L-aħħar aħbarijiet

Illum, il-Kummissjoni rreġistrat inizjattiva ġdida taċ-ċittadini Ewropej.

L-organizzaturi tal-inizjattiva “Projbizzjoni ta' Reklamar u Sponsorships tal-Karburanti Fossili” jistiednu lill-Kummissjoni biex tipproponi projbizzjoni fuq ir-reklamar u l-isponsorjar li jappoġġjaw u jippromwovu s-suq tal-karburantì fossili u kull tip ta’ vettura li tuża dawk il-karburanti (minbarra l-vetturi ddedikati għas-servizzi tat-trasport ta’ interess ekonomiku ġenerali).

Din hija r-raba’ inizjattiva rreġistrata fl-2021.

Fir-riżoluzzjoni tagħhom dwar l-inizjattiva taċ-ċittadini Ewropej “End the Cage Age”, il-Membri tal-Parlament Ewropew jitolbu lill-Kummissjoni biex toħroġ bi proposti leġiżlattivi biex tipprojbixxi l-biedja fil-gaġeġ fl-UE, possibbilment diġà sal-2027, wara perjodu xieraq ta’ tranżizzjoni u wara li tkun twettqet valutazzjoni xjentifika soda tal-impatt.

Ir-riżoluzzjoni ġiet adottata fl-10 ta’ Ġunju b’558 vot favur u b’37 vot kontra, u b’85 astensjoni.

Ara r-reġistrazzjoni tad-dibattitu fis-sessjoni plenarja fis-sit web tal-PE.

Fis-16 ta’ Ġunju, il-Kummissjoni Ewropea qed tistieden liċ-ċittadini biex jiskopru l-Inizjattiva taċ-Ċittadini Ewropej - b’enfasi fuq l-Irlanda - u fit-18 ta’ Ġunju se jkun imiss il-Lussemburgu. Biex dawn l-avvenimenti jilħqu aktar nies u bis-saħħa tal-format diġitali, iċ-ċittadini minn pajjiżi oħra tal-UE jistgħu jissieħbu wkoll.

Iċċekkja d-dati tal-avvenimenti li ġejjin fuq is-sit web tagħna. Hemm ukoll disponibbli recordings mill-avvenimenti b’enfasi il-Ġermanja, id-Danimarka u l-Iżvezja.

Fit-3 ta’ Ġunju, minħabba l-isfidi kkawżati mill-pandemija tal-COVID-19, il-Kummissjoni ddeċidiet li testendi bi 3 xhur oħra sitt inizjattivi taċ-ċittadini li bħalissa jinsabu fil-proċess li jiġbru d-dikjarazzjonijiet ta’ appoġġ. Sitt inizjattivi oħra li għalihom il-ġbir għadu għaddej diġà bbenefikaw minn estensjoni massima ta’ 12-il xahar bl-estensjonijiet preċedenti li ngħataw f’Lulju 2020, f’Diċembru 2020 u fi Frar ta’ din is-sena. L-organizzaturi tal-inizjattivi kkonċernati ġew innotifikati mill-Kummissjoni. Aqra t-test tad-deċiżjoni ta’ implimentazzjoni tal-Kummissjoni.

L-10 edizzjoni tal-Jum l-Inizjattiva taċ-Ċittadini Ewropej se ssir online bejn it-3 u l-4 ta’ Ġunju. Huwa organizzat mill-Kumitat Ekonomiku u Soċjali Ewropew f’kooperazzjoni mal-imsieħba istituzzjonali u tas-soċjetà ċivili.

Il-Ħamis, it-3 ta’ Ġunju se jkun jum sħiħ ta’ dibattiti dwar l-istrument tal-Inizjattiva taċ-Ċittadini Ewropej, li se jiffukaw fuq aspetti ewlenin biex l-Inizjattiva taċ-Ċittadini Ewropej issir aktar b’saħħitha u tissaħħaħ id-demokrazija parteċipattiva fil-livell tal-UE.
Il-programm se jinkludi wkoll sessjonijiet ta’ ħidma mmirati lejn l-organizzaturi tal-inizjattivi, u se jkopri kwistjonijiet bħall-kampanji online u l-ġbir ta’ fondi.
Fl-4 ta’ Ġunju, l-organizzaturi ta’ inizjattivi li għaddejjin bħalissa se jingħataw il-kelma biex jippreżentaw l-inizjattivi tagħhom.
Għal aktar informazzjoni dwar il-programm, il-kelliema u s-sessjonijiet ta’ ħidma, jekk jogħġbok iċċekkja l-paġna web tal-avveniment li qed tiġi aġġornata b’mod regolari. Irreġistra qabel it-30 ta’ Mejju!

Il-Kummissjoni Ewropea nediet is-serje tagħha tal-2021 ta’ 10 avveniment online dwar l-Inizjattiva taċ-Ċittadini Ewropej b’avveniment ta’ suċċess iffukat fuq il-Ġermanja fit-28 ta’ April. Fl-20 ta’ Mejju qed nistiednu liċ-ċittadini Daniżi biex jiskopru dan l-istrument uniku ta’ demokrazija parteċipattiva u fil-25 ta’ Mejju se jkun imiss lill-Iżvezja. Se tiltaqa’ ma’ ċittadini impenjati, rappreżentanti u partijiet ikkonċernati tal-istituzzjonijiet tal-UE b’passjoni għad-demokrazija parteċipattiva. Organizzaturi attwali u preċedenti se jipparteċipaw ukoll biex jagħtu l-għarfien tagħhom. 

Ingħaqad mal-webinar “L-ECI pass pass” fit-18 ta’ Mejju għal gwida prattika dwar il-passi differenti tal-proċedura tal-inizjattiva taċ-ċittadini Ewropej -
mit-tħejjija u r-reġistrazzjoni sal-ġbir u l-verifika tal-firem u l-fażijiet ta’ sottomissjoni. Tgħallem aktar fuq il-paġna web tal-webinar.

Illum il-Kummissjoni rreġistrat żewġ inizjattivi Ewropej ġodda.

L-organizzaturi tal-inizjattiva “Civil Servant Exchange Program” jistiednu lill-Kummissjoni tvara skema li toffri lill-impjegati taċ-ċivil mill-pajjiżi tal-UE esperjenza professjonali f’servizz simili fi Stat Membru ieħor għal perjodu ta’ bejn xahrejn u 12-il xahar.

L-organizzaturi tal-inizjattiva “Green Garden Roof Tops” jitolbu lill-Kummissjoni tipproponi qafas li jiffaċilita l-ħolqien ta’ ġonna ekoloġiċi fuq il-bjut tal-kumpaniji.

Il-Parlament Ewropew se jorganizza smigħ pubbliku dwar is-6 Inizjattiva taċ-Ċittadini Ewropej ta’ suċċess “End the Cage Age” fil-15 ta’ April mid-9.00 sa 12.00. Minħabba r-restrizzjonijiet attwali tal-COVID-19, il-laqgħa se ssir parzjalment mill-bogħod bi preżenza fiżika limitata fil-kamra, iżda se tixxandar kompletament fuq l-internet għall-pubbliku.

Segwi l-webinar fit-30 ta’ Marzu 2021 biex tikseb gwida prattika dwar kif tiġbor b’suċċess id-dikjarazzjonijiet ta’ appoġġ għal inizjattiva taċ-ċittadini Ewropej.