Il-Kumitat Ekonomiku u Soċjali Ewropew (KESE) ser jorganizza dibattitu dwar l-inizjattiva taċ-ċittadini Ewropej ta’ suċċess “My Voice, My Choice: Għal Abort Sikur u Aċċessibbli” fis-sessjoni plenarja tiegħu nhar l-Erbgħa 21 ta’ Jannar 2026. Id-dibattitu huwa marbut mal-adozzjoni tal-Opinjoni tal-KESE dwar din l-inizjattiva.
Il-webstreaming huwa disponibbli.
Fil-5 ta’ Jannar, il-Kummissjoni Ewropea rreġistrat inizjattiva taċ-ċittadini Ewropej intitolata “Etika, Trasparenza u Integrità għall-Partiti Politiċi Ewropej”.
L-inizjattiva tistieden lill-Kummissjoni “tfassal mudell Ewropew ta’ governanza etika bbażat fuq it-trasparenza, l-integrità u r-responsabbiltà kondiviża”. L-organizzaturi tal-inizjattiva għandhom sitt xhur biex iniedu l-ġbir tal-firem.
Din hija l-ewwel inizjattiva rreġistrata fl-2026, u l-125 waħda mill-2012.
F’konformità mal-Artikolu 15 tar-Regolament dwar l-IĊE, l-organizzaturi ta’ “Projbizzjoni ta’ prattiki ta’ konverżjoni fl-Unjoni Ewropea” ngħataw l-opportunità jispjegaw l-objettivi tal-inizjattiva tagħhom fid-dettall. Dawn intlaqgħu fit-12 ta’ Diċembru 2025 mill-Kummissarju għall-Ugwaljanza Hadja Lahbib u mill-uffiċjali tal-Kummissjoni Ewropea.
Fit-3 ta’ Diċembru 2025, il-Kummissjoni Ewropea rreġistrat inizjattiva taċ-ċittadini Ewropej intitolata “Daqshekk standards doppji dwar id-drittijiet tal-bniedem”.
Hija titlob li titwaqqaf sorveljanza standardizzata għad-drittijiet tal-bniedem fl-oqsma kollha ta’ kompetenza tal-Kummissjoni fl-azzjoni esterna tagħha ma’ pajjiżi terzi”.
L-organizzaturi tal-inizjattiva għandhom sitt xhur biex iniedu l-ġbir tal-firem.
Fit-2 ta’ Diċembru, il-Parlament Ewropew se jżomm seduta ta’ smigħ pubblika dwar it-12-il Inizjattiva taċ-Ċittadini Ewropej ta’ suċċess “Il-Vuċi Tiegħi, l-Għażla Tiegħi: Għal Abort Sikur u Aċċessibbli”. L-organizzaturi ġew mistiedna jippreżentaw l-objettivi tal-inizjattiva u jinvolvu ruħhom mal-Membri tal-Parlament Ewropew. Hadja Lahbib, il-Kummissarju għall-Ugwaljanza, il-Preparatezza u l-Ġestjoni tal-Kriżijiet, se tirrappreżenta l-Kummissjoni Ewropea fis-smigħ.
Fit-16 ta’ Diċembru, Membri tal-Parlament Ewropew se jiddibattu l-inizjattiva matul is-sessjoni plenarja, bil-parteċipazzjoni tal-Kummissjoni Ewropea.
Iż-żewġ laqgħat jixxandru fuq l-internet u jiġu reġistrati.
Fil-25 ta’ Novembru 2025, il-Kummissjoni rreġistrat żewġ inizjattivi taċ-ċittadini Ewropej:
L-organizzaturi tal-inizjattiva għandhom sitt xhur biex iniedu l-ġbir tal-firem.
Fis-17 ta’ Novembru 2025, l-inizjattiva taċ-ċittadini Ewropej “Projbizzjoni ta’ prattiki ta’ konverżjoni fl-Unjoni Ewropea” ġiet ippreżentata lill-Kummissjoni Ewropea, u b’hekk saret it-13 inizjattiva ta’ suċċess li se tiġi eżaminata mill-Kummissjoni.
L-inizjattiva ġabret 1,128,063 dikjarazzjoni vverifikata ta’ appoġġ miċ-ċittadini tal-UE, biex qabżet il-minimu meħtieġ ta’ miljun dikjarazzjoni valida ta’ appoġġ u laħqet il-limiti fi 11-il Stat Membru.
L-organizzaturi tal-inizjattiva jappellaw lill-Kummissjoni biex tipproponi projbizzjoni legali vinkolanti fuq il-prattiki ta’ konverżjoni mmirati lejn iċ-ċittadini LGBTQ+ fl-Unjoni Ewropea.
Il-Kummissjoni għandha sat-18 ta’ Mejju 2026 biex tippreżenta t-tweġiba uffiċjali tagħha, biex tiddeskrivi l-azzjonijiet li biħsiebha tieħu, jekk ikun hemm. Ara x’qed jiġri sadanittant: Pass pass.
Fis-Summit dwar l-Affarijiet Pubbliċi ta’ din is-sena fi Brussell, il-workshop “Nagħtu s-setgħa liċ-Ċittadini: Insaħħu l-Involviment għal Futur tal-UE Reżiljenti” se jħares lejn kif iċ-ċittadini jista’ jkollhom rwol aktar b’saħħtu fit-tfassil tad-deċiżjonijiet tal-UE, inkluż bl-inizjattiva taċ-ċittadini Ewropej. Il-kelliema jinkludu David Knight, Assistent tal-Politika fit-tim tal-Kummissarju Maroš Šefčovič u Elisa Lironi, Viċi Direttur Eżekuttiv fl-ECAS.
Il-Ħamis, 6 ta’ Novembru 2025, 12:00 (CET)
F’konformità mal-Artikolu 15 tar-Regolament dwar l-IĊE, l-organizzaturi tat-tnax-il inizjattiva taċ-ċittadini Ewropej ta’ suċċess “Il-Vuċi Tiegħi, l-Għażla Tiegħi: Għal Abort Skur u Aċċessibbli” ingħataw l-opportunità li jispjegaw l-objettivi tal-inizjattiva tagħhom fid-dettall. Dawn intlaqgħu fl-1 ta’ Ottubru 2025 mill-Kummissarju għall-Ugwaljanza Hadja Lahbib u mill-uffiċjali tal-Kummissjoni Ewropea.
Fid-29 ta’ Settembru, il-Kummissjoni kellha tirrifjuta r-reġistrazzjoni tal-inizjattiva “Għażla etika tar-rappreżentanti Ewropej”. L-inizjattiva ma ssodisfatx il-kundizzjonijiet formali stabbiliti fir-Regolament dwar l-IĊE.
Dan huwa t-tieni rifjut minn meta beda japplika r-Regolament il-ġdid dwar l-IĊE f’Jannar 2020.
