Kont tal-organizzatur

Il-kont tal-organizzatur jippermetti lill-organizzaturi jissottomettu t-talba tagħhom biex jirreġistraw l-inizjattiva tagħhom mal-Kummissjoni Ewropea u jimmaniġġjaw l-inizjattiva (pereżempju, il-personalizzazzjoni tas-sistema ta’ ġbir online, l-aġġornament tal-informazzjoni dwar l-appoġġ finanzjarju jew il-kuntatt mas-sostenituri).

 Aċċessa l-kont tal-organizzatur

Għar-rappreżentanti: 

Ladarba tkun stabbilixxejt il-grupp tiegħek, abbozzajt l-inizjattiva tiegħek u ġbart l-informazzjoni u d-dokumenti kollha meħtieġa, trid tissottometti t-talba għar-reġistrazzjoni tal-inizjattiva tiegħek permezz tal-kont tal-organizzatur tiegħek. 

Jekk jogħġbok segwi dawn il-passi: 

1. Jekk għad m’għandekx wieħed, oħloq kont tal-EU Login. Il-manwal li jista’ jitniżżel hawn taħt jispjega kif tista’ toħloq u tikkonfigura kont tal-EU Login u takkoppjah ma’ numru tal-mobile biex tiżgura awtentikazzjoni qawwija b’żewġ fatturi. 

2. Ikkonnettja mal-EU Login biex toħloq il-kont tal-organizzatur tiegħek biex tkun tista’ timla u tissottometti t-talba biex tirreġistra l-inizjattiva tiegħek. 

Jekk jogħġbok innota: l-indirizz tal-email li tassoċja mal-kont tal-EU Login tiegħek se jiġi ppubblikat jekk l-inizjattiva tiegħek tkun irreġistrata. Inkella, tista’ tipprovdi indirizz tal-email ieħor għall-informazzjoni pubblika fil-qasam “indirizz tal-email pubbliku” meta timla l-formola tat-talba għar-reġistrazzjoni.