Athbhreithniú 2023 ar an Tionscnaimh Eorpaigh ó na Saoránaigh

Ní mór don Choimisiún Eorpach athbhreithniú tréimhsiúil a dhéanamh ar cad é atá ag éirigh leis an Tionscnamh Eorpach ó na Saoránaigh. Leagtar amach a chuid torthaí i dtuarascálacha chuig Parlaimint na hEorpa agus an Comhairle. 

Ghlac an Coimisiún a chéad tuarascáil maidir le cur i bhfeidhm Rialachán (AE) 2019/788 an 6 Nollaig 2023. Sa phróiseas athbhreithniúcháin, dhírigh an Coimisiún ar thionscnaimh a cláraíodh ón 1 Eanáir 2020 agus ar thionscnaimh a cláraíodh faoin gcéad Rialachán maidir leis an Tionscnamh Eorpach ó na Saoránaigh a bhí fós ar siúl an 1 Eanáir 2020 ag céimeanna éagsúla de nós imeachta an Tionscnaimh Eorpaigh ó na Saoránaigh. 

Rinne an Coimisiún roinnt comhairliúchán le feidhmiú mar bhonn fianaise don tuarascáil athbhreithniúcháin (le fáil i mBéarla amháin):

• Comhairliúcháin le heagraithe na dtionscnamh Eorpach ó na saoránaigh (suirbhé ar líne agus agallaimh)  
• Suirbhé ar líne lena ndírítear ar údaráis na mBallstát a bhfuil freagrachtaí orthu a bhaineann le cur chun feidhme an Rialacháin maidir leis an Tionscnamh Eorpach ó na Saoránaigh
• Suirbhé ar líne lena ndírítear ar shaoránaigh
• Suirbhé scoir lena ndírítear ar shínitheoirí na dtionscnamh Eorpach ó na saoránaigh a bhain úsáid as lárchóras bailithe ar líne an Choimisiúin 

Ionchorpraítear sa tuarascáil athbhreithniúcháin na torthaí ó ‘Staidéar neamhspleách ar Réitigh Theicniúla d’Eagraithe na dtionscnamh Eorpach ó na saoránaigh’ (le fáil i mBéarla amháin) arna dhéanamh ag foireann sheachtrach taighde TF chun anailís a dhéanamh ar na féidearthachtaí maidir le réitigh leabaithe ar an lárchóras bailithe ar líne a d’fhéadfadh an Coimisiún a thairiscint d’eagraithe na dtionscnamh Eorpach ó na saoránaigh.

Tugtar aghaidh sa tuarascáil athbhreithniúcháin freisin ar shaincheisteanna éagsúla a áirítear sa rún ó Pharlaimint na hEorpa an 13 Meitheamh 2023 maidir le cur chun feidhme na Rialachán maidir leis an Tionscnamh Eorpach ó na Saoránaigh agus lena ndéantar comhlánú freisin ar fhreagra an Choimisiúin ar an rún ó Pharlaimint na hEorpa. 

Féach preaseisiúint an Choimisiúin agus na príomhfhíricí agus na príomhfhigiúirí don tréimhse tuairiscithe.