Irreġistrata inizjattiva ġdida: “Inwaqqfu l-finanzjament tal-gwerra tar-Russja: Neliminaw gradwalment l-importazzjonijiet Russi ta’ ħsara u inutli fl-UE”

Fid-29 ta’ Jannar, il-Kummissjoni Ewropea rreġistrat inizjattiva taċ-ċittadini Ewropej intitolata “Inwaqqfu l-finanzjament tal-gwerra tar-Russja: Neliminaw gradwalment l-importazzjonijiet Russi ta’ ħsara u inutli fl-UE.

L-inizjattiva tistieden lill-Kummissjoni tipproponi miżuri biex jintemmu d-dipendenzi li fadal tal-UE fuq l-importazzjoni mir-Russja u l-Belarussja billi jiġu introdotti projbizzjonijiet settorjali jew eliminazzjoni gradwali deċiżiva.

L-organizzaturi tal-inizjattiva għandhom sitt xhur biex iniedu l-ġbir tal-firem.