Téigh siar chuig príomhleathanach na Treorach maidir le Cosaint Sonraí do na heagraithe
Treoir maidir le Cosaint Sonraí - Ceist 7
Cén dóigh ar cheart duit taifead ar phróiseáil sonraí a ullmhú?
Tá feidhm aige maidir le Cás 2 (is amhlaidh a fheidhmíonn an t-ionadaí mar rialaitheoir sonraí aonair), ach amháin a mhéid a bhaineann le húsáid sheirbhís malartaithe comhad an Choimisiúin.
Is ceanglas dlíthiúil é taifead a choinneáil go háirithe i gcás ina bhfuil sonraí íogaire á bpróiseáil.
Doiciméad i scríbhinn is ea taifead de ghníomhaíochtaí próiseála, inar gá an méid seo a leanas a chur san áireamh go háirithe:
- ainm agus sonraí teagmhála an rialaitheora sonraí, agus an oifigigh cosanta sonraí más ann dó;
- catagóirí na n-ábhar sonraí agus catagóirí na sonraí pearsanta a phróiseáiltear;
- cuspóirí na próiseála agus tagairtí an tionscnaimh lena mbaineann
- faighteoirí na sonraí pearsanta, i.e. iad siúd dár nochtadh na sonraí nó dá nochtfar na sonraí (anseo: údaráis ábhartha na mBallstát a bhfuil sé de chúram orthu ráitis tacaíochta a fhíorú agus a dheimhniú, agus na húdaráis sin amháin);
- dátaí agus bealaí aistrithe den sórt sin;
- na teorannacha ama atá beartaithe le haghaidh scriosadh na sonraí;
- cur síos ginearálta ar na bearta slándála teicniúla agus eagraíochtúla amhail criptiú, cumas athbhunaithe, tástáil agus bearta lena gcinntítear rúndacht, ionracas, infhaighteacht agus athléimneacht, slándáil fhisiciúil (Féach Ceisteanna maidir le slándáil i gcomhthéacs an bhailithe ar páipéar agus tíolacadh na ráiteas tacaíochta a bailíodh faoi bhráid na mBallstát lena bhfíorú.
TABHAIR DO D’AIRE:
Ní gá duit taifead ar leith a tháirgeadh lena gcumhdaítear oibríochtaí próiseála a dhéantar faoi rialú comhpháirteach leis an gCoimisiún, ós rud é go gcumhdaítear iad sin cheana féin leis an taifead ar ghníomhaíochtaí próiseála arna mbunú ag an gCoimisiún (féach Cás 1) agus úsáid sheirbhís malartaithe comhad an Choimisiúin faoi Chás 2). Ba cheart duit nasc chuig taifead an Choimisiúin a chur ar fáil i do dhoiciméadacht féin/do shuíomh gréasáin féin.
Tagairtí:
