Tionscnaimh Eorpacha ó na saoránaigh ar éirigh leo – torthaí agus obair leantach

Príomhfhigiúirí

• Uisce níos glaine agus níos sábháilte do chách

  A bhuí leis an tionscnamh ‘Right2Water’, forchuireann dlí an Aontais caighdeáin níos airde i ndáil le cáilíocht uisce agus feabhsaíonn sé rochtain ar uisce óil sábháilte in áiteanna poiblí. Tá scairdeáin uisce á gcur isteach ag cathracha i bpáirceanna, i stáisiúin agus i scoileanna, agus tá rialtais ag cur feabhas ar an rochtain atá ag grúpaí leochaileacha, rud a fhágann gur éasca a bhíonn sé freastal ar bhunriachtanas.

• Tuilleadh trédhearcachta faoin mbia a ithimid

  Tar éis do shaoránaigh a éileamh go gcuirfí toirmeasc ar ghliofosáit agus go ndéanfaí athchóiriú ar an nós imeachta um lotnaidicídí a fhormheas, ceanglaítear anois le rialacha nua trédhearcachta nach mór gach staidéar sábháilteachta bia a chuirtear faoi bhráid údaráis an Aontais a bheith poiblí, rud a thugann an ceart do dhaoine a bheith ar an eolas faoin mbonn ar ar deonaíodh formheasanna.

• Brú chun an dúlra a athbhunú agus chun go mbeidh an fheirmeoireacht níos inbhuanaithe

  Chuidigh ‘Sábhálaimis na beacha agus na feirmeoirí!’ i dtaobh gníomhaíocht an Aontais a chur chun cinn chun an dúlra a athbhunú agus an bhithéagsúlacht a fheabhsú. Ó bhí 2024 ann, tá spriocanna nua leagtha síos ag an Aontas chun éiceachórais a chosaint, ina measc sin sprioc chun meath na bpailneoirí a chur ina cheart faoi 2030.

• Rochtain níos fearr ar sheirbhísí ginmhillte atá ar fáil go dlíthiúil, iad inacmhainne agus sábháilte

  Aithníonn freagra an Choimisiúin Eorpaigh ar ‘My Voice, My Choice’ gur saincheist sláinte poiblí atá sa ghinmhilleadh neamhshábháilte, agus cuireann sé i bhfios go láidir go bhféadfaidh na Ballstáit, más mian leo, Ciste Sóisialta na hEorpa+ a úsáid chun feabhas a chur ar rochtain chomhionann ar sheirbhísí ginmhillte shábháilte atá ar fáil go dlíthiúil agus atá inacmhainne.

• Molfar do Bhallstáit an Aontais cleachtais tiontúcháin dhíobhálacha a chosc

  In 2027 glacfaidh an Coimisiún moladh do Bhallstáit an Aontais cosc a chur ar chleachtais tiontúcháin. Déanfaidh sé amhlaidh mar fhreagairt ar thionscnamh lena n-iarrtar cosc a chur ar na hidirghabhálacha díobhálacha sin a dhéantar ar dhaoine LADTIA+.

• Móiminteam chun srian a chur le tástáil ar ainmhithe

  Spreag an tionscnamh ‘Coinnítear na cosmaidí saor ó chruálacht’ an tAontas chun treochlár a leagan amach le deireadh a chur de réir a chéile le tástáil ar ainmhithe le haghaidh seiceálacha sábháilteachta ceimicí. Is é is aidhm don treochlár sin dlús a chur le húsáid modhanna gan ainmhithe agus tacú leis an nuálaíocht san eolaíocht ag an am céanna.

• Speicis siorca atá faoi bhagairt a chosaint ar bhealach níos fearr

  Mar thoradh ar bhrú na saoránach tríd an tionscnamh ‘Cuirtear deireadh leis an eite-theascadh – Cuirtear deireadh leis an trádáil’, tháinig cóid chustaim nua isteach a chuireann ar chumas na n-údarás trádáil eití siorcanna a rianú i gceart. Leis na cóid sin, déantar lúba ar lár a dhúnadh agus an trédhearcacht a neartú, agus ag an am céanna, tacaítear le hiarrachtaí leanúnacha an Aontais agus idirnáisiúnta ar fhorfheidhmiú rialacha agus ar chosaint do shiorcanna a fheabhsú.

• Céimeanna nithiúla i dtreo deireadh a chur le húsáid cásanna san fheirmeoireacht agus le táirgeadh fionnaidh

  Tar éis na dtionscnamh ‘Ná coinnímis ainmhithe i gcásanna feasta’ agus ‘An Eoraip Saor ó Fhionnadh’, sheol an tAontas athbhreithnithe eolaíocha, cuairteanna allamuigh agus measúnuithe dlíthiúla atá ag cur leis na cinntí atá ar na bacáin i leith leas ainmhithe.

• Tús a chur le tionscnamh

  Cláraigh do thionscnamh agus tosaigh ar shínithe a bhailiú ar mhaithe leis an athrú is mian leat a fheiceáil.

• Tionscnamh a shíniú

  Cuir do shíniú le ceann de na tionscnaimh atá ar siúl cheana féin.

• An scéala is déanaí a fháil

  Liostaigh lenar nuachtlitir chun eolas a fháil faoi thionscnaimh nua agus torthaí.