Irreġistrata inizjattiva ġdida: “L-Ikel huwa Dritt tal-Bniedem għal Kulħadd! Il-garanzija ta’ sistemi tal-ikel tajbin għas-saħħa, ġusti u sostenibbli”. 

Fit-8 ta’ Lulju l-Kummissjoni rreġistrat inizjattiva taċ-ċittadini Ewropej intitolata “L-Ikel huwa Dritt tal-Bniedem għal Kulħadd! Il-garanzija ta’ sistemi tal-ikel tajbin għas-saħħa, ġusti u sostenibbli”.

L-inizjattiva tappella lill-Kummissjoni biex tipproponi jew temenda leġiżlazzjoni f’diversi oqsma, bl-għan li “d-dritt għall-ikel isir realtà” u tintegrah fil-qafas legali tal-UE li għandu impatt fuq id-dritt għall-ikel.

L-organizzaturi tal-inizjattiva għandhom sitt xhur biex iniedu l-ġbir tal-firem.