Il-Belġju – il-ħames pajjiż li jippermetti l-appoġġ għall-ECIs taħt l-età ta’ 18-il sena

L-età minima għall-appoġġ tal-inizjattivi taċ-ċittadini Ewropej tikkorrispondi għall-età biex wieħed ikun intitolat jivvota fl-elezzjonijiet tal-Parlament Ewropew. Il-Belġju naqqas l-età minima tal-vot għal dawn l-elezzjonijiet minn 18 għal 16-il sena għaċ-ċittadini kollha tal-UE li jgħixu fil-pajjiż. Din il-miżura tidħol fis-seħħ fl-1 ta’ Mejju 2023. Wara dan, iż-żgħażagħ ta’ bejn is-16 u t-18-il sena se jkunu jistgħu jappoġġjaw ukoll l-inizjattivi taċ-ċittadini Ewropej.