Seiceálacha incháilitheachta tugtha i gcrích ag an gCoimisiún maidir le dhá thionscnamh Eorpacha ó na saoránaigh

An 22 Iúil, thug an Coimisiún na seiceálacha incháilitheachta i gcrích le haghaidh na n-iarrataí ar chlárú ó dhá thionscnamh Eorpacha ó na saoránaigh.  

De thoradh air sin, cláraíodh an tionscnamh dar teideal ‘Coimeádaimis an tAnam san Idirlíon: Bíodh sé gan Sainthint Dhigiteach gan Fíorú Aoise i gcónaí’. Leis an tionscnamh, iarrtar ‘reachtaíocht a mholadh lena gcinnteofar go leanfaidh córais céannachta digití agus dearbhaithe aoise a úsáidtear chun rochtain a fháil ar sheirbhísí de bheith deonach neamh-idirdhealaitheach, agus den phríobháideachas a chosaint’. Tá 6 mhí ag eagraithe an tionscnaimh chun bailiúchán na sínithe a oscailt. 

Maidir leis an nGníomh chun an Eoraip a Shábháil, tháinig an Coimisiún ar an gconclúid nár chomhlíon an tionscnamh sin na coinníollacha foirmiúla faoin Rialachán maidir leis an Tionscnamh Eorpach ó na Saoránaigh, is é sin nach féidir le tionscnamh a bheith contrártha go follasach do na luachanna a chumhdaítear faoin gConradh agus faoi Chairt um Chearta Bunúsacha an Aontais Eorpaigh.