Il-Forum tal-Inizjattiva taċ-Ċittadini Ewropej huwa spazju għalik biex tikseb informazzjoni prattika u pariri dwar l-inizjattiva taċ-ċittadini Ewropej (IĊE), u biex tiddiskuti kwalunkwe suġġett relatat magħha.
Jekk int organizzatur attwali jew potenzjali tal-IĊE, studjuż jew persuna li tixtieq tikseb aktar għarfien prattiku dwar l-IĊE, se ssib kontenut utli hemmhekk. Pereżempju: stejjer ta’ suċċess, infografika, materjal ta’ gwida, kors online, posts tal-blog jew reġistrazzjonijiet tal-webinar.
Tista’ titlob ukoll parir bla ħlas dwar l-aspetti legali u tal-kampanji tal-inizjattiva tiegħek permezz tal-modulu “Seek Advice” tal-Forum tal-IĊE.
Dan il-Forum tal-IĊE hu operat mis-Servizz ta’ Azzjoni taċ-Ċittadini Ewropej (ECAS) f’isem il-Kummissjoni Ewropea u b'kuntratt magħha.
