Obair leantach ar an tionscnamh Eorpach ó na saoránaigh ar éirigh leis dar teideal ‘Coinnítear na cosmaidí saor ó chruálacht – Tugtar gealltanas go mbeidh an Eoraip saor ón tástáil ar ainmhithe’

An 1 Meitheamh 2026, chuir an Coimisiún Eorpach i láthair an treochlár i dtreo deireadh a chur de réir a chéile leis an tástáil ar ainmhithe le haghaidh measúnuithe sábháilteachta ceimiceán, i gcomhréir le gealltanas an Choimisiúin a rinneadh in 2023, mar fhreagairt ar an tionscnamh Eorpach ó na saoránaigh ’Coinnítear na cosmaidí saor ó chruálacht – Tugtar gealltanas go mbeidh an Eoraip saor ón tástáil ar ainmhithe’. Leagtar amach sa treochlár céimeanna soiléire inláimhsithe chun an t-aistriú ó mhodhanna tástála traidisiúnta go cineálacha cur chuige nuálacha neamhainmhithe a chinntiú.