Ceisteanna Coitianta

Tugann tionscnamh Eorpach ó na saoránaigh deis duitse agus d’Eorpaigh eile páirt ghníomhach a ghlacadh i gceapadh beartais an Aontais Eorpaigh.

Más mian leat go ndéanfadh an tAontas beart i leith saincheist áirithe, is féidir leat tionscnamh ó na saoránaigh a chruthú chun iarraidh ar an gCoimisiún Eorpach reachtaíocht nua de chuid an Aontais a mholadh maidir leis an tsaincheist sin. 

Chun go mbeidh an Coimisiún in ann tionscnamh a mheas, is gá duit 1 mhilliún duine ó gach cearn den Aontas a mhealladh lena dtacaíocht a chur in iúl tríd an tionscnamh a shíniú.

Is do Pharlaimint na hEorpa amháin is féidir leat achainíocha a thíolacadh. Ach is don Choimisiún Eorpach a thíolactar na tionscnaimh ó na saoránaigh. 

Is ar na cúiseanna seo a leanas go príomha atá achainíocha difriúil:

• baineann siad le gníomhaíochtaí de chuid an Aontais atá ann cheana; ní féidir leo tograí le haghaidh dlíthe nua de chuid an Aontais a iarraidh (leis na tionscnaimh ó na saoránaigh moltar dlíthe nua de chuid an Aontais)
• is féidir le haon achainíoch amháin achainí a thíolacadh (tá grúpa foirmiúil d’eagraithe ag tionscnamh ó na saoránaigh)
• níl aon líon íosta sínithe i gceist leo (teastaíonn 1 mhilliún síniú ó na tionscnaimh ó na saoránaigh).

TÁ.

Tá tionscnaimh nó uirlisí comhchosúla ann ar an leibhéal náisiúnta, réigiúnach nó áitiúil i bhformhór na mBallstát. Tá difríocht eatarthu ó thaobh raon feidhme agus nós imeachta de.

Tá samplaí le fáil sa staidéar seo:

I gcás tionscnaimh a cláraíodh roimh an 1 Eanáir 2020, tá feidhm ag na rialacha atá ann faoi láthair maidir le gnéithe ar leith díobh, agus tá feidhm ag an rialacha a bhí ann roimhe seo maidir le gnéithe eile díobh (e.g. ceanglais sonraí i dtaca le sínitheoirí, na córais bailithe ar líne, an deimhniú a dhéanann na Ballstáit ar na sínithe).

Tá tuilleadh eolais faoi sin san fhógra ón gCoimisiún faoi shocruithe idirthréimhseacha.

TÁ.

Is féidir leat comhairle neamhspleách a fháil maidir le gnéithe dlíthiúla de thionscnamh Eorpach ó na saoránaigh, agus maidir le feachtasaíocht, tiomsú airgid agus gnéithe eagraíochtúla eile, ar Fhóram an Tionscnaimh Eorpaigh ó na Saoránaigh. Is saineolaí a thugann freagra ar gach fiosrúchán a chuirtear isteach tríd an uirlis ‘Faigh Comhairle’ ar Fhóram an Tionscnaimh Eorpaigh ó na Saoránaigh.

Tabhair do d’aire nach mór duit a bheith cláraithe leis an bhFóram chun fiosrúchán a chur isteach chun comhairle a fháil. 

NÍL.

Moltaí maidir le ceisteanna a bhfuil gá, dar leis na saoránaigh, le gníomh dlí de chuid an Aontais ina leith chun na Conarthaí a chur chun feidhme (agus dá réir sin gan na Conarthaí a mhodhnú), is leis na tograí sin amháin a bhaineann tionscnaimh ó na saoránaigh.

TÁ.

Níl aon chosc air sin sna rialacha.

IS LEOR.

Is í an tír chónaithe an rud is tábhachtaí. Is ceadmhach an náisiúntacht chéanna nó náisiúntachtaí éagsúla a bheith ag na heagraithe.

NÍL.

Is gá duit a bheith i do náisiúnach de Bhallstát den Aontas.

Is gá an aois vótála do thoghcháin Pharlaimint na hEorpa a bheith bainte amach agat. 

Is é sin 18 mbliana d’aois i bhformhór na mBallstát, seachas: 

• sa Bheilg, san Ostair agus i Málta, áit ar 16 bliana d’aois an aois vótála 

• sa Ghréig, áit ar 17 mbliana d’aois an aois vótála. 

NÍ GÁ.

Ní gá ach an aois vótála do thoghcháin Pharlaimint na hEorpa a bheith bainte amach agat (féach an cheist roimhe seo).

TÁ.

Ach ní féidir iad a áireamh ar an líon íosta daoine a bhfuil cónaí orthu i seacht mBallstát éagsúla (agus ní féidir iad a bheith ar an liosta sin nuair a dhéantar d’iarraidh ar chlárú a thíolacadh).

Is iad na daoine teagmhála – an t-ionadaí agus an t-ionadaí malartach – atá údaraithe labhairt agus gníomhú thar ceann na n-eagraithe.

Is féidir leo a bheith i measc an tseachtar comhaltaí den ghrúpa a bhfuil cónaí orthu i seacht dtír éagsúla nó féadfaidh sé gur beirt chomhaltaí eile den ghrúpa iad.

Déanann siad idirchaidreamh idir an grúpa agus an Coimisiún, go háirithe trí bhainistiú a dhéanamh ar gach tionscnamh a thíolactar don Choimisiún.

Tá rochtain acu beirt ar an gcuntas d’eagraithe agus faigheann siad gach comhfhreagras ón gCoimisiún.

Agus iarraidh ar chlárú á déanamh ag ionadaí an ghrúpa d’eagraithe, is gá dó doiciméid a uaslódáil ina bhfuil ainmneacha iomlána, seoltaí poist agus náisiúntachtaí an tseachtar comhaltaí den ghrúpa a bhfuil cónaí orthu i seacht dtír éagsúla den Aontas. 

Is gá na doiciméid chéanna a sholáthar freisin i gcás na ndaoine teagmhála (an t-ionadaí agus an t-ionadaí malartach), mura duine den seachtar comhaltaí sin iad. 

Déanfaidh an Coimisiún na doiciméid sin a sheiceáil agus féadfaidh sé go n-iarrfaidh an Coimisiún ar an ionadaí breis eolais a sholáthar.  

Rud tábhachtach:  d’fhéadfadh sé nach leor doiciméad aitheantais mar chruthúnas ar an tír chónaithe. Ba cheart na doiciméid tacaíochta lena gcruthaítear an tír chónaithe a bheith chomh déanaí agus is féidir agus gan a bheith níos sine ná bliain d’aois más féidir (e.g. billí fóntais lena léirítear an áit chónaithe reatha).  

IS FÉIDIR.

Má dhéantar athruithe ar an ngrúpa, is gá duit (an t-ionadaí nó an t-ionadaí malartach) an cuntas d’eagraithe atá agat a úsáid chun na hathruithe a chur in iúl don Choimisiún.

I gcás ina ndéanfaidh na hathruithe difear do líon íosta chomhaltaí an ghrúpa a bhfuil cónaí orthu i seacht dtír éagsúla, is gá duit na doiciméid riachtanacha a sholáthar lena dtaispeántar go bhfuil na ceanglais i dtaca le náisiúntacht, aois agus áit chónaithe á gcomhlíonadh ag do ghrúpa go fóill.

Chomh maith leis sin, is gá duit foirmeacha na ráiteas tacaíochta a athrú le go léireofar na hathruithe sin.

Taispeánfar ainmneacha chomhaltaí nua an ghrúpa sa chlár ar líne. Beidh ainmneacha iarchomhaltaí an ghrúpa fós le feiceáil sa chlár le linn an nós imeachta (féadfaidh na húdaráis ábhartha seiceáil a dhéanamh ansin ar bhailíocht na sínithe a bailíodh agus a tíolacadh dóibh lena bhfíorú).

IS FÉIDIR.

Níl aon chosc air sin sna rialacha.

NÍ GÁ.

Is féidir eintiteas dlíthiúil a bhunú ach níl sé riachtanach.

Má bhunaítear eintiteas dlíthiúil, is é a bheidh i gceannas go dlíthiúil ar an tionscnamh a bhainistiú.

TÁ.

Aon eintiteas dlíthiúil a dhéanann bainistíocht ar thionscnamh, is gá é a bhunú de réir dhlí náisiúnta na tíre ina bhfuil sé cláraithe. Is gá doiciméid a sholáthar lena gcruthaítear gur cláraíodh é go sonrach chun an tionscnamh a bhainistiú agus go bhfuil an t-ionadaí údaraithe gníomhú thar a cheann.

• teideal an tionscnaimh (100 carachtar ar a mhéad, gan spásanna) 
• cuspóirí an tionscnaimh (1,100 carachtar ar a mhéad, gan spásanna) 
• na hairteagail sna Conarthaí a mheasann sibh, mar eagraithe, a bheith ábhartha don tionscnamh atá beartaithe 
• ainmneacha iomlána, seoltaí poist, náisiúntachtaí agus dátaí breithe an tseachtar comhaltaí den ghrúpa a bhfuil cónaí orthu i seacht dtír éagsúla den Aontas  
• na sonraí pearsanta céanna sin don ionadaí agus don ionadaí malartach, mar aon lena seoltaí ríomhphoist agus uimhreacha gutháin 

Is féidir leis an ionadaí agus leis an ionadaí malartach a bheith i measc an tseachtar comhaltaí den ghrúpa atá luaite thuas (iad sin a bhfuil cónaí orthu i seacht dtír éagsúla) nó féadfaidh sé gur comhaltaí eile den ghrúpa iad. 

• doiciméid lena gcruthaítear ainmneacha iomlána, seoltaí poist, náisiúntachtaí agus dátaí breithe gach duine den seachtar comhaltaí den ghrúpa agus den ionadaí agus den ionadaí malartach, mura bhfuil siad i measc na seachtar comhaltaí den ghrúpa (féach freisin na Ceisteanna Coitianta ‘Mar eagraí, conas is féidir liom a chruthú go bhfuil na ceanglais a leagtar amach sna rialacha á gcomhlíonadh agam?’) 
• ainmneacha chomhaltaí eile an ghrúpa 
• gach foinse cistithe agus tacaíochta (atá ar eolas tráth an chláraithe) dar luach os cionn €500 in aghaidh an urra 
• más ábhartha, doiciméid lena gcruthaítear (i) gur bunaíodh eintiteas dlíthiúil chun an tionscnamh a bhainistiú agus (ii) go bhfuil ionadaí an ghrúpa údaraithe gníomhú thar ceann an eintitis. 

Is féidir an méid seo a leanas a sholáthar chomh maith: 

• iarscríbhinn ina gcuirtear ar fáil tuilleadh sonraí cúlra faoi chuspóirí an tionscnaimh (5,000 carachtar ar a mhéad, gan spásanna) atá le líonadh isteach ar líne 
• eolas breise, dréachtghníomh dlí, mar shampla (atá le huaslódáil – 5 MB ar a mhéad) 
• seoladh an tsuímh gréasáin ar a bhfuil do thionscnamh á óstáil (más ann dó). 

Déanfaidh an Coimisiún do thionscnamh a chlárú más rud é:

• go bhfuil an grúpa d’eagraithe curtha ar bun agus go bhfuil na daoine teagmhála ainmnithe
• gur cuireadh an t-eintiteas dlíthiúil ar bun go sonrach (más rud é go bhfuil eintiteas dlíthiúil le cur ar bun) chun an tionscnamh a bhainistiú agus go bhfuil an t-ionadaí údaraithe gníomhú thar a cheann
• go mbaineann an tionscnamh le saincheist a bhfuil sé de chumhacht ag an gCoimisiúndlí de chuid an Aontais a mholadh ina leith
• nach bhfuil an tionscnamh míchuí, suaibhreosach ná cráiteach
• go bhfuil an tionscnamh i gcomhréir le (i) luachanna an Aontais, mar a leagtar amach iad in Airteagal 2 den Chonradh ar an Aontas Eorpach agus le (ii) na cearta a leagtar síos i gCairt um Chearta Bunúsacha an Aontais Eorpaigh.

NÍL.

Spás neamhfhoirmiúil atá san Fhóram ar ar féidir le heagraithe (ionchasacha) a smaointe le haghaidh tionscnamh a phlé, comhairle a fháil agus teacht ar dhaoine le dul i gcomhar leo.

Chun do thionscnamh a chlárú agus chun tús a chur le sínithe a bhailiú, is gá duit iarraidh fhoirmiúil ar chlárú a thíolacadh don Choimisiún ar dtús.

Cuirfear cinneadh an Choimisiúin in iúl duit laistigh de 2 mhí tar éis duit an iarraidh a dhéanamh.

Eisceacht

Más rud é go bhfuil gach ceanglas comhlíonta ag do thionscnamh ach nach bhfuil sé i réimse a bhfuil cumhachtaí ag an gCoimisiún ina leith, gheobhaidh do ghrúpa freagra laistigh de 1 mhí amháin, agus tabharfar deis daoibh an togra a athrú dá réir.

Ina dhiaidh sin beidh 2 mhí ar a mhéad agat chun an leagan nuashonraithe a sheoladh chuig an gCoimisiún (nó d’fhéadfá cinneadh a dhéanamh gan leanúint leis an tionscnamh).

Dá gcinnfeá ar leagan nuashonraithe a sheoladh, dhéanfadh an Coimisiún cinneadh deiridh laistigh de 1 mhí amháin tar éis dó é a fháil. Bheadh ceann amháin de na 3 ní seo a leanas i gceist leis an gcinneadh sin:

• an leagan iomlán den tionscnamh a chlárú
• an tionscnamh a chlárú i bpáirt
• diúltú an tionscnamh a chlárú.

I gcásanna den chineál sin, d’fhéadfadh sé go dtógfadh an nós imeachta clárúcháin ar fad suas le 4 mhí.

Déantar tionscnamh a chlárú i bpáirt i gcás nach bhfuil gach ceann de na cuspóirí faoi chumhachtaí an Choimisiúin dlí de chuid an Aontais a mholadh.  

I gcás tionscnamh a cláraíodh i bpáirt, féadfar ráitis tacaíochta a bhailiú do na páirteanna den tionscnamh atá cláraithe, agus dóibh sin amháin. Má fhaigheann an tionscnamh 1 mhilliún síniú ar a laghad agus má dhéantar é a thíolacadh don Choimisiúin, ní scrúdóidh an Coimisiún ach na páirteanna den tionscnamh atá cláraithe. 

Ní luaitear ach na cuspóirí cláraithe ar an gcóras bailiúcháin ar líne agus ar na foirmeacha ráitis tacaíochta ar pháipéar.  

Sa chinneadh maidir le clárú i gclár ar líne an Choimisiúin, tá eolas le fáil faoi na páirteanna den tionscnamh a cláraíodh.  

Ní mór don ghrúpa d’eagraithe sínitheoirí a chur ar an eolas freisin faoi raon feidhme an chlárúcháin ar a suíomhanna gréasáin feachtasaíochta féin nó ar mhodhanna eile a úsáideann chun an tionscnamh a chur chun cinn. 

Seo a leanas an t-aon eolas a fhoilseofar:

• an cur síos ar an tionscnamh (an teideal, na cuspóirí agus aon eolas eile a sholáthraítear)
• ainmneacha iomlána chomhaltaí an ghrúpa d’eagraithe agus seoltaí ríomhphoist na ndaoine teagmhála (an t-ionadaí agus an t-ionadaí malartach)
• tír chónaithe an ionadaí nó (más rud é gur cuireadh eintiteas dlíthiúil ar bun leis an tionscnamh a bhainistiú) ainm an eintitis agus an tír ina bhfuil sé bunaithe
• eolas faoi na foinsí cistithe agus tacaíochta.

Tá tuilleadh eolais faoi chosaint sonraí le fáil sa ráiteas príobháideachais.

Is féidir leat aon cheann de 24 theanga oifigiúla an Aontais Eorpaigh a úsáid.

FOILSÍTEAR.

Is é an Coimisiún a aistríonn teideal, cuspóirí agus iarscríbhinn an tionscnaimh go gach teanga oifigiúil de chuid an Aontais agus foilsíonn sé iad ar a chlár poiblí.

Dá mba mhian leat aon rud eile (dréachtghníomh dlí, mar shampla) a aistriú, is tú féin, i do cháil mar eagraí, atá freagrach as sin. Ina dhiaidh sin chuirfeadh an Coimisiún na haistriúcháin bhreise sin leis na cinn eile sa chlár poiblí.

IS FÉIDIR.

Is ar fhorais dlí atá an cinneadh bunaithe, rud a fhágann gur féidir agóid a dhéanamh ina choinne. Leagfaidh an Coimisiún amach na fáthanna lena chinneadh agus míneoidh sé cad iad na leigheasanna dlí atá ar fáil duit nó cad iad na réitigh mhalartacha atá ar fáil lasmuigh den chúirt.

Áirítear orthu sin imeachtaí a thionscnamh os comhair Chúirt Bhreithiúnais an Aontais Eorpaigh nó gearán a dhéanamh leis an Ombudsman Eorpach (chun gearán a dhéanamh faoi dhrochriarachán).

Is féidir leat breathnú ar thaifead an Choimisiúin de na tionscnaimh a dhiúltaigh sé a chlárú roimhe.

IS FÉIDIR.

Is féidir leat tionscnamh a tharraingt siar tráth ar bith sula dtíolacfar don Choimisiún é (i.e. tar éis na sínithe uile a bheith bailithe agus deimhnithe).

Agus tionscnamh tarraingthe siar agat, ní féidir é a oscailt arís agus beidh na sínithe uile ar neamhní go hiomlán.

Beidh tú in ann breathnú air go fóill, áfach, i measc na dtionscnamh atá sa chartlann.

Is féidir leat an dáta a thosófar ar bhailiú na sínithe a roghnú – ach is gá gur dáta é nach déanaí ná 6 mhí tar éis do thionscnamh a chlárú.

Is gá duit an dáta tosaithe atá roghnaithe agat a chur in iúl don Choimisiún 10 lá oibre roimh an dáta sin. Ina dhiaidh sin foilseoimid dáta tosaithe agus dáta deiridh na tréimhse bailiúcháin inár gclár ar líne.

IS FÉIDIR.

Bliain amháin ar a mhéad, sin an tréimhse atá agat chun sínithe a bhailiú. Is féidir leat an bailiú a stopadh tráth ar bith má tá tú cinnte go bhfuil an líon íosta sínithe bainte amach agat (1 mhilliún síniú san iomlán ar a laghad, agus na líonta íosta bainte amach i seacht mBallstát ar a laghad)

Is í an chéad chéim eile atá le déanamh agat ina dhiaidh sin na sínithe a thíolacadh do na húdaráis náisiúnta inniúla lena bhfíorú.

NÍ FÉIDIR.

Chun sínithe a bhailiú, is gá duit foirmeacha ar leith a úsáid atá i gcomhréir leis na samhlacha a leagtar amach in Iarscríbhinn III den Rialachán maidir leis an Tionscnamh Eorpach ó na Saoránaigh agus ina bhfuil an t-eolas riachtanach uile faoin tionscnamh, mar atá foilsithe ar an suíomh gréasáin seo.

Ina theannta sin, braitheann na sonraí is gá do na sínitheoirí a sholáthar ar an tír arb as dóibh.

Lena chinntiú go bhfuil na foirmeacha cearta agat, is féidir leat foirmeacha réamhlíonta a íoslódáil ón gcuntas d'eagraithe ar an suíomh gréasáin seo. Tá na sonraí ábhartha faoi do thionscnamh ar na foirmeacha sin cheana féin.

NÍ FÉIDIR.

Ní mór duit foirmeacha ar leith a úsáid, ag brath ar náisiúntacht na sínitheoirí. Ciallaíonn sé sin gur gá gur náisiúnaigh den aon Bhallstát amháin iad na sínitheoirí uile atá ar an aon fhoirm amháin.

An tír chuig a gcuirfear an fhoirm leis na sínithe a fhíorú, ní mór duit an tír sin a léiriú ar gach foirm ar dtús. Ní féidir ach le náisiúnaigh den tír sin an fhoirm sin a úsáid.

Is féidir leat sínithe a bhailiú in aon cheann de theangacha oifigiúla an Aontais, beag beann ar náisiúntacht.

NÍ FÉIDIR. 

Mar eagraí, ní mór duit lárchóras bailithe ar líne an Choimisiúin a úsáid chun sínithe a bhailiú ar líne. 

NÍL.

Is córas réamhdhéanta saor in aisce é an córas sin. Agus tá na ceanglais theicniúla agus slándála á gcomhlíonadh aige cheana féin.

Níl le déanamh agat ach comhaontú a shíniú le go mbeidh tú i do chomhrialaitheoir sonraí, in éineacht leis an gCoimisiún. 

Beidh tú in ann tosú ar shínithe a bhailiú ansin, 10 lá tar éis duit dáta tosaithe na tréimhse bailiúcháin a chur in iúl don Choimisiún.

Is gá sin a dhéanamh lena chinntiú go bhfuil tacaíocht ag tionscnamh i measc réimse leathan náisiúntachtaí.

Tuilleadh eolais faoi líon íosta na sínithe in aghaidh na tíre.

NÍ CHIALLAÍONN.

Cuirfear gach síniú a bhailítear san áireamh i líon iomlán na sínithe chun an sprioc 1 mhilliún síniú a bhaint amach.

Is gá duit ráiteas tacaíochta a líonadh isteach agus a shíniú, ar pháipéar nó ar líne.

Tionscnaimh is féidir a shíniú faoi láthair.

Athraíonn an t-eolas sin ó thír go tír.

I gcás náisiúnaigh uile an Aontais, ní mór an t-eolas seo a leanas a sholáthar: céadainm agus sloinne iomlán; agus, ag brath ar an tír:

cibé acu

A. seoladh poist iomlán agus dáta breithe

 
(i gcás náisiúnaigh na dtíortha seo: an Danmhairg, Éire, an Fhionlainn, an Fhrainc, an Ghearmáin, an Ghréig, an Ísiltír, Lucsamburg agus an tSlóvaic)

nó

B. uimhir aitheantais phearsanta agus cineál uimhreach/doiciméid

 
(i gcás náisiúnaigh na dtíortha seo: an Bheilg, an Bhulgáir, an Chipir, an Chróit, an Eastóin, an Iodáil, an Laitvia, an Liotuáin, Málta, an Ostair, an Pholainn, an Phortaingéil, an Rómáin, an tSeicia, an tSlóivéin, an Spáinn, an tSualainn agus an Ungáir).

Chomh maith leis sin, féadfaidh roinnt náisiúnaigh den Aontas ríomh-shainaitheantas a úsáid chun tacú le tionscnamh.

Ceanglais sonraí in aghaidh na tíre

Nuair a bheidh an líon sínithe is gá bainte amach ag tionscnamh, déanfaidh na húdaráis i ngach tír na sonraí atá bailithe a fhíorú. Aon ráiteas tacaíochta ina bhfuil sonraí earráideacha, ní mheasfar é a bheith bailí.

Ní mór an aois cheart a bheith sroichte agat chun vóta a chaitheamh i dtoghcháin Pharlaimint na hEorpa (18 mbliana d’aois i bhformhór thíortha an Aontais). I dtíortha áirithe, íslíodh an aois íosta chun tacú le tionscnaimh Eorpacha ó na saoránaigh go dtí 16 bliana d’aois. Féach an tábla iomlán.

NÍ GÁ.

Ní gá ach an aois vótála do thoghcháin Pharlaimint na hEorpa a bheith bainte amach agat nó ní gá duit ach a bheith ar a laghad 16 bliana d’aois i gcás na dtíortha a bhfuil cinneadh déanta acu tacaíocht a cheadú ó dhaoine a bhfuil an aois sin acu (féach an cheist roimhe seo).

NÍ FÉIDIR.

Ní féidir ach le náisiúnaigh den Aontas (is é sin náisiúnaigh de Bhallstát den Aontas) tacú leis na tionscnaimh Eorpacha ó na saoránaigh.

I dtír do náisiúntachta.

Mar shampla, más Liotuánach thú atá i do chónaí in Éirinn, is sa Liotuáin a chuirfear do shíniú san áireamh.

Má tá dénáisiúntacht agat, níl le déanamh agat ach ceann amháin de na náisiúntachtaí atá agat a roghnú agus foirm amháin a líonadh isteach. Ní féidir leat tacú le tionscnamh ach uair amháin.

IS FÉIDIR.

Agus an tionscnamh á shíniú agat, roghnaigh tír do náisiúntachta. Is sa tír sin a chuirfear do shíniú san áireamh.

TÁ.

Ní mór duit iad a thíolacadh laistigh de 3 mhí ó dheireadh na tréimhse bailiúcháin.

Déanann údaráis ainmnithe i ngach Ballstát seiceálacha chun líon na ráiteas tacaíochta a bailíodh a dheimhniú.

Tá 3 mhí ar mhéad acu chun sin a dhéanamh. Féadfaidh sé go mbunófar na seiceálacha sin ar shampláil randamach.

Dhá rogha atá ann:  

- D’fhéadfadh na heagraithe a chinneadh na ráiteas tacaíochta a bailíodh ar páipéir a thíolacadh trína n-acmhainn féin a úsáid. D’fhéadfaí ráitis tacaíochta a bailíodh ar páipéar a thíolacadh ar páipéar nó d’fhéadfaí iad a scanadh agus a thíolacadh trí tharchur leictreonach nó go fisiciúil mar DVD, cuir i gcás. Más i bhfoirm fhisiciúil a thíolactar na ráitis tacaíochta (ar páipéar nó mar DVD) is gá sin a dhéanamh ar bhealach slán freisin, e.g. iad a chur tríd an bpost cláraithe nó iad a sheachadadh le cúiréir. Ní mór duit na rialacha ábhartha uile maidir le cosaint sonraí a chomhlíonadh i gcónaí. 

- Ní mór do na heagraithe an Coimisiún a chur ar an eolas cibé ar mian leo ráitis tacaíochta a bailíodh ar páipéar a uaslódáil trí úsáid a bhaint as seirbhís malartaithe comhad an Choimisiúin. Is féidir leaganacha scanta de na foirmeacha a uaslódáil i bhfoirm chriptithe. Beidh ort gach ráiteas tacaíochta a bailíodh ar pháipéar a uaslódáil laistigh de 2 mhí ó dheireadh na tréimhse bailiúcháin agus ansin, nuair a bheidh sé sin déanta, an Coimisiún a chur ar an eolas faoi. 

Seolann an Coimisiún na sínithe a bailíodh ag baint úsáid as a lárchóras bailithe ar líne chuig na Ballstáit trína sheirbhís malartaithe comhad. Is córas é seo lenar féidir ráitis tacaíochta a aistriú go sábháilte chuig na Ballstáit. Seoltar an t-eolas i bhfoirm chriptithe agus ní féidir ach leis an údarás inniúil lena mbaineann í a dhíchriptiú.  

Is córas é an tseirbhís malartaithe comhad lenar féidir ráitis tacaíochta a aistriú go sábháilte chuig na húdaráis náisiúnta inniúla.  

Seoltar an t-eolas i bhfoirm chriptithe agus ní féidir ach leis an údarás inniúil lena mbaineann í a dhíchriptiú.  

Is féidir leat úsáid a bhaint as an modh sásaimh atá ar fáil i do thír féin – trí údaráis bhreithiúnacha nó riaracháin náisiúnta (ombudsmain náisiúnta nó réigiúnacha san áireamh), mar shampla.

Ina theannta sin, is féidir leat gearán a dhéanamh leis an gCoimisiún i dtaca le sárú ar dhlí an Aontais.

TÁ.

Tá 3 mhí agat chun sin a dhéanamh, ón dáta a fuair tú an deimhniú deireanach ó na húdaráis inniúla náisiúnta.

NÍ GÁ.

Níl le seoladh agat ach an fhoirm thíolactha tríd an gcuntas d’eagraithe, mar aon le cóipeanna de gach deimhniú a fuair tú ó na húdaráis náisiúnta lena ndearbhaítear gur bhailigh tú an líon íosta sínithe.

Reáchtálfar an cruinniú laistigh de 1 mhí amháin ón dáta a thíolaic na heagraithe an tionscnamh.

Le linn an chruinnithe déanfar plé struchtúrtha ar ábhar an tionscnaimh, lena chinntiú go bhfuil tuiscint shoiléir ag an gCoimisiún ar na cuspóirí (agus ar aon soiléiriú is gá), sula ndéanfaidh sé a fhreagra a ullmhú.

NÍ GÁ.

Nuair a bheidh do thionscnamh tíolactha agat, cuirfidh an Coimisiún sin in iúl don Pharlaimint. Rachaidh an Pharlaimint i dteagmháil leat ina dhiaidh sin chun an éisteacht a eagrú.

Chomh maith le Parlaimint na hEorpa a chur ar an eolas, cuirfidh an Coimisiún Comhairle an Aontais Eorpaigh, Coiste Eacnamaíoch agus Sóisialta na hEorpa, Coiste na Réigiún agus gach parlaimint náisiúnta san Aontas ar an eolas freisin.

TÁ.

6 mhí ón dáta a tíolacadh an tionscnamh.

Déanfaidh an Coimisiún teachtaireacht a eisiúint ina gcuirfidh sé in iúl na bearta atá sé i gceist aige a dhéanamh, más ann dóibh, chomh maith le réasúnú agus amlíne maidir leis na bearta a chur chun feidhme.

Foilseofar an teachtaireacht ar an suíomh gréasáin seo i ngach ceann de theangacha oifigiúla an Aontais.

Cuirfidh an Coimisiún Parlaimint na hEorpa, Comhairle an Aontais Eorpaigh, Coiste Eacnamaíoch agus Sóisialta na hEorpa, Coiste na Réigiún agus gach parlaimint náisiúnta san Aontas ar an eolas freisin.

NÍL.

Is é is aidhm don Tionscnamh Eorpach ó na Saoránaigh é a chur ar a gcumas do mhuintir na hEorpa díospóireacht a thosú agus dul i bhfeidhm ar chlár oibre an Aontais trí iarraidh ar an gCoimisiún reachtaíocht a mholadh.

Chun dualgas a chur ar an gCoimisiún reachtaíocht a mholadh, ba ghá athbhreithniú a dhéanamh ar an gConradh.

Is gá don togra ón gCoimisiún an nós imeachta reachtach ábhartha a leanúint.

Ciallaíonn sé sin go mbeidh ar Pharlaimint na hEorpa agus ar Chomhairle an Aontais Eorpaigh, nó i gcásanna áirithe go mbeidh ar an gComhairle amháin, é a scrúdú agus a ghlacadh chun dlí a dhéanamh de.

NÍL.

Murab ionann agus an diúltú tionscnamh a chlárú, tá an cinneadh seo bunaithe ar anailís an Choimisiúin ar shubstaint an tionscnaimh agus níl sé faoi réir nós imeachta achomhairc.

Is uirlis í an Tionscnamh ó na saoránaigh a thugann deis do shaoránaigh tionchar a bheith acu ar chlár oibre an Choimisiúin agus a chuireann dualgas ar an gCoimisiún machnamh cúramach a dhéanamh ar iarrataí ó shaoránaigh na hEorpa. Níl dualgas ar an gCoimisiún gníomhú orthu, áfach.

Má chinneann an Coimisiún gan gníomhú, tabharfaidh sé míniú soiléir ar na cúiseanna.

IS GÁ.

Ní mór duit eolas a sholáthar faoi gach cistiú atá os cionn €500 in aghaidh an urra.

Ní mór duit an t-eolas sin a sholáthar nuair atá an iarraidh ar chlárú á déanamh agat agus ansin ní mór duit an t-eolas a nuashonrú gach 2 mhí ar a laghad.

Chomh maith leis sin, is gá duit eolas a sholáthar faoi aon tacaíocht neamh-airgeadais a tairgeadh do do thionscnamh agus a fuarthas.

Foilseoimid na sonraí faoin tacaíocht agus faoi na hurraí inár gclár ar líne. 

Déanann tú gach foinse tacaíochta agus maoinithe a dhearbhú i do chuntas d’eagraithe, is é sin an cuntas a d’úsáid tú chun do thionscnamh a chlárú. 

Gheobhaidh tú meabhrúchán uathoibríoch i do chuntas d’eagraithe chun an t-eolas maidir le maoiniú agus tacaíocht a nuashonrú gach 2 mhí.

Is daoine nó eagraíochtaí iad urraitheoirí a chuireann tacaíocht airgeadais os cionn €500 ar fáil. 

Daoine dlítheanacha nó eagraíochtaí a chuireann tacaíocht ar fáil do thionscnamh a bhfuil cainníocht eacnamaíoch eile aici (tabhartais chomhchineáil), nó tacaíocht nach bhfuil cainníocht eacnamaíocht aici, meastar gur urraitheoirí iad freisin.

Daoine aonair a chuireann tacaíocht neamhairgeadais ar fáil, cuir i gcás daoine a dhéanann obair dheonach, ní mheastar gur urraitheoirí iad faoin Rialachán maidir leis an Tionscnamh Eorpach ó na Saoránaigh agus ní gá iad a thuairisciú. 

Mura bhfuil tú cinnte ar cheart an tacaíocht atá á fáil agat a thuairisciú, déan teagmháil leis an tseirbhís ‘Faigh Comhairle’ de chuid Fhóram an Tionscnaimh Eorpaigh ó na Saoránaigh.

NÍL.

Thiocfadh sé sin salach ar an bprionsabal atá ann go bhfuil na tionscnaimh ó na saoránaigh neamhspleách agus go bhfuil an Coimisiún neodrach.

Mar sin féin, cuireann an Coimisiún tacaíocht neamh-airgeadais ar fáil lena sheirbhísí aistriúcháin saor in aisce agus lena chóras bailithe sínithe ar líne saor in aisce.

Tá tacaíocht bhreise – i bhfoirm comhairle agus treorach – le fáil ar Fhóram an Tionscnaimh Eorpaigh ó na Saoránaigh.

IS FÉIDIR.

Más mian leat foláirimh a spreagadh nó gearáin a dhéanamh faoi na hurraí agus faoin tacaíocht a dearbhaíodh maidir le tionscnamh ar leith (e.g. má chreideann tú go bhfuil an t-eolas a foilsíodh mícheart nó neamhiomlán), úsáid an fhoirm theagmhála atá ar fáil ar leathanach an tionscnaimh.

Chun go mbeimid in ann gníomhú ar do ghearán, beidh ort fianaise a sholáthar ina leith.

Déanfaimid teagmháil le heagraithe an tionscnaimh chun na fíricí a shuí agus iarrfaimid orthu aon eolas míchruinn faoin gcistiú nó faoin tacaíocht a réiteach.

NÍ FÉIDIR.

Tá dualgas ar an gCoimisiún a bheith neodrach i leith gach tionscnamh atá fós ar oscailt.

Mar sin féin, eagraíonn an Coimisiún feachtais ghinearálta phoiblíochta agus eolais chun feasacht an phobail a mhúscailt faoin Tionscnamh Eorpach ó na Saoránaigh agus chun iad a chur ar an eolas gur bealach é le páirt a ghlacadh sa phróiseas ceaptha beartas.

Is féidir leat cuairt a thabhairt ar an suíomh gréasáin seo chun eolas a fháil faoi na forbairtí is déanaí sa Tionscnamh Eorpach ó na saoránaigh ar an iomlán agus freisin faoi thionscnaimh ar leith, nó chun liostáil lenár nuachtlitir. 

Ina theannta sin, nuair a thacaíonn tú le tionscnamh trí lárchóras an Choimisiúin, is féidir leat liostáil le nuashonruithe sonracha faoi thionscnaimh a fháil ó na heagraithe agus ón gCoimisiún.

IS FÉIDIR.

Is féidir leat seoltaí ríomhphoist na sínitheoirí a bhailiú le haghaidh cumarsáide agus faisnéise ar an gcoinníoll:

• go dtugann siad a dtoiliú
• go gcomhlíonann tú na rialacha ábhartha maidir le cosaint sonraí.

IS EA.

Le dlí an Aontais tugtar údarás do na heagraithe eolas sonrach fút a bhailiú, ar pháipéar nó ar líne, agus an t-eolas sin a chur in iúl do na húdaráis inniúla atá i gceannas ar fhíorú na tacaíochta a bailíodh.

Is dualgas dlíthiúil ar na heagraithe é seo: gan eolas faoi na sínitheoirí, ní thabharfar aitheantas don tacaíocht dá dtionscnamh.

Na sonraí pearsanta uile a phróiseáiltear chun críche tionscnaimh, tá siad faoi réir na reachtaíochta maidir le cosaint sonraí. 

Maidir leis na sonraí pearsanta a phróiseálann siad, ní mór d’ionadaithe na ngrúpaí eagraithe an Rialachán Ginearálta maidir le Cosaint Sonraí (RGCS) agus an reachtaíocht náisiúnta ábhartha um chosaint sonraí a chomhlíonadh.  

Maidir leis na sonraí pearsanta a phróiseálann sé, ní mór don Choimisiún Eorpach an Rialachán maidir le daoine nádúrtha a chosaint i ndáil le sonraí pearsanta a phróiseáil ag institiúidí an Aontais (EUDPR) a chomhlíonadh.

Maidir leis na sonraí pearsanta a phróiseálann siad agus na ráitis tacaíochta á bhfíorú, tá na Ballstáit faoi réir RGCS agus na rialacha náisiúnta ábhartha maidir le cosaint sonraí.  

Tuilleadh eolais faoi chosaint sonraí  

Tuilleadh eolais faoin mbeartas príobháideachais 

Tugann lárchóras bailithe ar líne an Choimisiúin an leibhéal slándála is airde d’úsáideoirí (criptiú sonraí san áireamh) i gcomhréir lena rialacha maidir le córais shlána chumarsáide agus faisnéise. Is féidir le saoránaigh tacú le tionscnaimh ar an gcóras freisin trí úsáid a bhaint as a ríomh-shainaitheantas (eID) náisiúnta. 

Ní féidir leat na sonraí a bhailítear ar fhoirm oifigiúil na ráiteas tacaíochta a choinneáil: ní féidir úsáid a bhaint astu sin ach chun tacú le do thionscnamh.

Mar sin féin, is féidir leat sonraí teagmhála na sínitheoirí a iarraidh go sonrach orthu – faoi réir a dtoilithe – le haghaidh cumarsáide agus faisnéise.

Le haghaidh tuilleadh sonraí, féach an Treoir maidir le cosaint sonraí d’eagraithe.

Is é an rialaitheoir sonraí:

• ionadaí an ghrúpa d’eagraithe, nó
• an t-eintiteas dlíthiúil, má cuireadh ceann ar bun leis an tionscnamh a bhainistiú.

Baineann an ról sin le próiseáil sonraí pearsanta (seoltaí ríomhphoist san áireamh) a bailíodh ó dhaoine aonair le linn sínithe a bheith á mbailiú.

Comhroinntear ról an rialaitheora sonraí leis an gCoimisiún más rud é go mbaineann tionscnamh úsáid as:

• córas an Choimisiúin chun sínithe agus seoltaí ríomhphoist a bhailiú
• seirbhís malartaithe comhad an Choimisiúin chun sínithe a aistriú chuig Ballstáit.

Tá ról an rialaitheora sonraí ag na húdaráis náisiúnta freisin le linn dóibh a bheith ag fíorú sínithe.

Le haghaidh tuilleadh sonraí, féach an Treoir maidir le cosaint sonraí d’eagraithe.

Tá rialacha sonracha leagtha síos sa Rialachán maidir leis an Tionscnamh Eorpach ó na Saoránaigh – féach Airteagal 19. 

I dtaca le gach gné eile, is faoi réir rialacha an Rialacháin Ghinearálta maidir le Cosaint Sonraí atá na heagraithe agus na húdaráis inniúla sna Ballstáit. 

Le linn don Choimisiún a bheith ag gníomhú mar chomhrialaitheoir, is le Rialachán (AE) 2018/1725 a rialaítear a chuid beart.

Le haghaidh tuilleadh sonraí, féach an Treoir maidir le cosaint sonraí d’eagraithe.

Ráitis tacaíochta:

Ní mór duitse (an t-eagraí) agus don Choimisiún gach ráiteas tacaíochta a síníodh ar son do thionscnaimh (agus gach cóip díobh) a scriosadh faoi cibé dáta is túisce acu seo a leanas:

• 1 mhí amháin tar éis duit an tionscnamh a thíolacadh don Choimisiún
• 21 mhí tar éis thús na tréimhse bailiúcháin.

Má tharraingíonn tú siar do thionscnamh tar éis thús na tréimhse bailiúcháin, áfach, ní mór na ráitis (agus gach cóip díobh) a scriosadh laistigh de 1 mhí amháin tar éis an tarraingt siar.

Na húdaráis náisiúnta a n-iarrfar orthu do ráitis a fhíorú, ní mór dóibh gach ráiteas (agus gach cóip díobh) a scriosadh laistigh de 3 mhí tar éis dóibh an próiseas sin a chur i gcrích.

Eisceacht – má tá tú páirteach in aon imeacht dlíthiúil nó riaracháin a bhaineann le do thionscnamh, féadfaidh tú na ráitis tacaíochta (agus na cóipeanna díobh) a choinneáil tar éis na dteorainneacha ama sin.

Seoltaí ríomhphoist:

Ní mór duit (an t-eagraí) agus don Choimisiún gach taifead de sheoltaí ríomhphoist a scriosadh faoi na teorainneacha ama seo a leanas:

• 1 mhí amháin tar éis an tionscnamh a bheith tarraingthe siar nó
• 12 mhí tar éis thús na tréimhse bailiúcháin nó
• 12 mhí tar éis an tionscnamh a bheith tíolactha don Choimisiún.

Más le teachtaireacht fhoirmiúil a thugann an Coimisiún freagra ar do thionscnamh, áfach, tiocfaidh deireadh leis an tréimhse coinneála le haghaidh seoltaí ríomhphoist 3 bliana tar éis an teachtaireacht sin a fhoilsiú.

Féach an Treoir maidir le cosaint sonraí d’eagraithe.