L-aħħar aħbarijiet

Matul is-Sena Ewropea taż-Żgħażagħ, il-Forum tal-ECI se jingħaqad maż-żgħażagħ Ewropej!

Fir-rebbiegħa tal-2022, il-Forum tal-ECI jispjega l-elementi bażiċi tal-inizjattiva taċ-Ċittadini Ewropej u l-opportunitajiet ipprovduti mill-Forum. L-ewwel sessjonijiet huma offruti lill-istudenti tal-Università Babes-Bolyai (ir-Rumanija), l-Università ta’ Wroclaw (il-Polonja), l-Università ta’ Leiden (in-Netherlands), u l-Universidade Lusófona (il-Portugall).

Fit-2 ta’ Frar 2022 il-Kummissjoni rreġistrat l-Inizjattiva taċ-Ċittadini Ewropej intitolata “Win It On The Pitch”. L-organizzaturi tal-inizjattiva jistiednu lill-Kummissjoni tipproteġi l-mudell Ewropew tal-isport, li huwa bbażat fuq il-valuri, is-solidarjetà, is-sostenibbiltà u l-kompetizzjoni miftuħa.

Din hija l-ewwel inizjattiva rreġistrata fl-2022, u s-17-il waħda mindu bdew japplikaw ir-regoli l-ġodda fl-1 ta’ Jannar 2020. L-organizzaturi tagħha issa għandhom sitt xhur biex jagħżlu meta jibdew il-ġbir tal-appoġġ.

Materjali ġodda jew aġġornati ta’ komunikazzjoni li jispjegaw l-Inizjattiva taċ-Ċittadini Ewropej ġew applowdjati fil-paġna “Xerred il-kelma”

Skedi informattivi, posts tal-media soċjali, viżwali, videos u aktar huma lesti għall-użu mill-ġdid b’24 lingwa.

Verżjoni ġdida tal-applikazzjoni tas-Sistema Ċentrali ta’ Ġbir Online tal-ECI (COCS) ġiet rilaxxata reċentement. Din tinkludi l-Captcha ġdid fjamant tal-UE (modulu ta’ sigurtà biex jiġi vverifikat jekk l-utent huwiex uman) li huwa sors miftuħ, multilingwi u konformi mal-GDPR
Is-COCS il-ġdida toffri wkoll lill-organizzaturi tal-inizjattiva statistika dettaljata dwar l-użu tas-sistema għall-ġbir tal-firem. Il-maġġoranza tal-inizjattivi miftuħa jużaw is-COCS u l-inizjattivi l-ġodda kollha rreġistrati mill-1 ta’ Jannar 2023 se jkunu meħtieġa jużawha.

Il-ħames episodju tas-sensiela podcast dwar l-Inizjattiva taċ-Ċittadini Ewropej, CitizenCentral, issa hu live fuq Apple Podcasts, Spotify, Google Podcasts u SoundCloud.

F’dan l-episodju, intitolat “Konsumaturi kuxjenzjużi – iltaqa’ mal-Ewropej fil-ġlieda kontra t-tibdil fil-klima b’modi kreattivi”, l-ECIs ippreżentati li għaddejjin bħalissa huma Ban Fossil Fuel Ads u European EcoScore. Tista’ tisma’ wkoll minn esperti u attivisti fl-oqsma rilevanti.

Illum, il-Kummissjoni ddeċidiet li tirreġistra Inizjattiva taċ-Ċittadini Ewropej intitolata “The Green VAT - VAT Ekoloġiku tal-UE biex jistimula prodotti u servizzi sostenibbli u ekoloġiċi”. L-organizzaturi tal-inizjattiva jappellaw lill-Kummissjoni biex tipproponi att legali bil-għan li “titnaqqas ir-rata tal-VAT għal prodotti u servizzi ekoloġiċi”.

Illum ukoll, il-Kummissjoni kellha tirrifjuta r-reġistrazzjoni tal-“inizjattiva EVE għall-ħolqien tad-dritt ta’ deċiżjoni”. Dan ir-rifjut, l-ewwel mill-introduzzjoni tar-regoli l-ġodda f’Jannar 2020, segwa proċedura f’żewġ stadji. Fl-ewwel stadju, l-organizzaturi ġew mistiedna jemendaw l-inizjattiva inizjali tagħhom, filwaqt li jqisu l-ewwel valutazzjoni tal-Kummissjoni.

Ir-raba’ episodju tas-sensiela tal-podcast dwar l-Inizjattiva taċ-Ċittadini Ewropej, CitizenCentral, issa jinsab disponibbli fuq Apple Podcasts, Spotify, Google Podcasts u SoundCloud.

F’dan l-episodju, relatat mad-drittijiet fundamentali u soċjali, l-Inizjattivi taċ-Ċittadini Ewropej li jinsabu għaddejjin li se jidhru fuq il-podcast huma Inizjattiva tas-soċjetà ċivili għal projbizzjoni fuq il-prattiki ta’ sorveljanza bijometrika tal-massa u Bidu ta’ Introjtu Bażiku Mingħajr Kondizzjonijiet (UBI) fl-UE kollha. Tista’ tisma’ wkoll minn speċjalista tal-etika u tad-drittijiet tat-teknoloġija, ġurnalist investigattiv u espert tal-Futur tax-Xogħol.

Workshop for (potential) organisers of European citizens’ initiatives, to discover how to find funds for the initiative, how to report donations and to gather tips for fundraising strategy.

Workshop organised by Democracy International, under subcontract of the European Commission.

10 November, 14:00-16:30 CET. Register here.

It-tielet episodju tas-sensiela ta’ podcasts ġdida dwar l-Inizjattiva taċ-Ċittadini Ewropej, CitizenCentral, issa hi disponibbli fuq Apple Podcasts, Spotify, Google Podcasts u SoundCloud.

F’dan l-episodju, li jkopri suġġetti ambjentali fuq l-art u fil-baħar, hemm żewġ Inizjattivi taċ-Ċittadini Ewropej li għaddejjin bħalissa: “Stop Finning – Stop the trade” (“Waqqaf it-tneħħija tal-pinen tal-klieb il-baħar – Waqqaf il-kummerċ”) u “Green Garden Roof Tops” (“Bjut b’Ġonna Ekoloġiċi”) . Tista’ tisma’ wkoll minn rappreżentant ta’ inizjattiva magħluqa “Grow Scientific Progress: crop materials” (“Inkabbru l-progress xjentifiku: l-għelejjel huma importanti!”) jew bijologi tal-baħar.

Illum il-Kummissjoni rreġistrat inizjattiva ġdida taċ-ċittadini Ewropej, intitolata “Call to Action – Environmental protection in all policies” (Sejħa għal Azzjoni – Protezzjoni ambjentali fil-politiki kollha).

Din hi l-għaxar inizjattiva rreġistrata fl-2021. L-organizzaturi tagħha issa għandhom sitt xhur biex jagħżlu meta jibdew il-ġbir tal-appoġġ.