An bhféadfadh do smaoineamh a bheith ina thionscnamh ó na saoránaigh?

Le tuairim a fháil an bhféadfadh do smaoineamh a bheith ina thionscnamh ó na saoránaigh, ní mór duit a sheiceáil go mbaineann sé le réimse beartais ina bhfuil inniúlacht ag an Aontas Eorpach agus go bhfuil cumhacht ag an gCoimisiún, sa réimse beartais sin, togra le haghaidh gníomh dlí a chur isteach.

Ar an bhfaisnéis a theastaíonn chun do thionscnamh a chlárú, beidh ort an fhoráil/na forálacha de na Conarthaí (airteagal nó tagairt níos leithne) a mheasann tú a bheith ábhartha don bheart atá á mholadh agaibh a thabhairt le fios.

Tá sé de chumhacht ag an gCoimisiún gníomh dlí a mholadh más rud é:

go dtagraíonn an t-airteagal atá sa Chonradh do nós imeachta reachtach ("gnáthnós imeachta reachtach" nó "nós imeachta reachtach speisialta"), seachas i sainchásanna ina bhforáiltear a mhalairt leis an airteagal (i.e. go luann sé go sainiúil gur institiúid eile seachas an Coimisiún a dhéanann an togra)

NÓ

go luann an t-airteagal go soiléir gurb é an Coimisiún atá freagrach as togra a dhéanamh.
Mar shampla: “Déanfaidh an Chomhairle, ar thogra ón gCoimisiún [...]".

Réimsí beartais agus na hairteagail sna Conarthaí lena mbaineann

Réimsí beartais	Na hairteagail sna Conarthaí (CFAE*, mura bhforáiltear a mhalairt)
Talmhaíocht agus iascach	Airteagail 38 – 44
An buiséad	Airteagail 310 – 324
Cosaint shibhialta	Airteagal 196
Iomaíocht	Airteagail 101 – 109
Cosaint tomhaltóirí	Airteagal 169
Cultúr	Airteagal 167
Custaim	Airteagail 30 – 33
Forbairt agus comhar	Airteagail 208 – 213
Beartais gheilleagracha agus airgeadaíochta	Airteagail 119 – 144
Oideachas, oiliúint,an óige agus spórt	Airteagail 165 – 166
Fostaíocht agus gnóthaí sóisialta	Airteagail 145 – 161
Fuinneamh	Airteagal 194
Méadú	CAE * – Airteagal 49 Airteagal 212
An comhshaol agus gníomhú ar son na haeráide	Airteagail 191 – 193
Trádáil sheachtrach	Airteagail 206 – 207
An troid i gcoinne na calaoise	Airteagail 325
Sábháilteacht bia	Airteagail 43, 168 – 169
Saorghluaiseacht: Daoine Seirbhísí Caipiteal	Airteagail 45 – 55 Airteagail 56 – 62 Airteagail 63 – 66
An chabhair dhaonnúil	Airteagal 214
Tionsclaíocht agus fiontraíocht	Airteagal 173
Sochaí na faisnéise	Airteagail 179 – 190
An margadh inmheánach agus saorghluaiseacht earraí	Airteagail 26 – 29, 114, 115
Ceartas, saoirse agus slándáil Beartais maidir le seiceálacha teorann, leis an tearmann agus leis an inimirce Comhar breithiúnach Comhar idir póilíní	Airteagail 67 – 89 Airteagail 77 – 80 Airteagail 81 – 86 Airteagail 87 – 89
Neamh-idirdhealú agus saoránacht	Airteagail 18 – 25
An tsláinte phoiblí	Airteagal 168
An beartas réigiúnach – Comhtháthú eacnamaíoch, sóisialta agus críochach	Airteagail 174 – 178, Airteagail 162 – 164
Taighde agus nuálaíocht	Airteagail 179 – 190
Cánachas	Airteagail 110 – 113
Turasóireacht	Airteagal 195
Iompar	Airteagail 90 – 100

* CFAE = Conradh ar Fheidhmiú an Aontais Eorpaigh - CAE = Conradh ar an Aontas Eorpach

NB: Clúdaíonn an liosta sin na réimsí leathana beartais a leagtar amach i gConarthaí an Aontais agus ní gá gur liosta uileghabhálach é. Féach ar théacs iomlán na gConarthaí chun tuilleadh eolais a fháil.

Níl sa téacs thuas ach treoir le cabhrú le heagraithe ionchasacha tionscnamh ó na saoránaigh. Níl sé ceangailteach go dlíthiúil ar an gCoimisiún Eorpach. Níltear ag maíomh go bhfuil sé uileghabhálach agus ní léirmhíniú oifigiúil ar théacs na gConarthaí é.

Tuilleadh eolais uait?

Féach ar chumhachtaí an Choimisiúin
Féach na hábhair is bunús le tionscnaimh a cláraíodh cheana
Féach freagraí diúltacha an Choimisiúin ar thionscnaimh bheartaithe nár chloígh leis na coinníollacha do chlárú
Tabhair cuairt ar Fhóram an Tionscnaimh Eorpaigh ó na saoránaigh, áit a dtig leat tuilleadh treorach a fháil agus comhairle a iarraidh.

An bhféadfadh do smaoineamh a bheith ina thionscnamh ó na saoránaigh?

Réimsí beartais agus na hairteagail sna Conarthaí lena mbaineann

Seiceáil an mbaineann do smaoineamh le ceann amháin nó níos mó de na réimsí beartais thíos agus léigh na hairteagail ábhartha sna Conarthaí

Tuilleadh eolais uait?