L-aħħar aħbarijiet

Il-kors online dwar il-Ħiliet Essenzjali għall-Organizzaturi tal-Inizjattiva taċ-Ċittadini Ewropej huwa disponibbli fl-Akkademja tal-UE.

Huwa jiffoka fuq aspetti prattiċi tal-Inizjattiva taċ-Ċittadini Ewropej u jagħti lill-utenti l-opportunità li jitgħallmu dwar il-proċess u l-prattika tal-iżvilupp ta’ inizjattivi taċ-ċittadini Ewropej li rnexxew, taħt il-gwida ta’ esperti stabbiliti. Mat-tlestija tal-kors, il-parteċipanti jirċievu ċertifikat. Il-kors huwa offrut bla ħlas.

Fl-1 ta’ Ġunju 2022 il-Kummissjoni rreġistrat l-Inizjattiva taċ-Ċittadini Ewropej intitolata “Good Clothes, Fair pay (Ħwejjeġ tajbin, Pagi Ġusti)”. Din tappella lill-Kummissjoni Ewropea biex tipproponi leġiżlazzjoni li tirrikjedi li l-impriżi attivi fis-settur tal-ħwejjeġ u ż-żraben iwettqu d-diliġenza dovuta fir-rigward tal-pagi li jiggarantixxu l-għajxien fil-katina tal-provvista tagħhom.

Din hija r-raba’ inizjattiva rreġistrata fl-2022 u d-90 waħda mill-bidu tal-ECI fl-2012. L-organizzaturi tagħha issa għandhom sitt xhur biex jagħżlu meta jibdew il-ġbir tal-appoġġ.

L-edizzjoni tal-2022 ta’ Jum l-Inizjattiva taċ-Ċittadini Ewropej, organizzata mill-Kumitat Ekonomiku u Soċjali Ewropew u s-sħab tiegħu, se tiffoka fuq it-tema "Inizjattiva taċ-Ċittadini Ewropej 10 snin wara: lesti għall-futur?”. Se tattendi għaliha l-Viċi President tal-Kummissjoni Ewropea għad-Demokrazija u d-Demografija, Dubravka Šuica.

Bħala parti mill-avveniment, il-Kummissjoni Ewropea se torganizza sessjoni ta’ ħidma dwar is-Sistema Ċentrali ta’ Ġbir Online (COCS) bl-appoġġ tal-Forum tal-ECI. Għandha l-għan li tiġbor feedback mingħand l-utenti u l-partijiet ikkonċernati għat-titjib kontinwu tas-sistema.

L-avveniment se jkun ibridu, bil-parteċipazzjoni personali fi Brussell jew online. Ir-reġistrazzjoni hi miftuħa sal-25 ta’ Mejju

Taking the initiative matters! Discover how to make a difference with the European Citizens’ Initiative.

Watch the recording of the webinar to find out about this unique participatory democracy tool and listen to people who have started initiatives and experts.

Staff from the European Commission and the ECI Forum gave an overview of the European Citizens’ Initiative, focusing on recent improvements and the different ways people can get involved. People who have decided to start European citizens’ initiatives shared their experience and explained why they chose to use the ECI for their cause and what impact they have reached so far.

The webinar was organised on 3 May 2022. Follow the link below to watch its recording.

Fis-27 ta’ April 2022, il-Kummissjoni ddeċidiet li tirreġistra t-tielet Inizjattiva taċ-Ċittadini Ewropej tal-2022, intitolata “End The Slaughter Age”.

L-inizjattiva tistieden lill-Kummissjoni teskludi t-trobbija tal-bhejjem minn attivitajiet eliġibbli għal sussidji agrikoli u tinkludi alternattivi etiċi u ekoloġiċi, bħall-biedja taċ-ċelloli u l-proteini tal-pjanti, u tintroduċi inċentivi għall-produzzjoni u l-bejgħ ta’ prodotti agrikoli ċellulari u bbażati fuq il-pjanti.

L-organizzaturi tal-inizjattiva issa għandhom sitt xhur biex jagħżlu meta jibdew il-ġbir tal-appoġġ.

Fl-2022 l-Inizjattiva taċ-Ċittadini Ewropej tiċċelebra l-10 Anniversarju tagħha u fil-kapitlu “ECI @10: new initiatives and fond memories” tal-podcast CitizenCentral tista’ tiltaqa’ ma’ organizzaturi mill-passat, mill-preżent u (potenzjalment) mill-futur - Simona Pronckutė, Dr Julia Baines u Virginia Fiume – li jirrappreżentaw “Fraternité 2020 - Mobility. Progress. Europe.”, “Save Cruelty Free Cosmetics” u “Stop Global Warming – a price for carbon to fight climate change”.

L-episodju dwar “Vaccines and copyright - meet the Europeans fighting for changes in EU policies” jieħdu sehem fih l-inizjattivi “Freedom to Share” u “Right to Cure” u speċjalisti dwar id-drittijiet tal-proprjetà intellettwali. 

Isma’ u skopri CitizenCentral (bl-Ingliż biss) fuq Apple Podcasts, Spotify, Google Podcasts u SoundCloud.

Fis-16 ta’ Marzu 2022 il-Kummissjoni rreġistrat l-Inizjattiva taċ-Ċittadini Ewropej intitolata “Fur Free Europe”. Hija tappella lill-Kummissjoni biex tintroduċi projbizzjoni fl-UE kollha fuq iż-żamma u l-qtil ta’ annimali għall-fini tal-produzzjoni tal-fer, u biex tintroduċi l-istess projbizzjoni fuq it-tqegħid ta’ tali fer u prodotti li fihom tali fer fis-suq tal-UE.

Din hija t-tieni inizjattiva rreġistrata fl-2022. L-organizzaturi tagħha issa għandhom sitt xhur biex jagħżlu meta jibdew il-ġbir tal-appoġġ.

Matul is-Sena Ewropea taż-Żgħażagħ, il-Forum tal-ECI se jingħaqad maż-żgħażagħ Ewropej!

Fir-rebbiegħa tal-2022, il-Forum tal-ECI jispjega l-elementi bażiċi tal-inizjattiva taċ-Ċittadini Ewropej u l-opportunitajiet ipprovduti mill-Forum. L-ewwel sessjonijiet huma offruti lill-istudenti tal-Università Babes-Bolyai (ir-Rumanija), l-Università ta’ Wroclaw (il-Polonja), l-Università ta’ Leiden (in-Netherlands), u l-Universidade Lusófona (il-Portugall).

Fit-2 ta’ Frar 2022 il-Kummissjoni rreġistrat l-Inizjattiva taċ-Ċittadini Ewropej intitolata “Win It On The Pitch”. L-organizzaturi tal-inizjattiva jistiednu lill-Kummissjoni tipproteġi l-mudell Ewropew tal-isport, li huwa bbażat fuq il-valuri, is-solidarjetà, is-sostenibbiltà u l-kompetizzjoni miftuħa.

Din hija l-ewwel inizjattiva rreġistrata fl-2022, u s-17-il waħda mindu bdew japplikaw ir-regoli l-ġodda fl-1 ta’ Jannar 2020. L-organizzaturi tagħha issa għandhom sitt xhur biex jagħżlu meta jibdew il-ġbir tal-appoġġ.

Materjali ġodda jew aġġornati ta’ komunikazzjoni li jispjegaw l-Inizjattiva taċ-Ċittadini Ewropej ġew applowdjati fil-paġna “Xerred il-kelma”

Skedi informattivi, posts tal-media soċjali, viżwali, videos u aktar huma lesti għall-użu mill-ġdid b’24 lingwa.