An Eoraip Saor ó Fhionnadh

Tíolacadh agus scrúdú

Cuireadh an tionscnamh ‘An Eoraip Saor ó Fhionnadh’ faoi bhráid an Choimisiúin an 14 Meitheamh 2023 tar éis dó 1,502,319 ráiteas tacaíochta dheimhnithe a fháil. Féach an preasráiteas.

An 20 Iúil 2023 bhuail na heagraithe le Věra Jourová, an Leas-Uachtarán um Luachanna agus um Thrédhearcacht de chuid an Choimisiúin, agus le Stella Kyriakides, an Coimisinéir um Shláinte agus um Shábháilteacht Bia. Féach an preasráiteas agus na grianghraif.

Reáchtáladh éisteacht phoiblí i bParlaimint na hEorpa an 10 Deireadh Fómhair 2023. Féach an taifeadadh.

Pléadh an tionscnamh ag seisiún iomlánach Pharlaimint na hEorpa an 19 Deireadh Fómhair 2023. Féach an taifeadadh (cuid 1 agus cuid 2).

Ghlac an Coimisiún Teachtaireacht an 7 Nollaig 2023 ina leagtar amach a fhreagra ar an tionscnamh ‘An Eoraip Saor ó Fhionnadh’. Féach an phreaseisiúint agus na ceisteanna agus freagraí.

 

Freagra an Choimisiúin Eorpaigh

Príomhchonclúidí na Teachtaireachta:

Chuir an Coimisiún de chúram ar an Údarás Eorpach um Shábháilteacht Bia (EFSA) tuairim eolaíoch a thabhairt maidir le leas ainmhithe a shaothraítear le haghaidh fionnaidh, rud atá le cur ar fáil faoi mhí an Mhárta 2025.

Trí chur leis an ionchur eolaíoch sin, agus le measúnú ar na tionchair eacnamaíocha agus shóisialta, cuirfidh an Coimisiún an ghníomhaíocht is iomchuí in iúl. Leanfaidh an Coimisiún dá chuid oibre ullmhúcháin ar thograí eile maidir le leas ainmhithe, mar a fógraíodh sa Straitéis ‘Ón bhFeirm go dtí an Forc’.

Tá gníomhartha tionlacain molta ag an gCoimisiún freisin i réimse na sásraí coisctheacha 'Aon Sláinte Amháin', speicis choimhthíocha ionracha agus lipéadú fionnaidh in éadaí agus i ngabhálais éadaigh.

Gníomhaíocht leantach

An 9 Feabhra 2024, bhuail an Coimisinéir Stella Kyriakides le heagraithe ‘An Eoraip Saor ó Fhionnadh’ chun freagra an Choimisiúin ar an tionscnamh a phlé.

Tá dul chun cinn á dhéanamh ar obair an Choimisiúin ar na gníomhaíochtaí tionlacain, mar a fógraíodh sa Teachtaireacht. Tá an méid seo a leanas san áireamh ann: 

• cuairteanna ar an láthair ar fheirmeacha fionnaidh ina bhfiosraítear rialuithe ‘Aon Sláinte Amháin’ atá i bhfeidhm. Eagraíodh cuairteanna ar an bhFionlainn, ar an bPolainn agus ar an Spáinn i mí an Mhárta, i mí Mheán Fómhair agus i mí Dheireadh Fómhair 2024, faoi seach. 
• ullmhú an athbhreithnithe atá beartaithe ar an Rialachán maidir le Lipéadú Táirgí Teicstíle, lena chomhairliúchán poiblí a tionóladh idir mí na Nollag 2023 agus mí Aibreáin 2024 agus ceardlann do pháirtithe leasmhara a eagraíodh an 18 Deireadh Fómhair 2024. Léigh tuilleadh ar an suíomh gréasáin tiomnaithe.