Il-Parlament Ewropew se jorganizza smigħ pubbliku dwar il-ħames Inizjattiva taċ-Ċittadini Ewropej li kellha suċċess “Minority Safepack – one million signatures for diversity in Europe” fil-15 ta’ Ottubru mid-9.00 sas-13.00. Minħabba r-restrizzjonijiet attwali tal-COVID-19, il-laqgħa se ssir parzjalment mill-bogħod bi preżenza fiżika limitata fil-kamra, iżda se tixxandar kompletament fuq l-internet għall-pubbliku.
