Join ECI Forum experts and the ECI organisers Helmut Burtscher-Schaden ('Save bees and farmers!) and Attila Dabis (‘Cohesion policy for the equality of regions and sustainability of regional cultures’) to learn more about collecting statements of support for a European citizens' initiative. The webinar will also allow participants to learn more about the European Citizens’ Initiative as a tool to impact European public policy making. Find out more on the event webpage.

Serje ta’ podcasts ġdida dwar l-Inizjattiva taċ-Ċittadini Ewropej, CitizenCentral, titfa’ dawl fuq in-nies wara l-inizjattivi taċ-ċittadini Ewropej. L-organizzaturi, l-esperti tal-politika u ċ-ċittadini jaqsmu l-fehmiet tagħhom dwar is-suġġetti mqajmin minn diversi inizjattivi.

L-ewwel episodju, li fih l-inizjattivi “Il-Ġimgħa għall-Ġejjieni” u “Insalvaw lin-Naħal u lill-Bdiewa”, issa hu disponibbli fuq SoundCloud.

Dalwaqt se jiġu rilaxxati episodji ġodda tas-serje ta’ podcasts CitizenCentral.

Illum, il-Kummissjoni Ewropea ddeċidiet li tirreġistra inizjattiva taċ-ċittadini Ewropej intitolata “L-iżgurar tal-Konformità tal-Politika Kummerċjali Komuni mat-Trattati tal-UE u l-konformità mal-liġi internazzjonali”.

L-organizzaturi tal-inizjattiva jappellaw lill-Kummissjoni biex “tipproponi atti legali bbażati fuq il-Politika Kummerċjali Komuni biex tipprevjeni lill-entitajiet legali tal-UE kemm milli jimportaw prodotti li joriġinaw minn residenzi fit-tul illegali f’territorji okkupati kif ukoll milli jesportaw lejn territorji bħal dawn, sabiex tiġi ppreservata l-integrità tas-suq intern u biex ma tgħinx jew tassisti ż-żamma ta’ tali sitwazzjonijiet illegali.”

Huwa importanti li jiġi enfasizzat li l-inizjattiva tistieden lill-Kummissjoni tressaq proposta għal att legali skont il-Politika Kummerċjali Komuni, li hija ġenerali fin-natura tagħha u li ma timmirax pajjiż jew territorju speċifiku.

Il-Kummissjoni rreġistrat inizjattiva taċ-ċittadini Ewropej ġdida “ReturnthePlastics: Inizjattiva taċ-Ċittadini biex tiġi implimentata sistema ta’ depożitu fl-UE kollha sabiex jiġu riċiklati l-fliexken tal-plastik”.

L-organizzaturi ta' "ReturnthePlastics: Inizjattiva taċ-Ċittadini biex tiġi implimentata sistema ta’ depożitu fl-UE kollha sabiex jiġu riċiklati l-fliexken tal-plastik" tistieden lill-Kummissjoni tippreżenta proposta biex:

• timplimenta sistema ta’ depożitu fl-UE kollha għar-riċiklaġġ tal-fliexken tal-plastik,
• toħloq inċentiv għall-Istati Membri kollha tal-UE biex dawn jiżguraw li l-katini tas-supermarkets li jbigħu l-fliexken tal-plastik jinstallaw magni awtomatiċi inversi għar-riċiklaġġ tal-fliexken tal-plastik wara li jkunu nxtraw u ntużaw mill-konsumatur, u
• iġġiegħel lill-kumpaniji li jipproduċu l-fliexken tal-plastik iħallsu t-taxxi fuq il-plastik għas-sistema tar-riċiklaġġ u tad-depożitu tal-fliexken tal-plastik (skont il-prinċipju li min iniġġes ikollu jħallas).

Din hi s-seba’ inizjattiva ġdida li ġiet irreġistrata fl-2021.

Fil-15 ta’ Lulju, Věra Jourová, il-Viċi President tal-Kummissjoni Ewropea għall-Valuri u t-Trasparenza, ipparteċipat fi skambju ta’ fehmiet mal-Kumitat għall-Petizzjonijiet tal-Parlament Ewropew. Is-suġġett kien: is-segwitu għall-inizjattivi taċ-ċittadini Ewropej li rnexxew.

Il-Viċi President iddeskriviet il-passi li jmiss għall-inizjattiva “End the Cage Age”, kif ukoll l-azzjonijiet meħuda fuq l-inizjattivi preċedenti mwieġba. Hija wieġbet fid-dettall għall-mistoqsijiet u l-kummenti li saru mill-Membri. Ara r-recording hawnhekk.

Il-Kummissjoni Ewropea ppubblikat it-tweġiba tagħha għall-Inizjattiva taċ-Ċittadini Ewropej “End the Cage Age”, is-sitt Inizjattiva li rnexxiet, appoġġjata minn aktar minn miljun ċittadin mill-UE kollha.

Aqra l-komunikazzjoni tal-Kummissjoni, l-istqarrija għall-istampa u ara l-video.

Illum il-Kummissjoni rreġistrat żewġ inizjattivi Ewropej ġodda.

“Ecoscore Ewropew”

L-organizzaturi tal-inizjattiva “Ecoscore Ewropew” jappellaw lill-Kummissjoni biex tipproponi “ecoscore Ewropew affidabbli” – tikketta obbligatorja li tipprovdi lill-konsumaturi b’informazzjoni dwar l-impatt ambjentali tal-prodotti manifatturati jew mibjugħa fis-suq tal-UE. It-tikketta tkun ibbażata fuq kalkolu standardizzat, li jibda mill-ikel u l-ħwejjeġ iżda fl-aħħar mill-aħħar jimmira li jkopri t-tipi kollha ta’ prodotti.

“Nippreżervaw il-kożmetiċi li ma jinvolvux krudeltà - Nimpenjaw ruħna għal Ewropa mingħajr l-ittestjar fuq l-annimali”

L-organizzaturi tal-inizjattiva “Nippreżervaw il-kożmetiċi li ma jinvolvux krudeltà - Nimpenjaw ruħna għal Ewropa mingħajr l-ittestjar fuq l-annimali” jappellaw lill-Kummissjoni biex tipproponi leġiżlazzjoni, li ssaħħaħ u twessa’ l-projbizzjonijiet eżistenti tal-UE dwar l-ittestjar fuq l-annimali għall-prodotti kożmetiċi u l-kummerċjalizzazzjoni tal-ingredjenti ttestjati fuq l-annimali. Il-leġiżlazzjoni tistabbilixxi wkoll pjan direzzjonali għat-tneħħija gradwali tal-ittestjar kollu fuq l-annimali qabel tmiem il-mandat attwali tal-Kummissjoni.

B’dawn iż-żewġ reġistrazzjonijiet, l-għadd ta’ inizjattivi ġodda rreġistrati fl-ewwel nofs tal-2021 huwa 6.

Illum, il-Kummissjoni rreġistrat inizjattiva ġdida taċ-ċittadini Ewropej.

L-organizzaturi tal-inizjattiva “Projbizzjoni ta' Reklamar u Sponsorships tal-Karburanti Fossili” jistiednu lill-Kummissjoni biex tipproponi projbizzjoni fuq ir-reklamar u l-isponsorjar li jappoġġjaw u jippromwovu s-suq tal-karburantì fossili u kull tip ta’ vettura li tuża dawk il-karburanti (minbarra l-vetturi ddedikati għas-servizzi tat-trasport ta’ interess ekonomiku ġenerali).

Din hija r-raba’ inizjattiva rreġistrata fl-2021.

Fir-riżoluzzjoni tagħhom dwar l-inizjattiva taċ-ċittadini Ewropej “End the Cage Age”, il-Membri tal-Parlament Ewropew jitolbu lill-Kummissjoni biex toħroġ bi proposti leġiżlattivi biex tipprojbixxi l-biedja fil-gaġeġ fl-UE, possibbilment diġà sal-2027, wara perjodu xieraq ta’ tranżizzjoni u wara li tkun twettqet valutazzjoni xjentifika soda tal-impatt.

Ir-riżoluzzjoni ġiet adottata fl-10 ta’ Ġunju b’558 vot favur u b’37 vot kontra, u b’85 astensjoni.

Ara r-reġistrazzjoni tad-dibattitu fis-sessjoni plenarja fis-sit web tal-PE.

Fis-16 ta’ Ġunju, il-Kummissjoni Ewropea qed tistieden liċ-ċittadini biex jiskopru l-Inizjattiva taċ-Ċittadini Ewropej - b’enfasi fuq l-Irlanda - u fit-18 ta’ Ġunju se jkun imiss il-Lussemburgu. Biex dawn l-avvenimenti jilħqu aktar nies u bis-saħħa tal-format diġitali, iċ-ċittadini minn pajjiżi oħra tal-UE jistgħu jissieħbu wkoll.

Iċċekkja d-dati tal-avvenimenti li ġejjin fuq is-sit web tagħna. Hemm ukoll disponibbli recordings mill-avvenimenti b’enfasi il-Ġermanja, id-Danimarka u l-Iżvezja.