L-aħħar aħbarijiet

L-inizjattiva “Fur Free Europe” laħqet għadd rekord ta’ 1,502,319 dikjarazzjoni ta’ appoġġ ivvalidati miċ-ċittadini tal-UE, b’limiti milħuqa fi 18-il pajjiż. Dan jagħmilha l-10 inizjattiva ta’ suċċess ippreżentata lill-Kummissjoni Ewropea. L-inizjattiva ġiet sottomessa fl-14 ta’ Ġunju 2023.

L-inizjattiva tappella lill-Kummissjoni biex tintroduċi projbizzjoni fl-UE kollha fuq iż-żamma u l-qtil ta’ annimali għall-fini tal-produzzjoni tal-fer, kif ukoll fuq it-tqegħid tal-fer tal-annimali mrobbija u prodotti li fihom tali fer fis-suq tal-UE.

Il-Kummissjoni għandha sal-14 ta’ Diċmebru 2023 biex tippreżenta t-tweġiba uffiċjali tagħha, biex tiddeskrivi l-azzjonijiet li biħsiebha tieħu. Il-Kummissjoni se tiltaqa’ mal-organizzaturi biex tiddiskuti l-inizjattiva fid-dettall fil-ġimgħat li ġejjin. Imbagħad se jiġi organizzat smigħ pubbliku mill-Parlament Ewropew.

Is-sett ta’ għodod ta’ tagħlim li fih 4 unitajiet inħoloq bħala attività fakultattiva fil-klassi għall-istudenti fl-aħħar sentejn tal-edukazzjoni sekondarja. L-għan tiegħu huwa li jgħammar lill-istudenti bl-għarfien u l-ħiliet li jippermettulhom ikunu ċittadini attivi u impenjati tal-UE. Bħala parti minn din l-esplorazzjoni, is-sett ta’ għodod jiffoka fuq l-Inizjattiva taċ-Ċittadini Ewropej. 

Permezz ta’ istruzzjoni, riċerka, dibattitu, ħidma ta’ proġetti u logħob ta’ rwoli, l-istudenti jitgħallmu kif l-UE evolviet matul iż-żmien, kif l-istituzzjonijiet tal-UE jagħmlu l-liġijiet, kif dawn il-liġijiet jaffettwaw il-ħajja tagħhom ta’ kuljum, u, kif l-Inizjattiva taċ-Ċittadini Ewropej tippermettilhom jingħaqdu ma’ oħrajn biex isawru l-politika tal-UE dwar kwistjonijiet li jinteressawhom.  

Issa disponibbli: l-episodju l-ġdid ta’ podcast CitizenCentral, li jixħet dawl fuq l-inizjattivi taċ-ċittadini Ewropej.

F’dan l-episodju nitkellmu dwar l-isforzi kontinwi biex l-IĊE ssir għarfien komuni Ewropew – li jibda mill-istudenti tal-iskola sekondarja. Is-sett ta’ għodod “Id-demokrazija tal-UE fl-Azzjoni — Semma’ Leħnek bl-Inizjattiva taċ-Ċittadini Ewropej” ġie żviluppat mill-Kummissjoni Ewropea u mmexxi fl-iskejjel sekondarji fil-bidu tal-2023.

Isma’ u skopri CitizenCentral (bl-Ingliż biss) fuq Apple Podcasts, Spotify, su SoundCloud.  

Fil-31 ta’ Mejju, il-Kummissjoni rreġistrat Inizjattiva taċ-Ċittadini Ewropej (IĊE) intitolata “Implimentazzjoni effettiva tal-kunċett ta’ preċedent ġudizzjarju fil-pajjiżi tal-UE”.

Hi tppella lill-Kummissjoni biex tintroduċi mekkaniżmu li jiggarantixxi r-rikonoxximent reċiproku tad-deċiżjonijiet ġudizzjarji finali adottati mill-qrati ta’ Stati Membri oħra u li jagħti l-possibbiltà li jiġu invokati preċedenti ġudizzjarji nazzjonali deċiżi mill-qrati tal-pajjiż ikkonċernat. Il-mekkaniżmu jkun japplika għal kawżi li jikkonċernaw kwistjonijiet legali simili li għalihom il-Qorti tal-Ġustizzja diġà kellha l-opportunità li tinterpreta d-dispożizzjonijiet applikabbli tad-dritt tal-Unjoni.

Din hi l-ħames inizjattiva rreġistrata fl-2023. L-organizzaturi tagħha issa għandhom sitt xhur biex jagħżlu meta jibdew il-ġbir tal-appoġġ.

Il-Jum tal-IĊE 2023, organizzat mill-Kumitat Ekonomiku u Soċjali Ewropew u s-sħab tiegħu, se jiffoka fuq il-ħiliet li l-organizzaturi jeħtieġu biex jagħmlu suċċess mill-inizjattiva tagħhom – fir-rigward tas-Sena Ewropea tal-Ħiliet. Għall-konferenza se tattendi l-Viċi President tal-Kummissjoni Ewropea għall-Valuri u t-Trasparenza Věra Jourová.

Is-sett ta’ għodod għall-iskejjel “Id-Demokrazija tal-UE fl-Azzjoni - Semma’ Leħnek bl-Inizjattiva taċ-Ċittadini Ewropej”, żviluppat mill-Kummissjoni, se jitnieda uffiċjalment fl-avveniment.

L-avveniment se jkun ibridu, bil-parteċipazzjoni personali fi Brussell jew online. Ir-reġistrazzjoni hi miftuħa sal-4 ta’ Ġunju.

Il-Parlament Ewropew se jorganizza seduta ta’ smigħ pubblika dwar id-disa’ Inizjattiva taċ-Ċittadini Ewropej li rnexxiet “Nippreżervaw il-kożmetiċi li ma jinvolvux krudeltà - nimpenjaw ruħna għal Ewropa mingħajr l-ittestjar fuq l-annimali” fil-25 ta’ Mejju 2023 mid-9:00 a.m. sa 12:00 p.m. L-organizzaturi se jippreżentaw l-objettivi tal-inizjattiva u se jitkellmu mal-Membri tal-Parlament Ewropew. Ir-rappreżentanti tal-Kummissjoni Ewropea se jipparteċipaw ukoll.

Il-laqgħa tixxandar fuq l-internet u tiġi rreġistrata.

Thanks to an amendment to the national provisions on European citizens’ initiative, applying as of 1 May 2023, Belgian citizens can support European citizens’ initiatives from age 16.

There are altogether six countries where it is possible to support ECIs below age 18.

Fit-18 ta’ April, il-Kummissjoni rreġistrat inizjattiva taċ-ċittadini Ewropej intitolata ‘‘Nikkollegaw il-kapitali u n-nies Ewropej kollha permezz ta’ network tal-ferroviji ta’ veloċità għolja”.  

Hija tappella għall-konnessjoni tal-bliet kapitali Ewropej kollha permezz ta’ linji ferrovjarji ta’ veloċità għolja billi jiġu konnessi n-networks ferrovjarji ta’ veloċità għolja eżistenti u billi jinbnew linji ta’ veloċità għolja fejn dawn għadhom ma jeżistux.

Din hija r-raba’ inizjattiva taċ-ċittadini rreġistrata fl-2023, u b’mod ġenerali l-100 waħda, li timmarka pass importanti mill-introduzzjoni tal-għodda fl-2012.

Illum il-Kummissjoni Ewropea ppubblikat ir-rispons tagħha għall-inizjattiva taċ-ċittadini Ewropej “Insalvaw lin-naħal u lill-bdiewa! Lejn agrikoltura favur in-naħal għal ambjent b’saħħtu”, is-seba’ inizjattiva ta’ suċċess appoġġjata minn aktar minn 1 miljun ċittadin fl-UE kollha.

Aqra l-komunikazzjoni tal-Kummissjoni. 

Il-Parlament Ewropew se jorganizza seduta ta’ smigħ pubblika dwar it-tmien Inizjattiva taċ-Ċittadini Ewropej Stop Finning – Stop the trade  fis-27 ta’ Marzu mit-3.00 p.m. sas-6.00 p.m. L-organizzaturi se jippreżentaw l-objettivi tal-inizjattiva u se jitkellmu mal-Membri tal-Parlament Ewropew. Ir-rappreżentanti tal-Kummissjoni Ewropea se jipparteċipaw ukoll.

Il-laqgħa tixxandar fuq l-internet u tiġi rreġistrata.