Cabhraíonn Ambasadóirí an Tionscnaimh Eorpaigh ó na Saoránaigh chun an scéal a scaipeadh faoin Tionscnamh Eorpach ó na Saoránaigh, díospóireacht a chothú agus saoránaigh a chumasú le gníomhú ar chúiseanna atá tábhachtach dóibh. Is ar bhonn deonach a dhéanann siad a gcuid oibre.
Is ó réimse leathan eagraíochtaí atá gníomhach ar an leibhéal Eorpach, náisiúnta nó réigiúnach a thagann siad, agus tá rud éigin i gcoiteann ag gach duine acu – saineolas ar an daonlathas rannpháirtíochta agus sprioc choiteann maidir le saoránaigh a spreagadh chun bheith rannpháirteach sa cheapadh beartas.
Buail le hAmbasadóirí an Tionscnaimh Eorpaigh ó na Saoránaigh ag imeachtaí ar líne agus as líne agus lean ar na meáin shóisialta iad!
Ina theannta sin, tá Pointí Teagmhála Náisiúnta an Tionscnaimh Eorpaigh ó na Saoránaigh ceaptha ag gach Ballstát chun cúnamh a thabhairt do ghrúpaí eagraithe.
