L-aħħar aħbarijiet

Din is-sena, l-Inizjattiva taċ-Ċittadini Ewropej se tkun preżenti f’diversi festivals fl-UE kollha bi stand ta’ informazzjoni, attivitajiet bħal kwiżż jew ħajt ta’ espressjoni, parteċipazzjoni f’dibattiti u aktar!

Il-festivals fejn tista’ tiltaqa’ u titkellem dwar l-ECI huma:

• Political Festival of Europe, festival tad-demokrazija ta’ erbat ijiem li jsir f’Mariager (id-Danimarka), bejn il-25 u t-28 ta’ Awwissu
• PrinsjesFestival, festival tad-demokrazija li jsir f’The Hague (in-Netherlands), f’Settembru – u b’mod partikolari fil-PrinsjesMarkt (17 ta’ Settembru)
• Cyprus Forum – konferenza annwali għall-bidla (Nikosija, 29-30 ta’ Settembru)

L-attivitajiet tal-ECI huma ppjanati wkoll fil-Belġju (Level up! Festival fi Brussell fl-aħħar ta’ Ottubru), il-Greċja (Festival tal-Films ta’ Tessaloniki f’Novembru) u ċ-Ċekja.

L-età minima għall-appoġġ tal-inizjattivi taċ-ċittadini Ewropej tikkorrispondi għall-età biex wieħed ikun intitolat jivvota fl-elezzjonijiet tal-Parlament Ewropew. Il-Belġju naqqas l-età minima tal-vot għal dawn l-elezzjonijiet minn 18 għal 16-il sena għaċ-ċittadini kollha tal-UE li jgħixu fil-pajjiż. Din il-miżura tidħol fis-seħħ fl-1 ta’ Mejju 2023. Wara dan, iż-żgħażagħ ta’ bejn is-16 u t-18-il sena se jkunu jistgħu jappoġġjaw ukoll l-inizjattivi taċ-ċittadini Ewropej.

Dan l-aħħar żdiedu karatteristiċi ġodda fis-Sistema Ċentrali ta’ Ġbir Online biex itejbu l-funzjonalità tagħha għall-organizzaturi tal-ECI: issa, il-kampjuni tal-messaġġi tal-media soċjali għandhom aktar għażliet ta’ fformattjar, u l-logos tal-inizjattivi jistgħu jintwerew fil-messaġġi fuq Facebook. L-organizzaturi jistgħu faċilment iniżżlu l-aħħar metriċi, isibu l-feedback tal-utent bil-lingwi oriġinali kif ipprovdut miċ-ċittadini u hemm gwida aħjar għaċ-ċittadini li jdaħħlu kodiċi postali ħażin.

Barra minn hekk, il-feedback kondiviż fi stħarriġ min-nies li jappoġġjaw l-inizjattivi se jippermetti lill-Kummissjoni tħejji titjib futur ieħor. Il-maġġoranza tal-inizjattivi miftuħa jużaw is-COCS u l-inizjattivi l-ġodda kollha rreġistrati mill-1 ta’ Jannar 2023 se jkunu meħtieġa jużawha.

How to get heard when people’s attention is focused on something else?

Register for this webinar on 6 July (12:30 – 1:45 CET) and learn about campaigning in difficult circumstances and how to make your citizens' initiative feature when these external events deter attention from it.

Communication expert, John Holland, and ECI organiser from the "Stop Finning - Stop the Trade" European citizens' initiative, Nils Kluger, will share their expertise and experiences on the subject.

Sejħa lill-organizzazzjonijiet tas-soċjetà ċivili kollha: aqsam l-esperjenza u l-perspettiva tiegħek dwar l-Inizjattiva taċ-Ċittaddini Ewropej! Kif tiddeċiedi li tappoġġja, jew li ma tappoġġjax, inizjattiva? Għidilna billi tieħu sehem f'dan l-istħarriġ qasir, data ta’ skadenza: 31 ta’ Lulju.

Ir-riżultati ta’ dan l-istħarriġ se jservu ta’ input għall-analiżi perjodika tar-regoli tal-ECI, li għandha tiġi ppubblikata sal-aħħar tal-2023.

With 7 episodes released in season 1 and production for season 2 kicking off, we invite you to share your views on the 'CitizenCentral' podcast. This survey takes approximately 8-10 minutes and closes on 23 June.

Jekk qatt staqsejt dwar l-età u n-nazzjonalità tal-organizzaturi tal-ECI, l-għadd ta’ firem għal kull pajjiż, anke fir-rigward tal-popolazzjoni tagħhom, iċċekkja l-aħħar data u ċifri dwar l-inizjattivi taċ-ċittadini Ewropej fl-infografika tal-ECI (aġġornata f’Mejju 2022) fil-Forum tal-ECI. 

L-edizzjoni tal-2022 ta’ Jum l-ECI, organizzata mill-Kumitat Ekonomiku u Soċjali Ewropew u s-sħab tiegħu fit-2 ta’ Ġunju 2022, iffukat fuq it-tema "Inizjattiva taċ-Ċittadini Ewropej 10 snin wara: lesti għall-futur?”. 

Is-sessjoni ta’ ħidma dwar is-Sistema Ċentrali ta’ Ġbir Online (COCS) ippermettiet li jiġu ppreżentati karatteristiċi ġodda tas-COCS u li jinġabar feedback mingħand l-utenti u l-partijiet ikkonċernati għat-titjib kontinwu tas-sistema.

Is-sessjoni ta' ħidma dwar “Inizjattivi ta’ suċċess: meta l-NGOs fl-UE jingħaqdu għal kawża komuni” tat bosta għarfien dwar l-involviment tas-soċjetà ċivili mal-ECI.

Aqra aktar fl-istqarrija għall-istampa ppubblikata mill-Kumitat Ekonomiku u Soċjali Ewropew.

Il-kors online dwar il-Ħiliet Essenzjali għall-Organizzaturi tal-Inizjattiva taċ-Ċittadini Ewropej huwa disponibbli fl-Akkademja tal-UE.

Huwa jiffoka fuq aspetti prattiċi tal-Inizjattiva taċ-Ċittadini Ewropej u jagħti lill-utenti l-opportunità li jitgħallmu dwar il-proċess u l-prattika tal-iżvilupp ta’ inizjattivi taċ-ċittadini Ewropej li rnexxew, taħt il-gwida ta’ esperti stabbiliti. Mat-tlestija tal-kors, il-parteċipanti jirċievu ċertifikat. Il-kors huwa offrut bla ħlas.

Fl-1 ta’ Ġunju 2022 il-Kummissjoni rreġistrat l-Inizjattiva taċ-Ċittadini Ewropej intitolata “Good Clothes, Fair pay (Ħwejjeġ tajbin, Pagi Ġusti)”. Din tappella lill-Kummissjoni Ewropea biex tipproponi leġiżlazzjoni li tirrikjedi li l-impriżi attivi fis-settur tal-ħwejjeġ u ż-żraben iwettqu d-diliġenza dovuta fir-rigward tal-pagi li jiggarantixxu l-għajxien fil-katina tal-provvista tagħhom.

Din hija r-raba’ inizjattiva rreġistrata fl-2022 u d-90 waħda mill-bidu tal-ECI fl-2012. L-organizzaturi tagħha issa għandhom sitt xhur biex jagħżlu meta jibdew il-ġbir tal-appoġġ.