Il-Membri tal-Parlament Ewropew se jiddibattu dwar is-seba’ inizjattiva taċ-ċittadini Ewropej ta’ suċċess “Save bees and farmers! Towards a bee-friendly agriculture for a healthy environment" fis-sessjoni plenarja tal-Parlament Ewropew fi Strasburgu, nhar il-Ħamis,16 ta’ Marzu fid-9.00.
Is-sessjoni plenarja tixxandar fuq l-internet u tiġi rreġistrata.
Fit-22 ta’ Frar, il-Kummissjoni rreġistrat inizjattiva taċ-ċittadini Ewropej intitolata “Niżguraw li l-migranti jingħataw akkoljenza dinjituża fl-Ewropa”.
Hi tappella għall-iżvilupp ta’ sistema ġdida għad-distribuzzjoni ta’ dawk li jfittxu l-ażil fl-UE kollha, ibbażata fuq ir-rieda ħilesa tegaħhom, filwaqt li tiġi żgurata solidarjetà effettiva bejn l-Istati Membri. Tappella wkoll għal standards ta’ akkoljenza vinkolanti li jiggarantixxu kundizzjonijiet tal-għajxien dinjitużi għall-persuni li jfittxu ażil fl-UE kollha, pereżempju, f’termini ta’ ikel, saħħa, akkomodazzjoni, edukazzjoni u xogħol.
Din hija t-tieni inizjattiva reġistrata fl-2023. L-organizzaturi tagħha issa għandhom sitt xhur biex jagħżlu meta jibdew il-ġbir tal-appoġġ.
Dan il-webinar se jipprovdi lill-organizzaturi attwali u potenzjali tal-ECI b’informazzjoni prattika u gwida dwar il-ġbir tal-firem online għall-inizjattivi taċ-ċittadini Ewropej, b’enfasi fuq is-Sistema Ċentrali ta’ Ġbir Online.
Se jieħu sehem espert tal-IT tal-Kummissjoni u organizzatur ta’ inizjattiva taċ-ċittadini li rnexxiet.
Aktar informazzjoni u reġistrazzjoni għal dan il-webinar (li sar fl-14 ta’ Marzu, bl-Ingliż biss) jistgħu jinstabu fil-Forum tal-ECI.
Fis-6 ta’ Frar, l-organizzaturi tal-inizjattiva “Waqqaf it-tneħħija tal-pinen tal-klieb il-baħar - Waqqaf il-kummerċ” iltaqgħu mal-Kummissarju għall-Ambjent, l-Oċeani u s-Sajd, Virginijus Sinkevičius, biex jippreżentaw l-ideat tagħhom f’aktar dettall.
L-inizjattiva “Insalvaw il-kożmetiċi mingħajr krudeltà – Impenn għal Ewropa mingħajr ittestjar fuq l-annimali” laħqet 1,217,916-il dikjarazzjoni ta’ appoġġ validati miċ-ċittadin tal-UE, b’limiti stabbiliti milħuqa f’21 pajjiż u ġiet sottomessa lill-Kummissjoni Ewropea għal eżami fil-25 ta’ Jannar 2023. Din hi d-disa’ Inizjattiva taċ-Ċittadini Ewropej (IĊE) ta’ suċċess.
L-inizjattiva tappella lill-Kummissjoni biex tibda leġiżlazzjoni, issaħħaħ u twessa’ l-projbizzjonijiet eżistenti tal-UE tal-ittestjar tal-kożmetiċi fuq l-annimali u l-kummerċjalizzazzjoni tal-ingredjenti ttestjati fuq l-annimali, kif ukoll biex tadotta proposta leġiżlattiva li tistabbilixxi pjan direzzjonali għat-tneħħija gradwali tal-ittestjar kollu fuq l-annimali qabel tmiem il-mandat kurrenti tal-Kummissjoni.
Il-Kummissjoni se tiltaqa’ mal-organizzaturi biex tiddiskuti l-inizjattiva fid-dettall fil-ġimgħat li ġejjin. Imbagħad se jiġi organizzat smigħ pubbliku mill-Parlament Ewropew. Il-Kummissjoni għandha sal-25 ta’ Lulju 2023 biex tippreżenta t-tweġiba uffiċjali tagħha, biex tiddeskrivi l-azzjonijiet li biħsiebha tieħu.
Fl-24 ta’ Jannar, il-Kummissjoni Ewropea ppreżentat “Patt Ġdid għall-Pollinaturi” li jirrevedi l-Inizjattiva tal-UE dwar il-Pollinaturi tal-2018 biex tindirizza t-tnaqqis allarmanti fl-insetti dakkara selvaġġi fl-Ewropa. Kulma jmur aktar ċittadini appellaw għal azzjoni deċiżiva kontra t-telf tal-pollinaturi , anki permezz tal-Inizjattiva Ewropea taċ-Ċittadini ta’ suċċess “Insalvaw lin-Naħal u lill-Bdiewa”.
The European Parliament will hold a public hearing on the seventh successful European Citizens’ Initiative Save Bees and Farmers! Towards a bee-friendly agriculture for a healthy environment on 24 January from 2.30 to 6.30 p.m. The organisers will present the initiative's objectives and engage with Members of the European Parliament. European Commission's representatives will also participate.
The meeting is webstreamed.
Fit-12 ta’ Jannar 2023 il-Kummissjoni rreġistrat l-Inizjattiva taċ-Ċittadini Ewropej intitolata “Artikolu 4: Daqshekk tortura u trattament inuman fil-fruntieri tal-Ewropa”.
Hi tappella għal qafas biex tiġi żgurata l-konformità mal-projbizzjoni tal-vjolenza u t-trattamenti inumani u degradanti minquxa fl-Artikolu 4 tal-Karta tad-Drittijiet Fundamentali fir-rigward tal-politiki tal-Unjoni dwar il-kontrolli fil-fruntieri, l-ażil u l-immigrazzjoni.
Din hi l-ewwel inizjattiva reġistrata fl-2023. L-organizzaturi tagħha issa għandhom sitt xhur biex jagħżlu meta jibdew il-ġbir tal-appoġġ.
Mil-lum, l-Ewropej jistgħu jkunu fiduċjużi li l-kwalità tal-ilma li jixorbu tissodisfa l-ogħla standards, peress li rekwiżiti ġodda mid-Direttiva riveduta dwar l-Ilma tax-Xorb qed isiru n-norma fl-UE kollha. Din ir-reviżjoni wieġbet għall-ewwel Inizjattiva taċ-Ċittadini Ewropej ta’ suċċess, “Right2Water”, li ġabret 1.6 miljun firma b’appoġġ għat-titjib tal-aċċess għall-ilma tax-xorb sikur għall-Ewropej kollha.
“Inwaqqfu t-tneħħija tal-pinen tal-klieb il-baħar – Inwaqqfu l-kummerċ tagħhom” laħqet 1,119,996 dikjarazzjoni ta’ appoġġ ivvalidata u ġiet sottomessa lill-Kummissjoni Ewropea għal eżami fil-11 ta’ Jannar 2023. Din hi t-tmien Inizjattiva taċ-Ċittadini Ewropej (IĊE) ta’ suċċess.
L-inizjattiva tistieden lill-Kummissjoni biex tipproponi miżuri legali biex jintemm il-kummerċ tal-pinen tal-klieb il-baħar fl-UE inklużi l-importazzjoni, l-esportazzjoni u t-tranżitu tal-pinen ħlief jekk ikunu mwaħħla b’mod naturali ma’ ġisem l-annimal.
Il-Kummissjoni se tiltaqa’ mal-organizzaturi biex tiddiskuti l-inizjattiva fid-dettall fil-ġimgħat li ġejjin. Imbagħad se jiġi organizzat smigħ pubbliku mill-Parlament Ewropew. Il-Kummissjoni għandha sal-11 ta’ Lulju 2023 biex tippreżenta t-tweġiba uffiċjali tagħha, biex tiddeskrivi l-azzjonijiet li biħsiebha tieħu.
Iċċekkja l-avvenimenti li ġejjin relatati mal-Inizjattiva taċ-Ċittadini Ewropej. Tista’ tara wkoll il-lista ta’ avvenimenti li seħħew fil-passat; għal xi wħud, hemm disponibbli ir-recordings.
