Il-Viċi President tal-Kummissjoni Jourová tiddibatti s-segwitu għal ECIs li rnexxew fil-Parlament Ewropew

Fil-15 ta’ Lulju, Věra Jourová, il-Viċi President tal-Kummissjoni Ewropea għall-Valuri u t-Trasparenza, ipparteċipat fi skambju ta’ fehmiet mal-Kumitat għall-Petizzjonijiet tal-Parlament Ewropew. Is-suġġett kien: is-segwitu għall-inizjattivi taċ-ċittadini Ewropej li rnexxew.

Il-Viċi President iddeskriviet il-passi li jmiss għall-inizjattiva “End the Cage Age”, kif ukoll l-azzjonijiet meħuda fuq l-inizjattivi preċedenti mwieġba. Hija wieġbet fid-dettall għall-mistoqsijiet u l-kummenti li saru mill-Membri. Ara r-recording hawnhekk.