L-idea tiegħek tista’ tkun tajba għall-inizjattiva taċ-ċittadini?

Biex ikollok idea jekk il-proposta tiegħek tistax tkun suġġett ta' inizjattiva taċ-ċittadini, jeħtieġlek tiċċekkja jekk tikkonċernax qasam ta' politika fejn l-UE għandha l-kompetenza u jekk il-Kummissjoni għandhiex is-setgħa li tissottometti proposta għal att legali f'dan il-qasam.

Fost l-informazzjoni meħtieġa biex tirreġistra l-inizjattiva tiegħek, trid tindika d-dispożizzjoni(jiet) tat-Trattat (artikolu jew referenza usa’) li tqis rilevanti għall-azzjoni li qed tipproponi.

Il-Kummissjoni għandha s-setgħa tipproponi att legali meta:

l-artikolu jirreferi għall-proċedura leġiżlattiva ("il-proċedura leġiżlattiva ordinarja" jew "il-proċedura leġiżlattiva speċjali"), ħlief f'każijiet speċifiċi fejn l-artikolu jipprovdi xort'oħra (i.e. isemmi speċifikament li istituzzjoni oħra minbarra l-Kummissjoni tista' tagħmel il-proposta)

JEW

l-artikolu jsemmi speċifikament li l-Kummissjoni hi responsabbli biex tagħmel proposta.
Pereżempju: “Il-Kunsill, fuq proposta tal-Kummissjoni [...]".

Għandek bżonn aktar informazzjoni?

Agħti daqqa t’għajn mill-viċin lejn is-setgħat tal-Kummissjoni
Iċċekkja l-ideat li kienu diġà s-suġġetti tal-inizjattivi reġistrati
Ikkonsulta t-tweġibiet negattivi mill-Kummissjoni għal inizjattivi proposti li ma kinux jikkonformaw mal-kundizzjonijiet għar-reġistrazzjoni
Żur il-Forum tal-Inizjattiva taċ-ċittadini Ewropej fejn tista’ ssib aktar gwida u itlob parir.

Oqsma ta' politika u Artikoli tat-Trattati relatati

Iċċekkja jekk l-idea tiegħek torbotx ma’ xi qasam jew aktar ta’ politika hawn taħt u aqra l-artikoli tat-Trattat korrispondenti biex tara jekk il-Kummissjoni għandhiex is-setgħa tissottometti proposta għal att legali f'dak il-qasam ta' politika

Oqsma ta' politika	L-Artikoli tat-Trattat (TFUE*, ħlief jekk ikun provdut xort'oħra)
L-agrikoltura u s-sajd	Artikoli 38 – 44
Baġit	Artikoli 310 – 324
Protezzjoni ċivili	Artikolu 196
Kompetizzjoni	Artikoli 101 – 109
Protezzjoni tal-konsumatur	Artikolu 169
Kultura	Artikolu 167
Dwana	Artikoli 30 – 33
Żvilupp u kooperazzjoni	Artikoli 208 – 213
Politiki ekonomiċi u monetarji	Artikoli 119 – 144
Edukazzjoni, taħriġ,żgħażagħ u sport	Artikoli 165 – 166
Impjiegi u affarijiet soċjali	Artikoli 145 – 161
Enerġija	Artikolu 194
Tkabbir	TUE* – Artikolu 49 Artikolu 212
Ambjent u azzjoni dwar il-klima	Artikoli 191 – 193
Kummerċ barrani	Artikoli 206 – 207
Ġlieda kontra l-frodi	Artikolu 325
Sikurezza alimentari	Artikoli 43, 168 – 169
Moviment liberu: Persuni Servizzi Kapital	Artikoli 45 – 55 Artikoli 56 – 62 Artikoli 63 – 66
Għajnuna umanitarja	Artikolu 214
Industrija u intrapriża	Artikolu 173
Soċjetà tal-informazzjoni	Artikoli 179 – 190
Suq intern u moviment liberu tal-prodotti	Artikoli 26– 29 , 114, 115
Ġustizzja, libertà u sigurtà Politiki dwar il-kontrolli mal-fruntieri, il-kenn u l-immigrazzjoni Kooperazzjoni ġudizzjarja Kooperazzjoni tal-Pulizija	Artikoli 67 – 89 Artikoli 77 – 80 Artikoli 81 – 86 Artikoli 87 – 89
Non-diskriminazzjoni u ċittadinanza	Artikoli 18 – 25
Saħħa pubblika	Artikolu 168
Poltika reġjonali – Koeżjoni ekonomika, soċjali u territorjali	Artikoli 174 – 178, Artikoli 162 – 164
Riċerka u innovazzjoni	Artikoli 179 – 190
Tassazzjoni	Artikoli 110 – 113
Turiżmu	Artikolu 195
Trasport	Artikoli 90 – 100

TFUE: It-Trattat dwar il-Funzjonament tal-Unjoni Ewropea - TUE = Trattat dwar l-Unjoni Ewropea

NB: Din il-lista tkopri l-oqsma ta' politika wesgħin stipulati fit-Trattati tal-UE u mhix lista eżawrjenti. Jekk jogħġobkom ikkonsultaw it-test sħiħ tat-Trattati għal iktar informazzjoni.

It-test hawn fuq hu intiż bħala gwida għall-organizzaturi tal-inizjattivi taċ-ċittadini. Ma jorbotx legalment lill-Kummissjoni Ewropea. Ma jiddikjarax li hi informazzjoni eżawrjenti u ma jirrappreżentax interpretazzjoni uffiċjali tat-test tat-Trattati.