An scéala is déanaí

Join ECI Forum experts and the ECI organisers Helmut Burtscher-Schaden ('Save bees and farmers!) and Attila Dabis (‘Cohesion policy for the equality of regions and sustainability of regional cultures’) to learn more about collecting statements of support for a European citizens' initiative. The webinar will also allow participants to learn more about the European Citizens’ Initiative as a tool to impact European public policy making. Find out more on the event webpage.

Sraith nua podchraoltaí ón Tionscnamh Eorpach ó na Saoránaigh is ea CitizenCentral a tharraingíonn aird ar na daoine atá freagrach as na tionscnaimh Eorpacha ó na saoránaigh. Roinneann eagraithe, saineolaithe beartas agus saoránaigh a dtuairimí maidir leis na hábhair a ardaíodh a bhuí leis na tionscnaimh éagsúla.

Sa chéad chlár, déantar plé ar na tionscnaimh ‘An Aoine don Todhchaí’ agus ‘Beacha agus Feirmeoirí a shábháil’. Tá sé ar fáil anois ar SoundCloud.

Beidh cláir nua den phodchraoladh CitizenCentral ar fáil go luath.

Inniu rinne an Coimisiún Eorpach cinneadh tionscnamh Eorpach ó na saoránaigh a chlárú, tionscnamh dar teideal 'Comhréireacht maidir le Comhbheartas Tráchtála a áirithiú le Conarthaí an Aontais Eorpaigh agus comhlíonadh an dlí idirnáisiúnta a áirithiú’.

Iarrann eagraithe an tionscnaimh ar an gCoimisiún ‘gníomhartha dlí a mholadh bunaithe ar an gComhbheartas Tráchtála chun cosc a chur ar eintitis dhlíthiúla de chuid an Aontais táirgí a allmhairiú ar de thionscnamh lonnaíochtaí neamhdhleathacha i gcríocha faoi fhorghabháil iad, agus táirgí a onnmhairiú chuig críocha den chineál sin, ar mhaithe le hionracas an mhargaidh inmheánaigh a chaomhnú agus deimhin a dhéanamh de nach gcuidítear chun staideanna neamhdhleathacha mar sin a choinneáil ar bun.’

Is fiú go mór a léiriú go dtugann an tionscnamh deis don Choimisiún togra maidir le gníomh dlí a chur isteach faoin gComhbheartas Tráchtála, ar Comhbheartas ginearálta é nach ndírítear ar thír ar leith ná ar chríoch ar leith.

Tá an Coimisiún tar éis tionscnamh nua ó na saoránaigh a chlárú, ‘CuirnaPlaistigharAis’ [ReturnthePlastics’]: Tionscnamh ó na saoránaigh chun córas éarlaise uile-Aontais a chur chun feidhme le buidéil phlaisteacha a athchúrsáil.

Eagraithe ‘ReturnthePlastics’: Leis an tionscnamh ó na saoránaigh chun córas éarlaise uile-Aontais a chur chun feidhme le buidéil phlaisteacha a athchúrsáil’, iarrtar ar an gCoimisiún togra a chur i láthair chun:

• córas éarlaise uile-Aontais a chur chun feidhme le buidéil phlaisteacha a athchúrsáil,
• na Ballstáit go léir a spreagadh chun a chinntiú go ndéanann ollmhargaí (nó slabhraí ollmhargaí) a dhíolann buidéil phlaisteacha meaisíní bailithe buidéal a shuiteáil chun na buidéil atá ceannaithe agus úsáidte ag tomhaltóirí a athchúrsáil, agus
• tabhairt ar na cuideachtaí a tháirgeann buidéil phlaisteacha cáin ar phlaisteach a íoc le haghaidh athchúrsáil agus córas éarlaise na mbuidéal plaisteach (de réir an phrionsabail gur cheart gurb é údar an truaillithe a íocfaidh as).

Seo an seachtú tionscnamh a cláraíodh in 2021.

An 15 Iúil ghlac Věra Jourová, Leas-Uachtarán an Choimisiúin Eorpaigh um Luachanna agus um Thrédhearcacht, páirt i malartú tuairimí le Coiste Pharlaimint na hEorpa um Achainíocha. Ba é an t-ábhar a bhí á phlé: an obair leantach ar na Tionscnaimh Eorpacha rathúla ó na Saoránaigh.

Rinne an Leas-Uachtarán cur síos ar na chéad chéimeanna eile don tionscnamh ‘Ná coinnímis ainmhithe i gcásanna feasta’, chomh maith leis na bearta a rinneadh maidir leis na tionscnaimh a freagraíodh roimhe sin. Thug sí freagra mionsonraithe ar na ceisteanna agus ar na tuairimí ó na Comhaltaí. Féach ar an taifeadadh anseo.

Inniu, chláraigh an Coimisiún dhá thionscnamh Eorpacha nua ó na saoránaigh.

'Éiceascór Eorpach'

Iarrann eagraithe an tionscnaimh 'Éiceascór Eorpach' ar an gCoimisiún 'Éiceascór Eorpach iontaofa' a mholadh – lipéad riachtanach lena dtugtar eolas do thomhaltóirí i dtaca leis an tionchar comhshaoil atá ag táirgí a mhonaraítear san Aontas nó a dhíoltar ar mhargadh an Aontais. Bunófar an lipéad ar ríomh caighdeánach, agus tosófar le bia agus éadaí ach is é an aidhm dheiridh atá ann go gclúdóidh an lipéad gach cineál táirge.

'Sábháil cosmaidí neamhchruálacha – Tabhair gealltanas go mbeidh an Eoraip saor ó thástáil ar ainmhithe'

Iarrann eagraithe an tionscnaimh 'Sábháil cosmaidí neamhchruálacha – Tabhair gealltanas go mbeidh an Eoraip saor ó thástáil ar ainmhithe' ar an gCoimisiún reachtaíocht a mholadh lena dtreiseofaí agus lena leathnófaí amach toirmisc an Aontais atá i bhfeidhm faoi láthair i dtaca le tástálacha ar ainmhithe le haghaidh cosmaidí, sin agus i dtaca leis an margaíocht a dhéantar ar na comhábhair a úsáidtear chun tástáil a dhéanamh ar ainmhithe. Leis an reachtaíocht freisin, leagfaí amach treochlár chun deireadh de réir a chéile a chur le tástálacha ar ainmhithe sula dtagann deireadh le sainordú reatha an Choimisiúin.

Agus an dá chlárúchán sin san áireamh, cláraíodh 6 thionscnamh nua sa chéad leath de 2021.

D’fhoilsigh an Coimisiún Eorpach a fhreagra ar an tionscnamh Eorpach ó na saoránaigh ‘Ná coinnímis ainmhithe i gcásanna feasta’, an séú tionscnamh ar éirigh leis agus ar thacaigh bhreis agus 1 mhilliún saoránach ar fud an Aontais leis.

Léigh an teachtaireacht ón gCoimisiún agus an phreaseisiúint, agus féach ar an bhfíseán.

Inniu, chláraigh an Coimisiún tionscnamh Eorpach nua ó na saoránaigh.

Iarrann eagraithe an tionscnaimh ‘Cuir Cosc ar Fhógraíocht agus Urraíocht Breoslaí Iontaise’ ar an gCoimisiún cosc a mholadh ar fhógraíocht agus urraíocht lena dtacaítear leis an margadh do bhreoslaí iontaise agus lena gcuirtear chun cinn é, sin agus maidir le gach cineál feithicle a úsáideann na breoslaí sin (lasmuigh d’fheithiclí a úsáidtear le haghaidh seirbhísí iompair lena ngabhann leas eacnamaíoch ginearálta).

Is é seo an ceathrú tionscnamh a cláraíodh in 2021.

Ina rún maidir leis an tionscnamh Eorpach ó na saoránaigh ‘Ná coinnímis ainmhithe i gcásanna feasta’, iarrann Feisirí Pharlaimint na hEorpa ar an gCoimisiún tograí reachtacha a cheapadh chun cosc a chur ar fheirmeoireacht ar ainmhithe i gcásanna san Aontas, roimh 2027 más féidir, tar éis idirthréimhse iomchuí agus tar éis dlúthmheasúnú tionchair eolaíoch a chur i gcrích.

Glacadh an rún an 10 Meitheamh le 558 vóta i bhfábhar, 37 vóta i gcoinne agus 85 staonadh ó vótáil.

Féach taifeadadh na díospóireachta sa seisiún iomlánach ar shuíomh gréasáin na Parlaiminte.

Tá an Coimisiún Eorpach ag tabhairt cuireadh do shaoránaigh eolas a chur ar an Tionscnamh Eorpach ó na Saoránaigh – agus an fócas ar Éirinn – an 16 Meitheamh, agus an 18 Meitheamh is ar Lucsamburg a dhíreofar. Chun cur le raon na n-imeachtaí agus a bhuí leis an bhformáid dhigiteach, is féidir le saoránaigh ó Bhallstáit eile freastal air freisin.

Féach ar dhátaí na n-imeachtaí atá le teacht ar ár suíomh gréasáin. Tá taifeadtaí ó na himeachtaí a bhí dírithe ar an nGearmáin , ar an Danmhairg agus ar an tSualainn ar fáil freisin.