndéantar plé orthu ná Tionscnamh de chuid na sochaí sibhialta maidir le toirmeasc ar chleachtais ollfhaireachais bhithmhéadraigh agus Bunioncam Neamhchoinníollach (UBI) a thabhairt isteach ar fud an Aontais. Féadfaidh tú freisin éisteacht le speisialtóir i réimse na heitice agus na gcearta teicneolaíochta, le hiriseoir iniúchta agus le saineolaí ar Thodhchaí na hOibre.

Workshop for (potential) organisers of European citizens’ initiatives, to discover how to find funds for the initiative, how to report donations and to gather tips for fundraising strategy.

Workshop organised by Democracy International, under subcontract of the European Commission.

10 November, 14:00-16:30 CET. Register here.

Tá an tríú heagrán den tsraith nua podchraoltaí faoin Tionscnamh Eorpach ó na Saoránaigh, CitizenCentral, díreach eisithe agus is féidir éisteacht leis ar Apple Podcasts, Spotify, Google Podcasts agus SoundCloud.

Déantar plé san eagrán seo ar ábhair chomhshaoil ar talamh agus ar muir, agus dírítear ar dhá thionscnamh Eorpacha ó na saoránaigh atá ar siúl faoi láthair: ‘Stop Finning – Stop the Trade [Cuir deireadh le Teascadh Eití – Cuir deireadh leis an trádáil]’ agus ‘Green Garden Roof Tops [Gairdíní Glasa Dín]’. San eagrán seo freisin, cloisfidh tú ó ionadaí an tionscnaimh ‘Grow Scientific Progress: crops matter’ [Dul chun cinn san eolaíocht a chothú: an-tábhacht leis na barra] agus ó bhitheolaithe muirí.

Inniu chláraigh an Coimisiún tionscnamh Eorpach nua ó na saoránaigh dar teideal ‘Call to Action – Environmental protection in all policies [Glao chun Gnímh – Cosaint an chomhshaoil i ngach beartas]’.

Is é seo an deichiú tionscnamh a cláraíodh in 2021. Tá sé mhí anois ag na heagraithe an t-am a roghnú a chuirfidh siad tús le bailiú na tacaíochta.

Tá an dara heagrán den tsraith nua podchraoltaí faoin Tionscnamh Eorpach ó na Saoránaigh, CitizenCentral, díreach eisithe agus is féidir éisteacht leis ar Apple Podcasts, Spotify, Google Podcasts agus SoundCloud.

Díríonn an tsraith 'CitizenCentral' ar na daoine taobh thiar de na tionscnaimh Eorpacha ó na Saoránaigh. Roinneann eagraithe, saineolaithe beartas agus saoránaigh a dtuairimí maidir leis na hábhair a ardaíodh a bhuí leis na tionscnaimh éagsúla.

Sa dara heagrán cloistear ó eagraithe na dtionscnamh an Clár um Malartú na Státseirbhíseach agus Vótálaithe gan Teorainneacha agus ó chainteoirí eile ar mór acu an rannpháirtíocht sa daonlathas.

Tá an cúrsa ar línemaidir le Scileanna Riachtanacha d’eagraithe na dTionscnamh Eorpach ó na Saoránaigh ar oscailt anois ar EU Academy. Díríonn an cúrsa ar na gnéithe praiticiúla den Tionscnamh Eorpach ó na Saoránaigh agus tugann sé deis do dhaoine foghlaim faoin bpróiseas agus faoin gcleachtas a bhaineann le tionscnaimh Eorpacha ó na saoránaigh a fhorbairt ionas go n-éireoidh leo. Is iad saineolaithe a bhfuil taithí acu a thugann an treoir le linn an chúrsa. Gheobhaidh na rannpháirtithe teastas ar chur i gcrích an chúrsa dóibh. Is cúrsa saor in aisce é agus beidh sé ar oscailt go dtí an 10 Nollaig 2021.

Inniu, chláraigh an Coimisiún tionscnamh Eorpach nua ó na saoránaigh dar teideal 'Stop (((5G))) - Stay Connected but Protected [Cuirimis stop le (((5G))) – Fanaimis faoi Cheangal ach faoi Chosaint]'.

Is é seo an naoú tionscnamh nua a cláraíodh in 2021.