Éisteacht phoiblí maidir leis an tionscnamh ‘Minority Safepack – aon mhilliún síniú ar son na héagsúlachta san Eoraip’

Reáchtálfaidh Parlaimint na hEorpa éisteacht phoiblí maidir leis an gcúigiú tionscnamh rathúil de chuid an Tionscnaimh Eorpaigh ó na Saoránaigh dar teideal ‘Minority Safepack – aon mhilliún síniú ar son na héagsúlachta san Eoraip’ an 15 Deireadh Fómhair ó 9.00 go dtí 13.00. I ngeall ar shrianta COVID-19 atá ann faoi láthair, reáchtálfar an cruinniú ó chian le láithreacht fhisiceach theoranta sa seomra, ach déanfar é a shruthú ina iomláine ar líne don phobal.