Téigh siar chuig príomhleathanach na Treorach maidir le Cosaint Sonraí do na heagraithe
Treoir maidir le Cosaint Sonraí - Ceist 15
Na ráitis tacaíochta bailithe a thíolacadh faoi bhráid na mBallstát lena bhfíorú – cad iad na róil agus na freagrachtaí agus córas malartaithe comhad an Choimisiúin á úsáid?
Is le Cás 2 a bhaineann sé nuair a dhéantar ráitis tacaíochta a thíolacadh trí chóras malartaithe comhad an Choimisiúin
Féadfaidh tú iarraidh ar an gCoimisiún ráitis tacaíochta a thíolacadh do na Ballstáit lena bhfíorú, fiú má bailíodh iad sin ar páipéar (faoi rialú an ionadaí agus é sin amháin).
Cad iad na róil agus na freagrachtaí atá ag an gCoimisiún?
- Cuireann sé an córas TF ábhartha ar fáil do na heagraithe, agus é réamhchumraithe le haghaidh an tionscnaimh.
- Cuireann sé an fheidhm chriptiúcháin ar fáil dóibh.
- Agus na ráitis tacaíochta criptithe agus uaslódáilte ag na heagraithe, cinntíonn sé go ndéantar iad a thíolacadh do na Ballstáit ar bhealach slán agus faoi rún.
- Scriosann sé na comhaid a stóráiltear sa tsaoráid tíolactha a luaithe a dheimhníonn sé leis an ngrúpa d’eagraithe agus leis na Ballstáit gur cuireadh an tíolacadh i gcrích.
- Aistríonn sé iarrataí na n-ábhar sonraí go dtí an grúpa d’eagraithe lena láimhseáil tuilleadh.
- Soláthraíonn sé measúnú tionchair ar chosaint sonraí, taifead ar na gníomhaíochtaí próiseála agus seirbhísí a Oifigigh Cosanta Sonraí maidir leis an oibríocht phróiseála sin.
Cad iad na róil agus na freagrachtaí atá ag an ionadaí?
- Déanann sé na ráitis tacaíochta a chriptiú (tar éis na cinn úd a bailíodh ar páipéar a scanadh)
- Uaslódálann sé na ráitis tacaíochta chriptithe sa chóras malartaithe comhad
- Déanann sé cinneadh maidir leis an dáta tíolactha d’údaráis inniúla na mBallstát
- Láimhseálann sé, faoi RGCS, aon iarraidh ó ábhar sonraí a fhaightear ag an gcéim sin den phróiseáil.
Tá an t-eolas iomlán, a mhéid a bhaineann le hoibleagáidí an dá rialaitheoir chomhpháirteacha, le fáil sna comhaontuithe ábhartha maidir le rialú comhpháirteach.
TABHAIR DO D’AIRE:
Féadfaidh tú a chinneadh na ráitis tacaíochta a bailíodh ar páipéar a thíolacadh ar do chonlán féin más rogha duit é.
Tagairtí:
Airteagail 4(3), 10 agus 12 den Rialachán maidir le tionscnamh Eorpach ó na saoránaigh
