Téigh siar chuig príomhleathanach na Treorach maidir le Cosaint Sonraí do na heagraithe
Treoir maidir le Cosaint Sonraí - Ceist 16
Cad iad na teorainneacha ama maidir le sonraí a choinneáil?
Ráitis tacaíochta:
Ní mór don ghrúpa eagraithe agus don Choimisiún araon gach ráiteas tacaíochta a síníodh ar son tionscnamh éigin (agus gach cóip díobh) a scriosadh faoi cibé dáta is túisce acu seo a leanas:
- 1 mhí amháin tar éis do na heagraithe an tionscnamh a thíolacadh don Choimisiún
- 21 mhí tar éis thús na tréimhse bailiúcháin.
Má tharraingíonn tú siar do thionscnamh tar éis thús na tréimhse bailiúcháin, áfach, ní mór na ráitis (agus gach cóip díobh) a scriosadh laistigh de 1 mhí amháin tar éis an tarraingt siar.
Na húdaráis náisiúnta a n-iarrfar orthu na ráitis tacaíochta a fhíorú, ní mór dóibh na ráitis ar fad (agus gach cóip díobh) a scriosadh laistigh de 3 mhí tar éis dóibh an próiseas sin a chur i gcrích.
Eisceachtaí:
- má tá tú páirteach in aon imeacht dlíthiúil nó riaracháin a bhaineann le do thionscnamh, féadfaidh tú na ráitis tacaíochta (agus na cóipeanna díobh) a choinneáil tar éis na dteorainneacha ama sin, i gcás ina mbíonn siad ag teastáil le haghaidh na n-imeachtaí sin.
- Maidir le tionscnaimh a bhfuil síneadh curtha leis an tréimhse bailiúcháin a ghabhann leo de bharr ghéarchéim phaindéim COVID-19, is amhlaidh a chuirfear síneadh leis na tréimhsí coinneála sonraí dá réir sin.
Seoltaí ríomhphoist:
Ní mór don ghrúpa eagraithe agus don Choimisiún gach taifead de sheoltaí ríomhphoist a scriosadh faoi na teorainneacha ama seo a leanas:
- 1 mhí amháin tar éis an tionscnamh a bheith tarraingthe siar nó
- 12 mhí tar éis thús na tréimhse bailiúcháin, nó
- 12 mhí tar éis an tionscnamh a bheith tíolactha don Choimisiún.
Más le teachtaireacht fhoirmiúil a thugann an Coimisiún freagra ar do thionscnamh, áfach, tiocfaidh deireadh leis an tréimhse choinneála le haghaidh seoltaí ríomhphoist 3 bliana tar éis an teachtaireacht sin a fhoilsiú.
Tagairtí:
- Airteagail 19(5) go 19(8) den Rialachán maidir leis an tionscnamh Eorpach ó na saoránaigh
- Airteagal 5 de Rialachán (AE) 2020/1042 lena leagtar síos bearta sealadacha i bhfianaise ráig COVID-19
