Cuireann an cuntas d’eagraithe ar chumas eagraithe a n-iarratas a chur faoi bhráid an Choimisiúin Eorpaigh lena dtionscnamh a chlárú agus a bhainistiú (mar shampla, an córas bailithe ar líne a shaincheapadh, eolas faoi thacaíocht airgeadais a nuashonrú nó teagmháil a dhéanamh le lucht tacaíochta).
Rochtain a fháil ar chuntas d’eagraithe
I gcás ionadaithe:
Nuair a bheidh do ghrúpa curtha ar bun agat, do thionscnamh dréachtaithe agat agus an t-eolas agus na doiciméid ar fad is gá bailithe agat, ní mór duit an t-iarratas ar chlárú do thionscnaimh a chur isteach trí do chuntas d’eagraithe.
Lean na céimeanna seo:
- Mura bhfuil ceann agat cheana féin, cuir cuntas EU Login ar bun. Lean na treoracha chun cuntas EU Login a chruthú agus a chumrú agus chun an dara fachtóir a shocrú le haghaidh fíordheimhniú láidir. Is i mBéarla atá an lámhleabhar agus bíonn aistriúchán uathoibríoch de ar fáil i 23 theanga oifigiúla eile an Aontais Eorpaigh.
- Déan nasc le EU Login chun cuntas d’eagraithe a chruthú ionas go mbeidh tú in ann an t-iarratas ar chlárú do thionscnaimh a líonadh isteach agus a chur isteach.
Tabhair do d’aire: cuirfear an seoladh ríomhphoist a chomhlachtóidh tú le do chuntas EU Login ar fáil go poiblí i gcás ina gclárófar do thionscnamh. De rogha air sin, is féidir leat seoladh ríomhphoist eile a sholáthar le haghaidh faisnéis phoiblí sa réimse ‘seoladh ríomhphoist poiblí’ agus an fhoirm iarratais ar chlárú á líonadh isteach agat.
