Mistoqsijiet Frekwenti

Inizjattiva taċ-ċittadini Ewropea hi mezz għalik u għal Ewropej oħrajn biex tieħdu parti attiva fit-tfassil tal-politika tal-UE.

Jekk tixtieq li ġġiegħel lill-UE tieħu azzjoni dwar kwistjoni partikulari, tista’ toħloq inizjattiva taċ-ċittadini, biex titlob lill-Kummissjoni Ewropea tipproponi leġiżlazzjoni tal-UE ġdida dwar il-kwistjoni. 

Biex inizjattiva tkun ikkunsidrata mill-Kummissjoni, jeħtieġlek tipperswadi miljun pesuna mill-UE kollha jiffirmaw l-appoġġ tagħha.

Tista’ biss tissottometti petizzjonijiet lill-Parlament Ewropew. Mentri l-inizjattivi taċ-ċittadini huma sottomessi lill-Kummissjoni Ewropea. 

Il-petizzjonijiet huma differenti prinċipalment minħabba li:

• dawn għandhom x’jaqsmu mal-attivitajiet tal-UE eżistenti; huma ma jistgħux jitolbu proposti għal liġijiet tal-UE ġodda (l-inizjattivi taċ-ċittadini jipproponu liġijiet tal-UE ġodda)
• huma jistgħu jkunu sottomessi minn petizzjonant wieħed (l-inizjattivi taċ-ċittadini għandhom gruppi ta’ organizzaturi formali)
• m’hemm ebda numru minimu ta’ firem (l-inizjattivi taċ-ċittadini jeħtieġu miljun firma).

IVA.

Inizjattivi u għodod simili jeżistu kemm fil-livell nazzjonali, reġjonali jew lokali fil-biċċa l-kbira tal-pajjiżi. Huma differenti fl-iskop u fil-proċedura.

Tista’ ssib eżempji f’dan l-istudju:

Għal inizjattivi rreġistrati qabel l-1 ta’ Jannar 2020, ir-regoli attwali japplikaw f’xi aspetti, u r-regoli preċedenti japplikaw f’oħrajn (eż: ir-rekwiżiti tad-data għall-firmatarji, is-sistemi tal-ġbir online, iċ-ċertifikazzjoni tal-firem mill-pajjiżi tal-UE).

Għal aktar dettalji dwar dan, ara l-avviż tal-Kummissjoni dwar l-arranġamenti transizzjonali.

IVA.

Tista’ tikseb parir indipendenti dwar l-aspetti legali ta’ IĊE, kif ukoll dwar il-kampanji, il-ġbir ta’ fondi u aspetti organizzattivi oħra tagħha, fuq il-Forum tal-Inizjattiva taċ-Ċittadini Ewropej. Kull mistoqsija sottomessa permezz tal-għodda Seek Advice fuq il-Forum tal-IĊE titwieġeb minn espert.

Jekk jogħġbok innota li trid tkun irreġistrat mal-Forum sabiex tissottometti mistoqsija għal parir. 

LE.

Inizjattiva taċ-ċittadini tista’ biss tikkonċerna proposti dwar kwistjonijiet li fihom iċ-ċittadini jikkunsidraw li hu meħtieġ att legali tal-Unjoni biex jiġu implimentati t-Trattati (u għalhekk mhux li jimmodifikawhom).

IVA.

M’hemm ebda restrizzjoni dwar dan fir-regoli.

IVA.

L-importanti hu l-pajjiż tar-residenza tagħhom. L-organizzaturi jistgħu jkollhom l-istess nazzjonalitajiet jew nazzjonalitajiet differenti.

LE.

Jeħtieġlek tkun ċittadin ta’ pajjiż tal-UE.

Għandu jkollok biżżejjed età biex tivvota fl-elezzjonijiet tal-Parlament Ewropew. 

Fil-biċċa l-kbira tal-pajjiżi tal-UE dan ifisser li jrid ikollok 18-il-sena – ħlief: 

• fil-Belġju, fl-Awstrija u f’Malta, fejn il-vot hu ta’ 16-il sena 

• fil-Greċja, fejn il-vot hu ta’ 17-il sena 

LE.

Jeħtieġ ikollok biss l-età biex tivvota fl-elezzjonijiet Ewropej (ara l-mistoqsija preċedenti).

IVA.

Iżda huma ma jitqisux li jagħmlu parti min-numru minimu ta’ persuni li jgħixu f’7 pajjiżi differenti tal-UE (u ma jistgħux jagħmlu parti mil-lista meta tissottometti t-talba tar-reġistrazzjoni tiegħek).

Il-persuni ta’ kuntatt – ir-rappreżentant u s-sostitut tagħhom – huma awtorizzati li jitkellmu u li jaġixxu f’isem l-organizzaturi.

Huma jistgħu jkunu fost is-7 membri tal-grupp li jgħixu f’7 pajjiżi differenti jew ikunu 2 membri differenti tal-grupp.

Huma jikkomunikaw bejn il-grupp u l-Kummissjoni, b’mod partikulari billi jimmaniġġjaw is-sottomissjonijiet kollha tal-Kummissjoni.

It-tnejn li huma għandhom aċċess għall-kont tal-organizzatur u jirċievu l-korrispondenza mill-Kummissjoni.

Meta jissottometti talba għar-reġistrazzjoni, ir-rappreżentant tal-grupp ta’ organizzaturi jeħtieġ japplowdja dokumenti bl-ismijiet sħaħ, l-indirizzi postali u n-nazzjonalitajiet tas-7 membri tal-grupp li jgħixu fis-7 pajjiżi differenti tal-UE. 

L-istess dokumenti huma meħtieġa għall-persuni ta’ kuntatt (rappreżentant u sostitut), jekk mhumiex fost dawn is-7 membri. 

Il-Kummissjoni se tiċċekkja dawn id-dokumenti u għandha mnejn teħtieġ li r-rappreżentant jipprovdi aktar informazzjoni.  

Importanti:  dokument tal-identità jista’ ma jkunx prova suffiċjenti tal-pajjiż ta’ residenza. Id-dokumenti ta’ sostenn li jagħtu prova tal-pajjiż ta’ residenza għandhom ikunu kemm jista’ jkun reċenti u preferibbilment mhux aktar minn sena (eż. kontijiet tal-utilitajiet li jindikaw il-post ta’ residenza attwali).  

IVA.

Jekk tagħmlu dan, tridu (ir-rappreżentant jew is-sostitut) tużaw il-kont ta’ organizzatur tagħkom biex tinformaw lill-Kummissjoni bit-tibdiliet tagħkom.

Meta t-tibdiliet jaffettwaw in-numru minimu tal-membri tal-grupp li jgħixu f’7 pajjiżi differeni, jeħtiġilkom tipprovdu d-dokumenti neċessarji li juru li l-grupp tagħkom xorta waħda għadu jikkonforma mar-rekwiżiti f’termini ta’ nazzjonalità, età u residenza.

Jeħtiġilkom ukoll tibdlu d-dikjarazzjoni tal-formoli ta’ appoġġ biex jirriflettu dawn it-tibdiliet.

L-ismijiet tal-membri ġodda tal-grupp se jidhru fir-reġistru online. L-ismijiet tal-membri ta’ qabel se jibqgħu jidhru fir-reġistru matul il-proċedura kollha (l-awtoritajiet rilevanti jistgħu mbagħad jiċċekkjaw il-validità tal-firem miġburin u jissottomettuhom għall-verifika).

IVA.

M’hemm ebda restrizzjonijiet dwar dan fir-regoli.

LE.

Din hi biss opzjoni.

Jekk tistabbilixxu waħda, l-entità hi legalment inkarigata li timmaniġġja l-inizjattiva.

IVA.

Kwalunkwe entità ġuridika li timmaniġġja l-inizjattiva għandha tkunstabbilita skont il-liġi nazzjonali tal-pajjiż fejn hi rreġistrata. Għandhom jiġu pprovduti dokumentili juru li kienet irreġistrata b’mod speċifiku għall-fini tal-immaniġġjar tal-inizjattivau li r-rappreżentant hu awtorizzat biex jaġixxi f’isimha.

• it-titlu tal-inizjattiva (mass. 100 karattru, mingħajr spazji) 
• l-objettivi tal-inizjattiva (mass. 1,100 karattru, mingħajr spazji) 
• l-artikoli tat-Trattat li intom bħala organizzaturi tikkunsidraw rilevanti għall-inizjattiva proposta 
• l-ismijiet sħaħ, l-indirizzi postali, in-nazzjonalitajiet u d-dati tat-twelid tas-7 membri tal-grupp li jgħixu f’7 pajjiżi differenti tal-UE  
• l-istess dettalji personali għar-rappreżentant u s-sostitut kif ukoll l-indirizz tal-email u n-numri tat-telefown tagħhom 

Ir-rappreżentant u s-sostitut jistgħu jkunu fost is-7 membri tal-grupp imsemmijin hawn fuq (jgħixu f’7 pajjiżi differenti) jew jistgħu jkunu membri oħrajn tal-grupp. 

• dokumenti li jagħtu prova tal-ismijiet sħaħ, l-indirizzi postali, in-nazzjonalitajiet u d-dati tat-twelid ta’ kull wieħed mis-7 membri tal-grupp u tar-rappreżentant u s-sostitut, jekk ma jkunux fost dawk is-7 membri tal-grupp(ara wkoll il-FAQ “Bħala organizzatur, kif nista' nagħti prova li nikkonforma mar-rekwiżiti stabbiliti fir-regoli”) 
• l-ismijiet tal-membri l-oħrajn tal-grupp 
• is-sorsi kollha ta’ finanzjament u ta’ appoġġ (magħrufin fil-ħin tar-reġistrazzjoni) aktar minn €500 għal kull sponsor 
• jekk rilevanti, dokumenti juru li (i) entità ġuridika kienet ifformata biex timmaniġġja l-inizjattiva u (ii) li l-grupp rappreżentattiv hu awtorizzat li jaġixxi f’isem din l-entità. 

Tista’ tipprovdi wkoll: 

• anness li jagħti aktar dettalji ta’ sfond dwar il-kwistjoni tiegħek u l-objettivi tal-inizjattiva (mass. 5,000 karattru mingħajr spazji), li għandhom jimtlew online 
• informazzjoni addizzjonali, pereżempju abbozz ta’ att legali (li għandu jkun applowdjat – mass. 5 MB) 
• l-indirizz tas-sit web li qed jintuża għall-hosting tal-inizjattiva tiegħek (jekk hemm). 

Il-Kummissjoni se tirreġistra l-inizjattiva tagħkom jekk:

• il-grupp ta’ organizzaturi jkun ġie ffurmat u l-persuni ta’ kuntatt ikunu ġew innominati;
• l-entità ġuridika (jekk għandkom l-intenzjoni li tużaw waħda) ġiet speċifikament stabbilita biex timmaniġġja l-inizjattiva u r-rappreżentant tagħkom hu awtorizzat li jaġixxi f’isimha.
• l-inizjattiva tikkonċerna kwistjoni fejn il-Kummissjoni għandha s-setgħa li tipproponi liġi tal-UE
• l-inizjattiva mhix abbużiva, frivola jew offensiva
• l-inizjattiva hi konformi ma’ (i) il-valuri tal-UE, kif stabbiliti fl-Artikolu 2 tat-Trattat dwar l-Unjoni Ewropea u (ii) id-drittijiet fil-Karta tad-Drittijiet Fundamentali tal-UE.

LE.

Il-Forum hu spazju informali għal organizzaturi (potenzjali) biex jiddiskutu kemm ideat għal inizjattivi, kif ukoll biex isibu nies biex jingħaqdu flimkien jew biex jiksbu parir.

Biex tirreġistraw l-inizjattiva tagħkom u tibdew bil-ġbir tal-firem, l-ewwel jeħtiġilkom tissottomettu talba formali għar-reġistrazzjoni lill-Kummissjoni.

Intom se tkunu notifikati bid-deċiżjoni tal-Kummissjoni fi żmien xahrejn mit-talba tagħkom.

Eċċezzjoni

Jekk l-inizjattiva tagħkom tissodisfa r-rekwiżiti kollha iżda madankollu mhix f’qasam li fih il-Kummissjoni għandha s-setgħa, il-grupp tiegħek diġà jirċievi tweġiba fi żmien xahar, flimkien ma’ offerta biex tibdlu l-proposta tagħkom f’dan ir-rigward.

Imbagħad ikollkom sa xahrejn biex tibagħtu il-verżjoni aġġornata lill-Kummissjoni (jew tistgħu tiddeċiedu li ma tkomplux b'din l-inizjattiva).

Jekk tibagħtu verżjoni aġġornata, il-Kummissjoni tieħu deċiżjoni finali fi żmien xahar minn meta tirċiviha. Din tista’ tkun waħda minn dawn it-3 affarijiet:

• tirreġistra l-inizjattiva fil-verżjoni sħiħa tagħha
• tirreġistra l-inizjattiva parzjalment
• tirrifjuta li tirreġistra l-inizjattiva.

F'dawn iċ-ċirkostanzi, il-proċedura ta’ reġistrazzjoni sħiħa tista’ tieħu sa 4 xhur.

Inizjattiva hi reġistrata parzjalment jekk l-objettivi kollha tagħha mhumiex skont is-setgħat tal-Kummissjoni biex tipproponi liġi tal-UE.  

B’reġistrazzjoni parzjali, id-dikjarazzjonijiet ta’ appoġġ jistgħu jinġabru biss għal dawk il-partijiet tal-inizjattiva li huma reġistrati. Jekk l-inizjattiva tikseb mill-inqas miljun firma u tiġi ppreżentata lill-Kummissjoni, il-Kummissjoni se teżamina biss il-partijiet reġistrati tal-inizjattiva. 

L-objettivi reġistrati biss jissemmew fis-sistema ta’ ġbir online u l-formoli ta’ dikjarazzjoni ta’ appoġġ stampati.  

Id-deċiżjoni tar-reġistrazzjoni fir-reġistru online tal-Kummissjoni fiha informazzjoni dwar liema partijiet tal-inizjattiva ġew irreġistrati.  

Il-grupp ta’ organizzaturi għandu jinforma wkoll lill-firmatarji dwar l-ambitu tar-reġistrazzjoni fuq is-siti web tal-kampanji tagħhom stess jew mezzi oħra li jistgħu jużaw biex jippromwovu l-inizjattiva. 

Din l-informazzjoni li ġejja biss hi ppubblikata:

• id-deskrizzjoni tal-inizjattiva (titlu, objettivi u kwalunkwe informazzjoni oħra pprovduta)
• l-ismijiet sħaħ tal-membri tal-grupp ta’ organizzaturi u l-indirizzi tal-email tal-persuni ta’ kuntatt(rappreżentant u sostitut)
• il-pajjiż ta’ residenza tar-rappreżentant jew (jekk inħolqot entità ġuridika biex timmaniġġja l-inizjattiva) l-isem tal-entità u l-pajjiż li hi bbażata fih.
• l-informazzjoni dwar sorsi ta’ finanzjament u ta’ appoġġ.

Għal aktar informazzjoni dwar il-protezzjoni tad-data, ara l-istqarrija ta’ privatezza.

Tistgħu tużaw kwalunkwe lingwa mill-24 lingwa uffiċjali tal-UE.

IVA.

Il-Kummissjoni tittraduċi t-titlu, l-objettivi u l-anness tal-inizjattiva tagħkom bil-lingwi uffiċjali kollha tal-UE u tippubblikahom fir-reġistru pubbliku tagħha.

Jekk tixtiequ kwalunkwe ħaġa oħra tradotta (eż. abbozz ta’ att legali), hi r-responsabbiltà tagħkom bħala organizzaturi. Imbagħad il-Kummissjoni żżid dawn it-traduzzjonijiet mal-oħrajn fir-reġistru pubbliku.

IVA.

Id-deċiżjoni hi bbażata fuq raġunijiet legali, li jfisser li tista’ tikkontestawha. Il-Kummissjoni se tistabbilixxi r-raġunijiet għad-deċiżjoni tagħha u se tispjega liema rimedji legali jew barra l-qorti huma disponibbli għalikom.

Dan jinkludi t-tressiq ta’ proċedimenti quddiem il-Qorti tal-Ġustizzja tal-UE jew it-tressiq ta’ lment lill-Ombudsman Ewropew (biex tilmentaw dwar amministrazzjoni ħażina).

Tista’ tikkonsulta r-rekord tal-Kummissjoni għar-rifjuti tagħha tal-passat biex tirreġistra l-inizjattivi.

IVA.

Tistgħu tirtiraw l-inizjattiva fi kwalunkwe ħin qabel ma tissottomettuha lill-Kummissjoni (jiġifieri wara li tkunu ġbartu l-firem kollha tagħkom u jkunu ġew ċċertifikati).

Meta tirtirawha, ma tistgħux tiftħuha mill-ġdid, u l-firem kollha jsiru nulli u bla effett.

Iżda intom se tkunu xorta waħda tistgħu tarawha, fl-inizjattivi arkivjati.

Tistgħu tagħżlu meta tibdew tiġbru l-firem – iżda dan għandu jkun mhux aktar tard minn 6 xhur wara li tkun reġistratat l-inizjattiva tagħkom.

Għandkom tgħarrfu lill-Kummissjoni 10 ijiem tax-xogħol qabel id-data magħżula minnkom. Imbagħad nippubblikaw id-dati tal-bidu u tat-tmiem tal-perjodu ta’ ġbir fir-reġistru online tagħna.

IVA.

Għandkom mhux aktar minn sena biex tiġbru l-firem. Tistgħu tieqfu fi kwalunkwe ħin jekk intom kunfidenti li lħaqtu in-numru massimu tal-firem (tal-anqas total ta’ miljun firma, b’numru minimu f’tal-anqas 7 pajjiżi tal-UE).

Il-pass li jmiss hu li tisssottomettuhom lill-awtoritajiet nazzjonali kompetenti għal verifika.

LE.

Biex tiġbru l-firem, tridu tużaw forom speċifiċi li jikkonformaw mal-mudelli stabbiliti fl-Anness III tar-Regolament dwar l-inizjattiva taċ-ċittadini Ewropej u tinkludu l-informazzjoni kollha neċessarja dwar l-inizjattiva, kif inhi ppubblikata fuq is-sit web.

Barra minn hekk, id-data li l-firmatarji għandhom jipprovdu tiddependi mill-pajjiż li ġejjin minnu.

Biex tiggarantixxu li għandkom il-formoli t-tajbin, tistgħu tiddawnlowdjaw formoli mimlijin minn qabel mill-kont ta’ organizzatur tagħkom fuq is-sit web. Dawn jinkludu diġà d-dettalji rilevanti għall-inizjattiva tagħkom.

LE.

Ikollkom tużaw formoli separati, skont in-nazzjonalità tal-firmatarji. Dan ifisser li l-firmatarji kollha fuq kwalunkwe formola waħda għandhom ikunu ċittadini tal-istess pajjiż tal-UE.

Fuq kull formola, l-ewwel għandkom tindikaw il-pajjiż li se tkun mibgħuta fih għal verifika. Iċ-ċittadini biss ta’ dak il-pajjiż jistgħu mbagħad jużaw din il-formola.

Tistgħu tiġbru l-firem bi kwalunkwe lingwa uffiċjali tal-UE irrispettivament min-nazzjonalità.

LE. 

Bħala organizzatur, għandek tuża s-sistema ċentrali ta’ ġbir online tal-Kummissjoni għall-ġbir tal-firem online. 

LE.

Is-sistema hi soluzzjoni bla ħlas, diġà disponibbli. Hi tikkonforma diġà mar-rekwiżiti tekniċi u ta’ sigurtà.

Kulma għandek tagħmel, hu li tiffirma ftehim sabiex tkun kontrollur konġunt tad-data mal-Kummissjoni. 

Imbagħad tistgħu tibdew tiġbru l-firem, 10 ijiem wara li tkunu informajtu lill-Kummissjoni dwar il-bidu tal-perjodu ta’ ġbir.

Biex jiġi żgurat li l-appoġġ għal inizjattiva hu mifrux b’mod suffiċjenti fost firxa wiesgħa ta’ nazzjonalitajiet.

Aktar dwar in-numri minimi ta’ firmatarji għal kull pajjiż.

LE.

Il-firmatarji kollha jingħaddu man-numru totali ta’ firmatarji biex tintlaħaq il-mira ta’ miljun firma.

Jeħtieġlek timla u tiffirma dikjarazzjoni ta’ appoġġ, f’forma stampata jew online.

Inizjattivi li attwalment huma miftuħin għall-firem.

Din tvarja minn pajjiż għal ieħor.

Għaċ-ċittadini kollha tal-UE, li ġej hu meħtieġ: nazzjonalità; l-isem u l-kunjom sħaħ; u, skont il-pajjiż:

jew

A. indirizz postali sħiħ u data tat-twelid

 
(għaċ-ċittadini tad-Danimarka, tal-Finlandja, ta’ Franza, tal-Ġermanja, tal-Greċja, tal-Irlanda, tal-Lussemburgu, tan-Netherlands, tas-Slovakkja)

jew

B. numru ta’ identifikazzjoni personali u t-tip ta’ numru/dokument

 
(għaċ-ċittadini tal-Awstrija, tal-Belġju, tal-Bulgarija, tal-Kroazja, ta’ Ċipru, taċ-Ċekja, tal-Estonja, tal-Ungerija, tal-Italja, tal-Latvja, tal-Litwanja, ta’ Malta, tal-Polonja, tal-Portugall, tar-Rumanija, tas-Slovenja, ta’ Spanja, tal-Iżvezja).

Xi ċittadini tal-UE jistgħu wkoll jużaw l-Identifikazzjoni elettronika biex jappoġġjaw inizjattiva.

Rekwiżiti ta’ data għal kull pajjiż

Meta l-inizjattiva tilħaq in-numri ta’ firem meħtieġa, id-dettalji li ġbartu se jkunu vvalidati mill-awtoritajiet f’kull pajjiż. Kwalunkwe dikjarazzjoni ta’ appoġġ li fiha data żbaljata mhix se titqies bħala valida.

Irid ikollok biżżejjed età biex tivvota fl-elezzjonijiet tal-Parlament Ewropew (18-il sena fil-biċċa l-kbira tal-pajjiżi tal-UE). Xi pajjiżi baxxew l-età minima biex jappoġġjaw l-IĊE għal 16-il sena. Ara t-tabella sħiħa.

LE.

Jeħtieġ ikollok biżżejjed età biex tivvota fl-Elezzjonijiet Ewropej jew 16-il sena tal-anqas għall-pajjiżi li ddeċidew li jħallu li jingħata appoġġ minn din l-età (ara l-mistoqsija preċedenti).

LE.

Iċ-ċittadini tal-UE biss (ċittadini ta’ pajjiż tal-UE) jistgħu jappoġġjaw l-inizjattivi taċ-ċittadini Ewropej.

Fil-pajjiż li tiegħu int ċittadin.

Pereżempu, jekk int Litwan tgħix l-Irlanda, il-firma tiegħek se tingħadd fil-Litwanja.

Jekk għandek nazzjonalità doppja, sempliċement agħżel waħda min-nazzjonalitajiet tiegħek u imla biss formola waħda. Tista’ tappoġġja inizjattiva darba biss.

IVA.

Meta tiffirma, agħżel il-pajjiż li tiegħu int ċittadin tal-UE. Il-firma tiegħek tingħadd f’dak il-pajjiż.

IVA.

Għandkom tissottomettuhom fi żmien 3 xhur tat-tmiem tal-perjodu ta’ ġbir.

L-awtoritajiet maħturin fil-pajjiżi kollha tal-UE jwettqu verifiki biex jiċċertifikaw in-numru ta’ dikjarazzjonijiet ta’ appoġġ miġburin.

Ma jistgħux idumu aktar minn 3 xhur biex jagħmlu dan. Dawn il-verifiki jistgħu jkunu bbażati fuq kampjun każwali.

Hemm żewġ għażliet:  

- Intom (l-organizzaturi) tistgħu tagħżlu li tissottomettu d-dikjarazzjonijiet ta’ appoġġ miġburin fuq formoli stampati bl-użu tal-mezzi tagħkom stess. Id-dikjarazzjonijiet ta’ appoġġ miġburin fuq karta jistgħu jiġu ppreżentati f’forma stampata, jew jistgħu jiġu skennjati u ppreżentati bl-użu ta’ trażmissjoni elettronika jew fiżikament pereżempju bħala DVD. Jekk id-dikjarazzjonijiet ta’ appoġġ jiġu ppreżentati f’forma fiżika (karta jew DVD) dan jeħtieġ li jsir ukoll b’mod sigur, eż. jintbagħtu bil-posta rreġistrata jew jitwasslu permezz ta’ courier. Tridu tikkonformaw mar-regoli rilevanti kollha dwar il-protezzjoni tad-data f’kull ħin. 

- Intom (l-organizzaturi) tridu tinfurmaw lill-Kummissjoni jekk tixtiqux tapplowdjaw id-dikjarazzjonijiet ta’ appoġġ miġbura fuq karta bl-użu tas-servizz ta’ skambju ta’ files tal-Kummissjoni. Verżjonijiet skennjati tal-formoli jistgħu jiġu applowdjati f’forma kriptata. Se jkollkom tapplowdjaw d-dikjarazzjonijiet ta’ appoġġ kollha miġburin f’formola stampata fi żmien xahrejn mit-tmiem tal-perjodu ta’ ġbir u mbagħad tgħarrfu lill-Kummissjoni meta din tkun kompluta. 

Il-Kummissjoni tibgħat il-firem miġburin bl-użu tas-sistema ċentrali ta’ ġbir online tagħha lill-Istati Membri permezz tas-servizz ta’ skambju ta’ files tagħha. Din hi sistema li tippermetti t-trasferiment sigur tad-dikjarazzjonijiet ta’ appoġġ lill-Istati Membri. L-informazzjoni tintbagħat f’forma kriptata u tista’ tiġi dekriptata biss mill-awtorità kompetenti kkonċernata.  

Is-servizz ta’ skambju ta’ files hu sistema li tippermetti t-trasferiment sigur ta’ dikjarazzjonijiet ta’ appoġġ lill-awtoritajiet nazzjonali kompetenti.  

L-informazzjoni tintbagħat f’forma kriptata u tista’ tiġi dekriptata biss mill-awtorità kompetenti kkonċernata.  

Tistgħu tużaw il-mezzi ta’ rikors disponibbli f’pajjiżkom – pereżempju l-awtoritajiet amministrattivi jew ġudizzjarji nazzjonali (inklużi l-ombudsmen nazzjonali jew reġjonali).

Tistgħu wkoll tressqu lment lill-Kummissjoni għal ksur ta’ liġi tal-UE.

IVA.

Għandkom 3 xhur biex tagħmlu dan, mid-data li fiha tirċievu l-aħħar ċertifikat mill-awtoritajiet kompetenti nazzjonali.

LE.

Għandkom tibagħtu bissil-formola ta’ sottomissjoni permezz tal-kont tal-organizzatur tagħkom, kif ukoll kopji taċ-ċertifikati kollhali rċevejtu mingħand l-awtoritajiet nazzjonali li jikkonformaw li ġbartu n-numru minimu ta’ firem.

Din il-laqgħa ssir fi żmien xahar mid-data li fiha l-organizzaturi jissottomettu l-inizjattiva.

Hi tikkonsisti f’diskussjoni strutturata dwar il-kontenut tal-inizjattiva, biex jiġi żgurat li l-Kummissjoni tifhem b’mod ċar l-objettivi (inkluża kwalunkwe kjarifika meħtieġa), qabel ma tipprepara t-tweġiba tagħha.

LE.

Meta tkunu ssottomettejtu l-inizjattiva tagħkom, il-Kummissjoni tinforma lil Parlament. Imbagħad il-Parlament jikkuntattjakombiex jorganizza s-smigħ.

Flimkien mal-Parlament Ewropew, il-Kummissjoni se tinforma wkoll lill-Kunsill tal-UE, il-Kumitat Ekonomiku u Soċjali Ewropew, il-Kumitat tar-Reġjuni, kif ukoll il-parlamenti nazzjonali kollha fl-UE.

IVA.

6 xhur mid-data tas-sottomissjoni tal-inizjattiva.

Il-Kummissjoni toħroġ komunikazzjoni li tiddikkjara l-miżuri li tippjana li tieħu, jekk ikun hemm, kif ukoll ġustifikazzjoni, u kronoloġija għall-implimentazzjoni tal-miżuri.

Il-komunikazzjoni se tkun ippubblikata f'dan is-sit web bil-lingwi uffiċjali kollha tal-UE.

Il-Kummissjoni tinnotifika wkoll lill-Parlament Ewropew, lill-Kunsill tal-UE, il-Kumitat Ekonomiku u Soċjali Ewropew, il-Kumitat tar-Reġjuni kif ukoll il-parlamenti nazzjonali kollha fl-UE.

LE.

L-għan tal-inizjattiva taċ-ċittadini Ewropej hu li tippermetti lill-Ewropej li jniedu dibattitu u li jinfluwenzaw l-aġenda tal-UE billi jitolbu lill-Kummissjoni biex tipproponi leġiżlazzjoni.

Biex iġiegħel lill-Kummissjoni tipproponi leġiżlazzjoni se tkun meħtieġa reviżjoni tat-Trattat.

Il-proposta tal-Kummissjoni jeħtiġilha li ssegwi l-proċedura leġiżlattiva rilevanti.

Dan ifisser, biex din issir liġi jeħtiġilha tkun eżaminata u mbagħad adottata mill-Parlament Ewropew u mill-Kunsill tal-UE, jew f’ċerti każijiet biss mill-Kunsill.

LE.

Għall-kuntrarju għar-rifjut tar-reġistrazzjoni ta’ inizjattiva, din id-deċiżjoni hi bbażata fuq l-analiżi tal-Kummissjoni tas-sustanza tal-inizjattiva tagħkom u mhix soġġetta għal proċedura ta’ appell.

L-inzjattiva taċ-ċittadini hi għodda għall-issettjar tal-aġenda li tobbliga lill-Kummissjoni li tikkunsidra b’mod serju t-talbiet magħmulin miċ-ċittadini Ewropej. Madankollu, hi mhix obbligata li taġixxi dwarhom.

Jekk il-Kummissjoni tiddeċiedi li ma taġixxix, hi se tispjega b’mod ċar ir-raġunijiet tagħha.

IVA.

Għandkom tipprovdu l-informazzjoni dwar finanzjament li hu aktar minn €500 għal kull sponsor.

Jeħtiġilkom tipprovdu din l-informazzjoni meta tissottomettu t-talba tagħkom għar-reġistrazzjoni u mbagħad taġġornawha tal-anqas kull xahrejn.

Jeħtiġilkom tipprovdu wkoll l-informazzjoni dwar kwalunkwe appoġġ mhux finanzjarju li tirċievu li hu offrut lill-inizjattiva tagħkom.

Aħna nippubblikaw id-dettalji tal-appoġġ u l-isponsors tagħkom fuq ir-reġistru online tagħna. 

Tiddikjara s-sorsi kollha ta’ appoġġ u finanzjament fil-kont tal-organizzatur tiegħek, li huwa l-kont li użajt biex tirreġistra l-inizjattiva tiegħek. 

Se tirċievi tfakkira awtomatika fil-kont tal-organizzatur tiegħek biex taġġorna l-informazzjoni dwar il-finanzjament u l-appoġġ kull xahrejn.

L-isponsors huma persuni jew organizzazzjonijiet li jipprovdu appoġġ finanzjarju ta’ aktar minn €500. 

Persuni ġuridiċi jew organizzazzjonijiet li jipprovdu appoġġ ieħor ekonomikament kwantifikabbli (donazzjonijiet in natura) jew mhux ekonomikament kwantifikabbli għal inizjattiva jitqiesu wkoll bħala sponsors.

L-individwi li jipprovdu appoġġ mhux finanzjarju, bħall-volontarjat, mhumiex meqjusa bħala sponsors skont ir-Regolament dwar l-IĊE u ma għandhomx għalfejn jiġu rrapportati. 

Jekk m’intix ċert jekk l-appoġġ li qed tirċievi għandux jiġi rrappurtat, jekk jogħġbok ikkuntattja lis-servizz “Seek Advice” tal-Forum tal-IĊE.

LE.

Dan kieku jmur kontra l-prinċipju tal-inizjattivi taċ-ċittadini li jkunu indipendenti u li l-Kummissjoni tkun newtrali.

Madankollu, il-Kummissjoni toffri appoġġ mhux finanzjarju fil-forma ta’ servizzi ta’ traduzzjoni bla ħlas u bis-sistema bla ħlas ta’ ġbir online għall-firem.

U tistgħu ssibu appoġġ addizzjonali – fil-forma ta’ parir u ta’ gwida – fuq il-Forum tal-inizjattiva taċ-ċittadini Ewropej.

IVA.

Jekk tixtieq tiskatta twissijiet jew tissottometti lmenti dwar sponsors u appoġġ iddikjarat għal inizjattiva partikulari (eż. temmen li l-informazzjoni ppubblikata mhix korretta jew mhix kompluta), uża l-formola ta’ kuntatt fuq il-paġna ddedikata għall-inizjattiva.

Biex aħna naġixxu għall-ilment tiegħek jeħtieġlek tipprovdi l-evidenza għat-talba tiegħek.

Aħna nikkuntattjaw l-organizzaturital-inizjattiva biex nistabbilixxu l-fatti, u nitolbuhom biex jikkoreġu kwalunkwe ineżattezza dwar il-finanzjament/l-appoġġ.

LE.

Il-Kummissjoni hi obbligata li tkun newtrali lejn l-inizjattivi kollha li jkunu għaddejjin.

Madankollu, hi tmexxi kampanji ta’ pubbliċità u ta’ informazzjoni ġenerali biex tqajjem għarfien pubbliku tal-inizjattiva taċ-ċittadini Ewropej bħala mezz għan-nies biex jipparteċipaw fit-tfassil tal-politika.

Tista’ żżur dan is-sit biex issir taf dwar l-aħħar żviluppi dwar l-inizjattiva taċ-ċittadini Ewropej inġenerali u l-inizjattivi speċifiċi jew tabbona fin-newsletter. 

Tista’ wkoll tabbona biex tirċievi aġġornamenti speċifiċi dwar l-inizjattivi minn organizzaturi u mill-Kummissjoni meta tagħti appoġġ lil inizjattiva billi tuża s-sistema ċentrali mmexxija mill-Kummissjoni.

IVA.

Tista’ tiġbor l-indirizz tal-email tal-firmatarji għal finijiet ta’ komunikazzjoni u ta’ informazzjoni, iżda dan biss jekk:

• huma jagħtu l-kunsens tagħhom
• tosserva r-regoli rilevanti dwar il-protezzjoni tad-data.

IVA.

Il-liġi Ewropea tawtorizza lill-organizzaturi biex jiġbru informazzjoni speċifika dwarek, online jew fuq formola stampata, u li din l-informazzjoni tiġi kkomunikata lill-awtoritajiet kompetenti inkarigati li jivvalidaw l-appoġġ miġbur.

Dan hu obbligu legali għall-organizzaturi: mingħajr informazzjoni dwar il-firmatarji, l-appoġġ għall-inizjattiva tagħhom ma jiġix rikonoxxut.

Id-data personali kollha pproċessata għal fini ta’ inizjattiva hi soġġetta għal-leġiżlazzjoni dwar il-protezzjoni tad-data. 

Għad-data personali li jipproċessaw, ir-rappreżentanti tal-gruppi ta’ organizzaturi jridu jikkonformaw mar-Regolament Ġenerali dwar il-Protezzjoni tad-Data (GDPR) u mal-leġiżlazzjoni nazzjonali rilevanti dwar il-protezzjoni tad-data.  

Għad-data personali li tipproċessa, il-Kummissjoni Ewropea trid tikkonforma mar-Regolament dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet tal-UE (EUDPR).

Għad-data personali li jipproċessaw matul il-verifika tad-dikjarazzjonijiet ta’ appoġġ, l-Istati Membri huma soġġetti għall-GDPR u għar-regoli nazzjonali rilevanti dwar il-protezzjoni tad-data.  

Aktar informazzjoni dwar il-protezzjoni tad-data  

Aktar informazzjoni dwar il-politika dwar il-privatezza 

Is-sistema ċentrali ta’ ġbir online tal-Kummissjoni tipprovdi l-ogħla livell ta’ sigurtà għall-utenti (inkluż il-kriptaġġ tad-data) f’konformità mar-regoli tagħha dwar sistemi siguri ta’ komunikazzjoni u informazzjoni. Hi tippermetti wkoll liċ-ċittadini li jappoġġjaw l-inizjattivi sempliċement billi jużaw l-ID elettronika nazzjonali tagħhom. 

Mhux id-data li tiġbru fid-dikjarazzjoni uffiċjali tal-formola ta’ appoġġ: tista’ biss tużaha biex tappoġġja l-inizjattiva tiegħek.

Madankollu, tistgħutistaqsu lill-firmatarji għad-dettalji ta’ kuntatt b’mod separat – soġġett għal kunsens tagħhom - għal finijiet ta’ komunikazzjoni u ta’ informazzjoni.

Għal aktar dettalji, araw il-Gwida dwar il-protezzjoni tad-data għall-organizzaturi.

Il-kontrollur tad-data hu:

• ir-rappreżentant tal-grupp ta’ organizzaturi, jew
• l-entità ġuridika, jekk inħolqot waħda biex timmaniġġja l-inizjattiva.

Dan ir-rwol hu relatat mal-ipproċessar tad-data personali (inklużi l-indirizzi tal-email) miġburin mill-individwi matul il-proċess tal-ġbir tal-firmatarji.

Ir-rwol tal-kontrollur tad-data hu xxerjat mal-Kummissjoni jekk inizjattiva tuża:

• is-sistema tal-Kummissjoni biex tiġbor il-firem u l-indirizzi tal-email
• is-servizz ta' skambju ta' files tal-Kummissjoni biex jiġu trasferiti l-firem lill-pajjiżi tal-UE.

Matul il-proċess tal-verifika tal-firem, l-awtoritajiet nazzjonali li jagħmlu dan ukoll għandhom ir-rwol ta’ kontrollur tad-data.

Għal aktar dettalji, araw il-Gwida dwar il-protezzjoni tad-data għall-organizzaturi.

Regoli speċifiċi huma stabbiliti fir-Regolament dwar l-inizjattiva taċ-ċittadini Ewropej – araw l-Artikolu 19. 

Għall-aspetti l-oħrajn kollha, l-organizzaturi, kif ukoll l-awtoritajiet fil-pajjiżi tal-UE huma soġġetti għar-regoli tar-Regolament Ġenerali dwar il-Protezzjoni tad-Data. 

Fejn il-Kummissjoni taġixxi bħala kontrollur konġunt, l-azzjonijiet tagħha huma rregolati mir-Regolament (UE) 2018/1725.

Għal aktar dettalji, araw il-Gwida dwar il-protezzjoni tad-data għall-organizzaturi.

Dikjarazzjonijiet ta’ appoġġ:

Intom (l-organizzaturi) u l-Kummissjoni għandkom teqirdu d-dikjarazzjonijiet ta’ appoġġ iffirmati għall-inizjattiva tagħkom (u kwalunkwe kopja) sa liema minn dawn id-dati tiġi l-ewwel:

• xahar wara li tissottomettu l-inizjattiva lill-Kummissjoni
• 21 xahar wara l-bidu tal-perjodu ta’ ġbir.

Madankollu, jekk tirtiraw l-inizjattiva tagħkom wara l-bidu tal-perjodu ta’ ġbir, id-dikjarazzjonijiet (u kwalunkwe kopja) għandhom jinqerdu sa xahar wara l-irtirar.

L-awtoritajiet nazzjonali mitlubin biex jivverifikaw id-dikjarazzjonijiet ta’ appoġġ tagħkom għandhom jeqirdu d-dikjarazzjonijiet (u kwalunkwe kopja) sa 3 xhur wara li jitlesta dan il-proċess.

Eċċezzjoni – jekk intom involuti fi kwalunkwe proċediment legali jew amministrattiv marbut mal-inizjattiva tagħkom, tistgħu żżommu id-dikjarazzjoni ta’ appoġġ (u kopji) għal aktar żmien minn dawn il-limiti ta’ żmien.

Indirizzi tal-email:

Intom (l-organizzaturi) u l-Kummissjoni għandkom teqirdu r-rekords kollha tal-indirizzi tal-emails sa:

• xahar wara l-irtirar tal-inizjattiva tagħkom jew
• 12-il xahar wara t-tmiem tal-perjodu ta’ ġbir jew
• 12-il xahar wara li tissottomettu l-inizjattiva lill-Kummissjoni.

Madankollu, jekk il-Kummissjoni twieġeb l-inizjattiva tagħkom b’komunikazzjoni formali, il-perjodu ta’ żamma għall-indirizzi tal-email jispiċċa 3 snin wara li tkun ippubblikata l-komunikazzjoni.

Ara l-Gwida dwar il-protezzjoni tad-data għall-organizzaturi.